ROMTE 8:6 - PATHIAN LEKHABU THIANGTHO (BSI)

⁶ Taksa lam thilte lunggulna chu thi’na ahi’n; thagau lam thil lunggulna chu hinna leh thamuanna ahi ngal a.

ROMTE 8:6 ပူးပေါင်းရင်းမြစ်များ

JOHAN 14:27

Thamuanna ka nutsia piak la hiu; keima thamuanna ngei chu ka hun piak la hiu; khawvel in a hun piak gual in ka hun pia puai. La lungthim uh lungkham ki’hen la, lau le lau diak ki’hen.

JOHAN 14:6

Jesu’n a kiang in, “Keima hi lampi leh thutak leh hinna ka hi. Keima ah chia lo chu kuama Pa kiang a tung ngai puau hi.

JOHAN 17:5

Chuleh, He Pa, tu’hin khawvel kisiam masang ah, la kiang ah nangma ngei lopina lei choisa’n gual ah khan ei chawisang kit ta’n.

ROMTE 13:14

Lalpa Jesu Khrista ah chun kithuam zawu inla, taksa utna te pitin dingin bangma bawl kiu in.

ROMTE 14:17

Pathian gam hi nêk leh dawn thu a hipua’n, Thagau Thiangtho ah dikna, thamuanna leh kipaknate a hizaw ngal in.

ROMTE 5:1

Ziaziakchun, ginna ziak ah thiamchang ah um in, I Lalpau Jesu Khrista jal in, Pathian tawh kicham in I um tau hi.

ROMTE 5:10

A mêlma I hi’lai a bawn, a Chapa thina ziak ah Pathian tawh kicham I la hi tâk uh chun, kicham a I um tâk nung uh hin, a hinna ziakin hukhin in um ngei hitiu.

ROMTE 6:21

Tu’ la thil jachatpiteu ah kipat chun bang phatchuamna la la muu em leh? Ziate tawpna kha thina ahi vei.

ROMTE 6:23

Gitlo man chu thina ahi’n, Pathian thilthawnpiak ahileh vang, Jesu Khrista, I Lalpau jal ah kumtuang ah hinna ahi.

ROMTE 7:11

Gitlo chun zia thupiak chu lemchâng ah mang in ei hun thêm ah, zia chu mang in ei that tai.

ROMTE 7:5

Taksa ah I um lai ua khan, Dan ah um zing gitlonate chun ei hun thunun thei sek in; thina ding lam ah chisuantu hi dingin I taksa bâkteu chu ei mat piak sek ahi.

ROMTE 8:13

Taksa dan ah la um zing uh chun thi ngei ding la hiu; himaleh, Thagau ah chun taksa thilhi’te la thâ zing ua leh vang hing in lau.

ROMTE 8:27

Ama, lungthim sunggil lam ensui sekpa chun, Thagau lungthim leh ngaituate chu a hia’n, ziaziakchun, Pathian lung lam tawh kituak in mithiangthote â dingin a dot piak zing ahi.

ROMTE 8:7

Taksa lam doidan vang Pathian tawh kimêlmâkna ahi’n; Pathian dan tawh kituakna a um puai; um le a um theilo him ahi.

GALATIA 5:22

Himaleh, Thagau ga chu, hepina, kipakna, chamna, dawtheina, nunnemna, phatna, ginumna,

GALATIA 6:8

Ama taksa lam ah tû’pa chun taksa lam ah siatna chu luak intin, Thagau lam ah tû’pa vang chun Thagau lam kumtuang hinna luak in a.