ROMTE 7:4 - PATHIAN LEKHABU THIANGTHO (BSI)

⁴ Zia gual ah chun, ka suapite haw, nang uh hi Khrista taksa ah chun Dan thi’san ah um la hitau ah; Pathian â ding ah chi suantu I hung hitheina ding un, thina kipat ah thokit ngei chu kichenpi la hitau ahi.

ROMTE 7:4 ပူးပေါင်းရင်းမြစ်များ

ISAI 54:5

La pawsal chu nangma hun Siamtu kha ahi’n, a min chu sepai honte Lalpa ahi ngal a. Israelte Mithiangtho, nangma hun Tanpa chu ahi’n, ama chu lei chung zosia’ Pathian ahi.

ISAI 62:5

Tangval in nungakthiangtho a kichenpi gual in, la chateu in hun kichenpi intiu in, mo neitu monu chung ah a lungdam ma ma gual in, la Pathian uh la chung un kipak ma ma ta’n a.

MATTHAI 26:26

An nekhawm ah a ki-ûm pêt ua chun, Jesu’n vaithum a la, mal a jawl ah, a phelsua ah, a nungzuite chu a pia, “Lau inla, neu in, zia hi ka taksa chu ahi,” a tia.

MARKA 4:20

Chuleh, lei phatna kethate chu ziate hi a hiu: Thu chu a het tak ua leh pom ngal in, a ga hun suau ah, ale’ sawmthum, ale’ sawmguk leh ale’ za khat ah hung pungte chu a hiu,” a tia.

JOHAN 15:8

Tam tak ah la ga ziak un ka Pa chu choihoi in a um sek hi; tichun, ka nungzuite hi’n lau.

JOHAN 3:29

Mo neipa chu mo-pa chu a hisek hi; himaleh, mo-pa dinpi a gualpa chun, a thu a la hetpi in, zia mo-pa thugen ziak ah chun nasa tak in a la kipak sek hi; zia gual ma chun, zia hi ka kipakna bukimna chu a hi.

JOHAN 6:51

Keima hi vaithum hing, van ah kipat hung suk chu ka hi. Zia vaithum ne tapo chu kumtuang in hing zing intin; zia vaithum, khawvel hinna ding ah ka piak ding chu ka taksa hi ahi,” a tia.

ROMTE 6:11

Zia gual ma chun, nang hawle gitlo lam thu ah chun a thisa’n kingai un; chuleh, I Lalpau Jesu Khrista jal ah chun, Pathian lam ah hing in kingai un.

ROMTE 6:14

Gitlona chun la chung un thu nei talo ding ahi ngal in. Dan vaihawmna nuai ah um la hita puau ah, hepina nuai ah um la hizaw tau hi.

ROMTE 6:2

Hinaisai lo e! Ei uh gitlona thi’san tate hi, bangti’n gitlo ah hing zing thei nalai ding I hiu em?

ROMTE 6:22

Tu’hin vang chu gitlo ah kipat pawt in, Pathian suakte la hung hiu hin, phatchuamna la muu chu sukthianthona ahi; zia tawpna chu kumtuang ah hinna ahi.

ROMTE 7:3

Ahi’n, ama chun a pawsal a dam sung in pawsal dang vanei taleh, ama chu ângkawm hi’ntin; himaleh, pawsal thi ta ahi chun zia dan ah chun kikân talo ahiziak in, midang kichenpi ziang leh le ângkawm ti’thei a hita puai.

ROMTE 7:6

Himaleh, tu’hin chu Thagau ah hinna thak nuai ah suakte I hi zawk theina ding ua ei tutâng pen ah kipat thi ta in, lekha zik lui gual bep hilo in, Dan ah kipat in thâdaw in I um tau hi.

ROMTE 8:2

Khrista Jesu ah hinna Thagau dan chun, gitlona leh thina Dan ah kipat chun ei pawtsak tangal in.

1 KORINTH 10:16

Maljawlna no ah maljawlna ka piak uh hi, Khrista thisan kikoppina hilo a hem? Vaithum ka thap sek uh hi, Khrista taksa kikoppina hilo a hem?

2 KORINTH 11:2

Pathian thangsiatna’n ei vei ka hun thangsiat; Khrista kiang ah nungak thiangtho gual ah ka piakdaw theina dingin, pawsal khat ka hual piak la hiu.

GALATIA 3:13

Khrista chu I thasang un hânsedawl a hung hi’n, dan hânsia lak ah kipat chun ei tandok tai: “Thing ah khaikâng ah um tapo chu hânsia dong a hi,” ti zik ahi ngal a.

GALATIA 5:18

Himaleh, Thagau pui ah la um ua leh, dan nuai ah chun la um puau hi.

EPHESA 2:15

Pani hilai kha ama ah mihing thak pakhat hiding ah a siamdaw theina dingin, dan leh a thupiakte leh a thuthungte chu subei in, kichamna a bawl tai;

PHILIPPI 1:11

Pathian lopina leh choihoina ding ah, Jesu Khrista vang ah hung um, dikna gate chu la sua theina ding un.

PHILIPPI 4:17

Thilpiak chu hawl ka hipua’n; nangmau ah ga hung piang chu hawl ka hizawi.

KOLOSSA 1:10

Chuleh, nasep pha zosia ah ga sua ah, Pathian hetna hung khang ah, ama kipakna lam ah Lalpa â ding ah kilawm him ah la hin theina ding un.

KOLOSSA 1:22

tu’hin vang ama leisiat hinkhua taksa hun thi’sak in, thiangtho, demna bei leh mawchansak theilo ding ah a ma-âng ah a hun piakdaw theina ding in,

KOLOSSA 1:6

Zia chanchinpha chu khawvel zosia ah ga ah a pun pek gual in, la kiang un a hung tung ah, Pathian hepina chu thutak ah la ngaithâk ua, la het niu ah kipat in nangmau ah le ga in a pung zing hi.

KOLOSSA 2:14

Batna lekha, thupiak ah kizik, I chung ua um zing, ei kãl sek chu a nuaimang tangal a; zia ngei chu kros ah kilden in a hi’bei tai.

KOLOSSA 2:20

Khawvel thubulte chu Khrista kiang ah la thisan ua leh, bangatia khawvel ah hing nalai gual ah thupiakte ah chu kipelut kit la hiu em?

HEBRAITE 10:10

A dawi gual ah chun, Jesu Khrista taksa khatvei thu ah a kilat zaw tâk ziakin sukthian in I um tau hi.

1 PETER 2:24

Gitlona thi’san ah, dikna ah I hin zawk theina ding un, ama ngei chun kros ah khan a taksa ah chun I gitlonateu a paw tai. Ama beliamte ziak ah sukdam in la um tau ahi.

THUPUAN 19:7

Lim leh kipak tak in ama chu chawihoi hitiu. Belamno mo nei hun a tung ta’n, a mo dingle a kisa zo tai,

THUPUAN 21:9

Chun, belbu sagi a sung ah gawtna nunung sagite ah dim chawite lak ah, vansawlchâk pakhat chu ka kiang in a hung a, “Hung tiam in, monu, Belamno ji chu etsak ing ka,” a tia.