ROMTE 8:7 - PATHIAN LEKHABU THIANGTHO (BSI)

⁷ Taksa lam doidan vang Pathian tawh kimêlmâkna ahi’n; Pathian dan tawh kituakna a um puai; um le a um theilo him ahi.

ROMTE 8:7 ပူးပေါင်းရင်းမြစ်များ

2 KHANGTHU 19:2

Hanani chapa Jehu, thiamgau chu ama mu dingin a chia ah, Lengpa Jehoshaphat kiangah chun, “Mi nunsiapa panpi in, Lalpa mu nuamlote chu ngaina zing nalai ding la hem? Zia gual ah la um ziak ah chun, la chung ah Lalpa hachang thak ding ahi.

JOB LEKHABU 15:13

zia ziak ah chu la lungthim in Pathian kãl ah, la kam ah zia gual thu chu gen la hi em?

SAM 53:1

Mi ngolte chun a lungthim un, “Pathian a um puai,” a tiu a. A sezo tau ah, thil phalo ki’dak um a bawl tau a, kuama thilpha bawl pakhat chale a um ta puau hi.

PAWTDAWNA THU 20:5

Zia haw âng ah chun bokkhup kiu inla, a nau le la sep lo diu ahi; Kei Lalpa, la Pathian uh hi doichilgil Pathian, pate gitlona chu ei pom lo a chateu chung ah a khang thumna leh a khang li’na tiang ah phuba la sek ka hi’ngal a.

JEREMIAH 13:23

Ethiopia mi chun a vun uh theng in, gialbem inle a ziau a theng thei awm? Chuti ahileh, nanghaw thil phalo bawl zongsakte hinle, thil pha bawl thei tho ding la hiu chulam.

EZEKIEL 14:5

a milimteu ziak ah ei la jamsan ta, Israel Inkuante lungchang chu ka tûktân theina dingin, zia tawhbang milim tam tak nei pum ah hungte chu Keima, Lalpa hin dawnhu ing ka.

MATTHAI 12:34

Nanghaw migilo gûl suante haw, bangti’n thu pha genthei ding la hiu em? Lungthim ah dimlêt chu kam in a gen sek ngal a.

MATTHAI 5:19

Ziaziakchun, kua’nle, dan thupiakte lak ah a neu pen hi botsia hen la, zia gual ma chun midang le bawsiatsak ding ah a hil chun, ama chu van-gam ah chun mi neu pen ti’n au. Zia gual ma chun, kuale dan thupiak jawm ah, midang le jawm ding ah hil chu, van-gam ah chun mi lian ti’n au.

JOHAN 7:7

Nang uh khawvel in a hun hawthei pua’n, keima ka hileh chu ei huau ahi, a thil phalo bawlteu a phatlo dan ka gendaw piak ziakin.

ROMTE 1:28

Chun, Pathian het a nop lo ziak un, thil mêlpha lo tak tak bawl ding ah a doi lo gual lungthim nei phal in, Pathian in a kihei mangsan tai.

ROMTE 1:30

demhatnate, Pathian huatnate, musitnate, kiletsaknate, uannate, gitlo thil pandokte, nu leh pa thu awilonate;

ROMTE 3:31

Ahileh, ginna ziak ah dan chu I paithâk uh a hem? Hilo e, dan chu I sudet zawu ahi.

ROMTE 5:10

A mêlma I hi’lai a bawn, a Chapa thina ziak ah Pathian tawh kicham I la hi tâk uh chun, kicham a I um tâk nung uh hin, a hinna ziakin hukhin in um ngei hitiu.

ROMTE 7:22

Ka mihing sung lam ah hin Pathian dan zui ka thatnoppi ma ma sek a;

ROMTE 8:4

taksa’n a sukzawngkhal ziak ah Dan in a bawlthei tâk lo chu, Pathian in a chapa chu gitlona taksa mêlpu’n, gitlo thoina ding ah hun sawl in, taksa ah gitlona chu thiamlo a hun chansak tai.

1 KORINTH 2:14

Himaleh, hindang lo mite chun, Pathian Thagau thilpiakte chu a chang puau in, amau â ding chun ngolhuai ahiziak in; chuleh, thagau lam thil hetkhenna neilo ahiziak un, zia thilte chu a hethei puau hi.

1 KORINTH 9:21

Dan neilote ka lâk lut theina dingin, (Pathian dan awi lo diak lo in, Khrista dan zawm zing ngal in) dan neilote lak in, dan neilo gual in ka um sek hi.

KOLOSSA 1:21

Chuleh, lungthim lam ngaituana ah khen chuam leh a mêlma a la hi’n, nunsia tak in la la um tau a;

KOLOSSA 2:18

Kuama’n amau doilam thu bep ah kingainiam leh, vansawlchâkte biakna’n la kipakman uh hun lâkpiak kiu hen, a thil mu teu chu pansan in a taksa lam lungthim ua kisathei in,

2 TIMOTHI 3:4

juauhatte, thunung ngaitualote, kimisakte, Pathian hepi sâng ah ama kinoptelna ngaina zaw te;

HEBRAITE 8:10

‘Zia nite zaw chuleh, Israel Insung mite tawh kikâl ah ka thuthun ding chu, zia hi hi’n a,’ Lalpa‘n a ti’n: ‘A lungthim un ka dan chu koi ing ka tin, a lung sung un zik ing ka; chuleh, a Pathian uh hi’ng ka tin, amau chu ka mite hita’n au.

JAKOB 4:4

Ângkawmte haw! Khawvel tawh kijawlna chu Pathian mêlma hi’na ahi ti la hepuau em? Ziaziakchun, kuale khawvel tawh kijawl nuam chu Pathian mêlma a hisek hi.

2 PETER 2:14

A mit uh ângkawmna dim, gitlona haisan theilote a hiu a; mi detlote a thêm pûk ua; ênna lungthim a puu ah; hânsia law chate a hiu hi.