ROMTE 9:4 - PATHIAN LEKHABU THIANGTHO (BSI)

⁴ Israel mite, cha hi’na changte, lopina changte, thuthung leh Dan thupiakte leh, Pathian nasepnate leh thutiam zosia a la changte a hiu a;

ROMTE 9:4 ပူးပေါင်းရင်းမြစ်များ

THILSIAM THU 15:18

Zia ni ngei ah chun Lalpa’n Abram kiang in thutiam a bawl ta’n: “Zia gam hi Aigupta luipi ah kipat Euphrates luipi tiang in,

THILSIAM THU 17:10

Zia hi kei leh nang leh la suante kikâl ah ka thuthung la vop zing ding uh chu ahi: la lak ua pawsal taphot a zek uh la tan ding uh ahi.

THILSIAM THU 17:2

chuleh, nang tawh I kikâl in thuthung siam ing ka tin, nasa tak in hun hi’pung ing ka,” a tia.

THILSIAM THU 17:7

Kei leh nang leh la suante suan sawn sawnte tiang inle ka thuthung, nang â ding leh la nung ah la suante â dingin a Pathian uh hiding in kumkhua thuthung dingin hi’det ding ka hi.

THILSIAM THU 32:28

Ama chun, “La min Jakob hita pua’n tin, Israel hizaw ta’n ah, Pathian tawh mihing la buan gêl ta’n, la thazo ta’ngal in,” a ti’n.

1 LENGTE 8:11

Lalpa In chu Lalpa lopina’n a lua dim tâk ziakin, thiampute chu sûmpi ziak ah chun nasem in a ding thei ta puau hi;

NEHEMIAH 13:29

Aw ka Pathian, amau in thiampute leh Levite thuthung bawtsia’n, thiampu dan a sukbuak uh hi hezing in.

SAM 147:19

A thu chu Jakob kiang in a puangdok ah, a thuguat leh a dan siamte chu, Israelte kiang in a latsak hi.

SAM 63:2

Tichun, mun thiangtho ah la thilhitheina leh, la lopina mu dingin ka hun en zing hi.

SAM 73:1

Mi dikte â ding leh, thinlung thiangthote chung ah chun, Pathian chu a pha tak tak hi.

SAM 78:61

a thilhitheina chu sal in a hen tânsak ta’n, a lopina chule a mêlmateu khut in a pedok tai.

SAM 89:3

Nang in, “Ka têlchuam kiang ah, thuthung ka siam ta’n, ka suak David kiang in sia ka sam tai;

SAM 89:34

Ka thuthung botsia pua’ng ka tin, ka kam ah thupawt le hi’lamdang diak pua’ng ka.

SAM 90:16

La thilbawlte la suakte kiang ah tâklang inla, la hâtna lopi tak chule, a chateu kiang ah tâklang in.

PAWTDAWNA THU 12:25

Chuleh, Lalpa’n a hun tiampiakna gam chu la hung lut phat ua leh le, zia la thil nit uh hi la zui zing diu ahi.

PAWTDAWNA THU 34:27

Lalpa chun Mosi kiang in: “Zia thute hi zik tiam in; zia dungzui ah hin nang leh Israelte kiang in thuthung ka siam ahi,” a tia.

PAWTDAWNA THU 4:22

Ziaphat chuleh, Pharaoh kiang in, Lalpa chun: ‘Israel hi ka chapa upa pen chu ahi:

PAWTDAWNA THU 40:34

Ziazaw chun, kikhopna biakbûk chu sûmpi’n a hun khû ta’n; tichun, Lalpa lopina chun biakbûk chu a hun lua dim tai.

ISAI 41:8

Himaleh, nang Israel ka nasempa, ka gualpa Abraham suante lak ah ka têlchuam nang Jakob,

ISAI 46:3

Ka gil ah ga, keima gilpi ah piang, nanghaw Israel Inkuan lak ah a thibang sunte haw, aw Jakob Inkuan ah mite haw, ka thugen hi a la ngai unla,

ISAI 5:2

A lei a let ah, suangchang a zen thiang a, grep keksi pha pen a phut a; huan lailung in a vênbûk a sa’n, zia chun grep sûkna ding khûk le a cho a; grep ga tam tak lâk khawm a kinem a, maleh, grep lêm ngen a ga ta mai hi.

ISAI 60:19

Sûn ah la meivak ding chu, nisa hita pua’n tin, jan ah a hun salvâk dingle, thapi hi diak ta pua’n a; maleh, Lalpa chu la kumtuang meivak ding hita’n tin; chuleh, la Pathian chu, la lopina ding uh hung hita’n a.

JEREMIAH 31:20

Ephraim chu ka chapa dawi tak hilo a hem? Ka kipakna chu hilo a hem? Ama demna thu ka gen daw si’n leh, ama ka hezing hi. Ama ziakin ka lungthim a na ma ma hi; matheilo in a chung ah jaidaw ing ka, Lalpa‘n a tii.

JEREMIAH 31:33

Himaleh, ziazaw nung lam ah, Israel Inkuante kiang ah ka thutiam siam ding chu zia hi hi’n a, Lalpa‘n a tii: A lunggil sung un ka dan koi ing ka tin, a lungchang un zikdaw piak ing ka; chuleh, a Pathian uh hi’ng ka tin, amau chule ka mipite hung hita’n au.

JEREMIAH 31:9

Kap kawm in hung kit intiu in, thamuan kawm pek in hun pui kit ding ka hi. Luicha tui luanna munte hawsak ing ka tin, kisui lo in lamzang tak in chia in au; Israelte â ding ah pa ka hung hi’n, Ephraim hi ka cha upa pen ahi tak ziakin, ti in.

EZEKIEL 1:28

A kîmvêl ah vâk chu, gawzuk ni sûm ah uizo in a sal gual ahi. Lalpa lopina chu zia gual chun a kilang a. Ka mu phât in, ka mai ah leitual si’n ka pûk ta’n; ziaphatchun, mi pakhat in ei hun ho git ka he tai.

HOSEA 11:1

Israel chu naupang a hilai khan ka hepi ah, Aigupta ah kipat in ka chapa chu ka kodok tai.

KISIMNA LEKHABU 7:89

Chun, Mosi chu Lalpa tawh kiho ding ah kikhopna puanbûk ah a chia phatin, thuthung thingkuang chung ah ja’ngaina chutpha, Cherub panite kikâl ah kipat in ama a hun hona aw gi chu a he ta’n; tichun, a kiho tau a.

MATTHAI 21:33

Tekhinthu dang pakhat a la ngai un: Mi kua a hem gamneipa pakhat a um ah; grep huan a bawl a, pal in pha tak in a ûm a, a grep sûkna khuk dingle a cho ah, a honna ding tau le a daw a; chun, lou enkolte kiang in a lousân lâk dingin a pedok ah, gam gamla tak in a zin daw san tai.

JOHAN 1:17

Mosi mang in Dan thupiak ahi’n; himaleh, hepina leh thutak chu Jesu Khrista ah chun a hung um tai.

JOHAN 1:47

Jesu’n a kiang lam zuan ah Nathanael hung chu a la mu in, a chung thu a la gen a, “En tiam un, Israel mi tak, zuauthepna neilo mi saw!” a tia.

NASEPTE 2:39

A thutep chu nanghaw â ding, la chateu â ding, gamla tak ah um zosia a ding tawh, I Lalpau Pathian in a kiang ah a ko tapote â ding ahi ngal a,” a ti’n.

ROMTE 3:2

Bang lam lam inle a phachuam hi, Pathian thute a kiang ua vopsak ah a um ziak ahi pen hi.

ROMTE 8:15

Lau tak ah um kit ding ah suak hi’na thagau la chang puau in, cha hi’na thagau la chang uh a hizawi. Tichun, “Abba! He pa!” ti ah I ko phat ua leh,

ROMTE 9:6

Himaleh Pathian thu chu a lawsam ahi diak puai. Israel suante zosia chu Israel ahi sik sek ziang puau hi.

2 KORINTH 11:22

Hebrai mi a hiu maw? Kei le ka hi. Israel mi a hiu maw? Kei le ka hi. Abraham suante a hiu maw? Kei le ka hi.

GALATIA 3:16

Abraham kiang in thutep piak in a la um ah; a suante kiang inle, mi tam tak chung thu gen gual ah, “Chisuante kiang in,” a tipua’n, mi pakhat chung thu gen gual in, “Nangma chisuante kiang in,” a ti zawi; zia chu Khrista chu ahi.

EPHESA 2:12

Zia lai ah khan Khrista neilo in, Israelte khua leh tui tawh kikhendan in, khawvel ah kinepna him neilo leh Pathian neilo in, thutiam thuthung lak ah kipat malzin la hiu kha hezing tau in.

DAN LEKHABU 14:1

Nanghaw hi Lalpa la Pathian uh chate la hitau ah. Mithi sûn ziak in la kihiliam ding uh ahi pua’n, la chalsam uh le la met lo ding uh ahi.

DAN LEKHABU 29:1

Horeb tâng ah a kiang ua thuthung a la piak sim lo in, Moab gam ah Israelte zui ding ah Lalpa‘n Mosi kiang ah a la piak thuthungte chu ziate hi ahi.

DAN LEKHABU 29:14

Zia thuthung leh kipautiamna thu hi, tu’ni nangmau kiang bep ah bawl hilo in,

DAN LEKHABU 31:16

Lalpa‘n Mosi kiang in: “La pu leh pate kiang ah chawldam pai ta ding la hi. Zia mipite hin, zia gam pathiante lak ah chun ei hun ângkawmsan pai in, ei kiheisan intiu in; a kiang ua ka thutepna thuthung chu bawtsia’n au.

DAN LEKHABU 4:13

A thuthung la zop ding ua a piak, Thu Sawm a hun piak chu la kiang un a puangjak ah; zia chu suangpêk pani in a zikdok a.

DAN LEKHABU 7:6

Lalpa la Pathian uh â dingin nam thiangtho la hiu ah; Lalpa la Pathian uh gochan bîk leh a mipi hi ding ah khawvel nam zosia lak ah kipat a kitêl chuamte la hi’ngâl un.

HEBRAITE 9:1

Ahi’n, thuthung masa khanle, Pathian nasep dante leh mun thiangtho, zia lei chung ah munthiangtho chu a nei a.

HEBRAITE 9:10

Ziate chu nêk leh dawn thu, kithiansakna chuam chuam leh paw lam dante tawh kisai ahi’n, siamphatna hun masia ding ah kibawl ahi.

HEBRAITE 9:3

Puanjak pani’na zaw in, biakbûk ah Mun thiangtho Chungnung pen a tiu chu a um hi;

HEBRAITE 9:5

A chung lam in jangaina chutpha lia dingin lopina cherubte chu a um un, ziate chu tu’hin a kip a kawi in gen thei puai tiu.

HEBRAITE 9:6

Zia thilte chu zia gual ah chun siam ahi; thiampute chu Pathian na sêm in biakbûk pindan masa pen ah chun a lut sek ui.