ROMTE 7:23 - PATHIAN LEKHABU THIANGTHO (BSI)

²³ himaleh ka taksa bâkte ah hin dan chuam dang a um hi ti ka hia’i, zia chun ka lungthim ah dan chu a do ah, ka taksa bâkte gitlona dan umte kiang in suak in ei pui sek ahi.

ROMTE 7:23 ပူးပေါင်းရင်းမြစ်များ

SAM 142:7

La min ka hun pâktheina dingin, suangkul ah kipat in ei ladok in. Mi dikte’n ei ûm kîmvêl ta’n tiu in, ka chung ah la phatna nasa tak ziakin.

THUGENTU 7:20

Thilpha bep bawl, bangma bawl khial nei lo, zia khawvel ah hin a um him him puai.

ROMTE 6:13

Chuleh, la taksa bakteu hile gitlo lam ah dik lona matchâk dingin pia phal kiu inla; thina kipat hing kit gual in, Pathian lam ah dikna matchâk dingin pia phal zaw tau in.

ROMTE 6:19

Taksa lam ah la hatlo ziak un mihing dan in thu ka gen ahi; la taksa bakteu thianglo kiang ah leh, a sia ding ah siatna kiang ah la piak phal gual uh khan, tu’hin la taksa bakteu chu thianthona dingin dikna suak dingin pia phal tau in.

ROMTE 7:14

Dan chu Thagau lam thil ahi ti I hiau ah, himaleh, keima hi taksa mi, gitlona nuai ah khotdawsa ka la hi tai.

ROMTE 7:21

Ahi’n, zia Dan hi ka hun he tai, thilpha bawl ka nop lai in phatlona a hung um sek hi.

ROMTE 7:25

Jesu Khrista, I Lalpau jal ah chun Pathian kiang in kipak thu ka gen ahi. Tichun, keima lungthim sung lam ah chun Pathian dan in na ka sêm ah; himaleh, taksa lam ah chun gitlona dan in ka sêm ahi.

ROMTE 7:5

Taksa ah I um lai ua khan, Dan ah um zing gitlonate chun ei hun thunun thei sek in; thina ding lam ah chisuantu hi dingin I taksa bâkteu chu ei mat piak sek ahi.

ROMTE 8:2

Khrista Jesu ah hinna Thagau dan chun, gitlona leh thina Dan ah kipat chun ei pawtsak tangal in.

GALATIA 5:17

Taksa chun Thagau chu a do sek a. Thagau inle taksa dona lam a nuam sek hi; thil la hi guatteu chu la hi’thei lona ding un ziate chu a kikãl sek uh ahi.

HEBRAITE 12:4

Gitlona do in thisan pawt khop in la pang kha nai puau hi.

JAKOB 3:2

Thil tampi I sukhial kha sek ngal un. Kua’n le thugen lam ah a hi’khial lo chun mi bukim leh a taksa thuzaw mi ahi.

JAKOB 4:1

La lak ua kidodilna leh kinialnate hi khoi ah hung kipan sek a hem? La sung lam ua kidona siamdaw sek la nopnateu ah kipat hilo a hem?

1 PETER 2:11

Doitakte haw, mikhual leh malzin la hiziak un, thagau dosek taksa nopnate chu haisan dingin ka hun ni la hiu.