ROMTE 7:6 - PATHIAN LEKHABU THIANGTHO (BSI)

⁶ Himaleh, tu’hin chu Thagau ah hinna thak nuai ah suakte I hi zawk theina ding ua ei tutâng pen ah kipat thi ta in, lekha zik lui gual bep hilo in, Dan ah kipat in thâdaw in I um tau hi.

ROMTE 7:6 ပူးပေါင်းရင်းမြစ်များ

EZEKIEL 11:19

Lungthim thak pia’ng ka tin, a lunggil un thagau thak pakhat koi ta’ng ka; suang tawhbang ah tâk a taksau ah kipat lungchang chu ladok in, taksaphe gual ah nêm lungchang chu pia ta’ng ka tin;

EZEKIEL 36:26

Lungthim thak hun pia’ng ka tin, la sung ah thagau thak hun koi ta’ng ka; nangma taksa ah kipat suang gual ah tâk lungchang chu ladok ing ka tin, phe gual ah nêm lungchang khat hun pia ta’ng ka.

ROMTE 1:9

A Chapa chanchinpha nasepna ka thagau zosia ka panna Pathian chu ei hiatpitu ahi; tichun, ka pauchapna ah chun hemil lo in la min uh ka sua zing sek a.

ROMTE 12:2

Zia khawvel dan gual ah hin um kiu inla, Pathian doi gual, a pha leh pom tâk leh a bukim chu la hettheina ding un, la lungthim uh siamthak ah um in, hung danglam zaw tau in.

ROMTE 6:11

Zia gual ma chun, nang hawle gitlo lam thu ah chun a thisa’n kingai un; chuleh, I Lalpau Jesu Khrista jal ah chun, Pathian lam ah hing in kingai un.

ROMTE 6:19

Taksa lam ah la hatlo ziak un mihing dan in thu ka gen ahi; la taksa bakteu thianglo kiang ah leh, a sia ding ah siatna kiang ah la piak phal gual uh khan, tu’hin la taksa bakteu chu thianthona dingin dikna suak dingin pia phal tau in.

ROMTE 6:2

Hinaisai lo e! Ei uh gitlona thi’san tate hi, bangti’n gitlo ah hing zing thei nalai ding I hiu em?

ROMTE 6:22

Tu’hin vang chu gitlo ah kipat pawt in, Pathian suakte la hung hiu hin, phatchuamna la muu chu sukthianthona ahi; zia tawpna chu kumtuang ah hinna ahi.

ROMTE 6:4

Ziaziakchun, a thina baptisma chang in ama tawh vui in I um un; chutichun, Pa lopina chun mithi lak ah kipat Khrista a kaithaw gual ma chun, ei hawle hinna thak ah I hintheina ding un.

ROMTE 7:1

Suapite haw, dan hete kiang ah thugen ka hiziak in mihing chung ah Dan in a dam sung sia thu a nei dan hi la hepuau em?

ROMTE 7:2

Numei pawsal nei chu a dam sung sia a pawsal neina dan ah chun kân in a um tai; himaleh, a pawsal a thi leh vang pawsal neina dan ah kipat chun thâdaw ahi tai.

ROMTE 7:4

Zia gual ah chun, ka suapite haw, nang uh hi Khrista taksa ah chun Dan thi’san ah um la hitau ah; Pathian â ding ah chi suantu I hung hitheina ding un, thina kipat ah thokit ngei chu kichenpi la hitau ahi.

2 KORINTH 3:6

Ama’n thuthung thak nasem dingin ei tinsak a; thu kizik hilo in, a Thagau nasemte hiding in. Thu kizik chun a that sek a, Thagau chun a hinsak sek hi.

2 KORINTH 5:17

Zaziakchun, kuale Khrista ah a um chun thilsiam thak a hung hi tai; thil luite chu a bei ta’n, en tiam un, thil zosia a hung thak kit tai.

GALATIA 3:13

Khrista chu I thasang un hânsedawl a hung hi’n, dan hânsia lak ah kipat chun ei tandok tai: “Thing ah khaikâng ah um tapo chu hânsia dong a hi,” ti zik ahi ngal a.

GALATIA 6:15

Kisiam thak kitna longal ah chun zektan hi bangma a hipua’n, zektanlo le bangma ahi diak puai.

EPHESA 4:24

mihing thak, diktatna leh thianthona Pathian kibatpi ah siam ah chun kivan tau in.

PHILIPPI 3:3

Thagau ah Pathian ho in, Khrista Jesu kisuanpi ah, taksa ah kimuang lote hi zektan dik tak I hizaw ngal un.

KOLOSSA 3:10

Mihing thak ah chun la kivan tau ah, zia mihing thak chu het bukimna nei dingin, a siampa tawh kipua ah siamthak ahi.