ROMTE 8:9 - PATHIAN LEKHABU THIANGTHO (BSI)

⁹ Nanghaw vang taksa um la hita puau in, Thagau ah um la hizaw tau hi; ziaziakchun, nangmau ah chun Pathian Thagau chu a chêng hi. Kua’nle Khrista Thagau a neilo chun ama mi ahi puai.

ROMTE 8:9 ပူးပေါင်းရင်းမြစ်များ

EZEKIEL 11:19

Lungthim thak pia’ng ka tin, a lunggil un thagau thak pakhat koi ta’ng ka; suang tawhbang ah tâk a taksau ah kipat lungchang chu ladok in, taksaphe gual ah nêm lungchang chu pia ta’ng ka tin;

LUKA 11:13

Nanghaw migilo in bawn la chateu thilpha piakna châng la het ua leh, la pau van ah um chun adonte chu Thagau Thiangtho pena lawm lawm in ah e! a tia.

JOHAN 14:17

Zia chu Thagau thutak ah um, khawvel in a mu lo leh a het lo ziak ah a la chan theilo kha ahi. Himaleh, ama chu la kiang ua um zing leh, nangmau ah chêngden ahiziak in la henau hi.

JOHAN 14:23

Jesu’n a dawnhu ah, min keima ei hepiu chun ka thu jawm intiu in; zia tak chuleh ka Pa’n amau chu hepi in a; chuleh, a kiang un hung ing ka tiu in, amau ah chun hung chêng ding ka hiu.

JOHAN 3:34

Pathian sawl ahi ziakin Pathian thute chu a gen hi; Pathian in te’ chît chiat in Thagau chu a pia puai.

JOHAN 3:6

taksa ah piang chu taksa ahi’n, Thagau ah piang chu thagau ahi.

NASEPTE 16:7

Musia gâl lam a tun phat un, Bithunia gam ah lut a guau a; himaleh, Jesu Thagau in a phal pua’n;

ROMTE 7:5

Taksa ah I um lai ua khan, Dan ah um zing gitlonate chun ei hun thunun thei sek in; thina ding lam ah chisuantu hi dingin I taksa bâkteu chu ei mat piak sek ahi.

ROMTE 8:1

Chutichun, tu’hin chu Khrista Jesu ah umte â ding ah chun, thiamlo channa him him a um ta puai.

ROMTE 8:11

Himaleh, mithi lak ah kipat Jesu kaithokitpa Thagau chu nangmau ah a um leh, mithi lak ah kipat Jesu kaithokitpa chun, nangmau ah um Thagau ah chun la taksau thithei chu hun hinsak kit in a.

ROMTE 8:2

Khrista Jesu ah hinna Thagau dan chun, gitlona leh thina Dan ah kipat chun ei pawtsak tangal in.

1 KORINTH 15:23

Himaleh, mitin chu a um ding dan gual chiat un um in au: Khrista chu ga masa hi’ntin, a hung phât tak leh, Khrista â zosia chule hi’nau.

1 KORINTH 3:16

Nangmau chu Pathian chênna In leh, Pathian Thagau chênna la hiu ti helo la hiu em?

1 KORINTH 6:17

Ahi’n, kuale Lalpa tawh kizom chu ama tawh thagau pakhat ah hing khawm a hiu.

1 KORINTH 6:19

Aleh, la taksau chu la sung ua um, Pathian kiang ah kipat la muu Thagau Thiangtho chênna In ahi ti leh, nangmau â la hita puau hi ti helo la hiu em?.

2 KORINTH 10:7

La mit muu ah thil umte chu en un. Kua’nle Khrista â hi ah a kiginchâk leh, zia hi kingaituau hen; ama chu Khrista â ahi gual in, kei uh le ka hiu.

2 KORINTH 6:16

Milimte leh Pathian biak inle bang a hem kituakna a nei uh? Ei uh chu Pathian hing biak In I hingal un: Pathian chun: “Amau ah chun chêng in, a lak un vâkvêl ing ka tin, a Pathian uh hi’ng ka tin, amau le ka mite hi’n au.

GALATIA 4:6

Chuleh, chate la hi tâk ziak un Pathian in a Chapa Thagau chu, “Abba, He pa,” ti ah kiko in, I lung sung un a hun sawl ta ahi.

GALATIA 5:24

Chun, Khrista Jesu ah um te chun taksa chu a thil phalo ngaituanate tawh a nopnate pum in a khênden tau hi.

EPHESA 1:13

Ama ah chun nang uh le, thutak thu, la hukhinnau chanchinpha chu la het ua, la gin nung un, ama Thagau Thiangtho tiamsa ah chun tepte’ la hitau hi.

EPHESA 2:22

Nanghaw le ama ah chun, Thagau ah Pathian chênna mun ding ah lepkhawm la hitau hi.

EPHESA 3:17

chuleh, hepina ah zung kai leh kinga in, Khrista chu ginna ziak ah la lunggil sung ua a chêntheina ding in.

PHILIPPI 1:19

La pauchapnateu leh Jesu Khrista Thagau panpina ziakin, zia chu ka suachâkna hung hi’n ah ti ka hia’i.

2 TIMOTHI 1:14

Eimau ah chêng Thagau Thiangtho kithuapina’n, nangma ah vopsak hita go thilpha tak chu chingpha ta’n.

1 PETER 1:11

Khrista Thagau amau ah um chun, Khrista thokna ding leh, zia zaw ah lopina hung um dingte chu a la hiatsak lawk lai ua khan, a ni leh hun ding hetdaw a la guau a.

1 JOHAN 3:24

A thupiakte zawm zosia chu ama ah a um zing un, ama le amau ah chun a um zing hi. A Thagau ei piak ah hin ama chu eimau ah a um zing hi ti I hethei ui.

1 JOHAN 4:13

Ama’n a Thagau ei piak tâk ziakin, ei uh ama ah um in, ama le eimau ah a um hi, ti I hethei ui.

1 JOHAN 4:4

Naute haw, Pathian ah kipat la hiu a, ziate chu la zo tau hi; nangmau ah um chu khawvel ah um sâng ah chun a hatzaw ngal a.

THUPUAN 13:8

Khawvel siamtil ah kipat tha’sa, Belamno hinna Lekhabu min kikhum lo tapo leh, lei chung ah um zosia chunle ama chu hun be ta’n au.

THUPUAN 20:15

Kuale Hinna Lekhabu a min kizik lo tapo chu meidil in a pai tau hi.