ROMTE 7:5 - PATHIAN LEKHABU THIANGTHO (BSI)

⁵ Taksa ah I um lai ua khan, Dan ah um zing gitlonate chun ei hun thunun thei sek in; thina ding lam ah chisuantu hi dingin I taksa bâkteu chu ei mat piak sek ahi.

ROMTE 7:5 ပူးပေါင်းရင်းမြစ်များ

MATTHAI 15:19

Lunggil sung ah kipat chun tupgûkna phalo gilonate, tualthanate, ângkawmnate, tatsualnate, gûkchâknate, zuau gennate, mi hêknate leh gensiatnate hung pawt sek ahi.

JOHAN 3:6

taksa ah piang chu taksa ahi’n, Thagau ah piang chu thagau ahi.

ROMTE 1:26

Ziaziakchun, Pathian in jachâk um tak ah hûk phal in a kihei mangsan tai. A jiteu nasan le a numei hi’nau chu dan lo gual ah mang in a kisiam danglam tau a.

ROMTE 3:20

Ziaziakchun, “Dan thil hi ah kuama ama mit mu in thiamchang ding a um pua’n,” dan ziakin gitlo kihiatna um a hibep ngal a.

ROMTE 4:15

Dan um lona chun bawsiatnale a um pua’n, dan chu lungnatna supuang bep ahi zawi.

ROMTE 5:20

Sukkhialna a kilat tam zawk diak theina dingin dan chu a hung lut a. Himaleh, gitlona a punna chun hepina le a pung zaw diak sek hi.

ROMTE 6:13

Chuleh, la taksa bakteu hile gitlo lam ah dik lona matchâk dingin pia phal kiu inla; thina kipat hing kit gual in, Pathian lam ah dikna matchâk dingin pia phal zaw tau in.

ROMTE 6:19

Taksa lam ah la hatlo ziak un mihing dan in thu ka gen ahi; la taksa bakteu thianglo kiang ah leh, a sia ding ah siatna kiang ah la piak phal gual uh khan, tu’hin la taksa bakteu chu thianthona dingin dikna suak dingin pia phal tau in.

ROMTE 6:21

Tu’ la thil jachatpiteu ah kipat chun bang phatchuamna la la muu em leh? Ziate tawpna kha thina ahi vei.

ROMTE 6:23

Gitlo man chu thina ahi’n, Pathian thilthawnpiak ahileh vang, Jesu Khrista, I Lalpau jal ah kumtuang ah hinna ahi.

ROMTE 7:23

himaleh ka taksa bâkte ah hin dan chuam dang a um hi ti ka hia’i, zia chun ka lungthim ah dan chu a do ah, ka taksa bâkte gitlona dan umte kiang in suak in ei pui sek ahi.

1 KORINTH 15:56

Thina gu’ chu gitlona ahi’n, gitlo thilhitheina chu dan ahi.

2 KORINTH 10:3

Taksa ah um himaleu hin, taksa galdo gual in I do puau hi.

GALATIA 3:10

Dan thil hi’ ah kinga tapote chu dan hânsia nuai in a um ngal un; “Dan lekhabu thu kizik zosia gual ah bawl zing lo tapo chu hânsia dawl in um uh hen,” ti zik ahi ngal a.

GALATIA 5:24

Chun, Khrista Jesu ah um te chun taksa chu a thil phalo ngaituanate tawh a nopnate pum in a khênden tau hi.

EPHESA 2:11

Ziaziakchun, malai ah nanghaw taksa dan ah Jentel ah piang, taksa khut ah “Zektan,” kititen, “Zektanlo,” a la titeu haw:

EPHESA 2:3

Zia awilo chate lak ah chun ei hawle malai ah khan, taksa leh lungthim doigualte bawl in, I taksa nopnateu gual in I um chiat un; midangte gual tho ah lungnatna chate piang I la hiu in.

KOLOSSA 3:5

Chutichun, la taksau ah leilam thil doina umte hi that un: Tatsualnate, buaknate, huknate, nopna phalote, papnate, (papna chu milim hona ahi.)

TITA 3:3

Eihawle malai ah khan mingol tak, thu awilo, thep zaw ah um, gilo leh mitthîp hatte, huat ah um leh kihawtua ah umte I la hiu a.

JAKOB 1:15

Zia nopna chun no a hun pâi in, gitlona a hing sek a; gitlona chu a hung pitin phat leh, thina a tun sek hi.

JAKOB 4:1

La lak ua kidodilna leh kinialnate hi khoi ah hung kipan sek a hem? La sung lam ua kidona siamdaw sek la nopnateu ah kipat hilo a hem?

1 JOHAN 3:4

Gitlo bawl taphot chu dan botsia a hiu; gitlona chu dan bawsiatna ahi.