ROMTE 7:18 - PATHIAN LEKHABU THIANGTHO (BSI)

¹⁸ Keima ah hin (zia chu ka taksa ah hin ka ti’na ahi,) thilpha chu a um puai ti ka hia’i; keima ah hin thilpha hi’ nopna chu a um ah; himaleh a pha chu ka hi’ thei sek puai.

ROMTE 7:18 ပူးပေါင်းရင်းမြစ်များ

THILSIAM THU 6:5

Chun, Lalpa’n lei chung ah mihing gitlo dan nasat zia leh a lungthim ngaituanau zosia le gitlona dim zing ahi ti a he ta’n.

THILSIAM THU 8:21

Lalpa’n a gim namtui chu a het phat in a lungthim in, “Mihingte ziakin lei chung hi hânsia law kit ta pua’ng ka; mihing lungthim ngaituanate chu a naupan lai ua kipat gilo ngen ahi ngal un; tu’hun ah ka gawtna gual hin mihing zosia hi gawt kit ta pua’ng ka.

JOB LEKHABU 14:4

Thilbuak lak ah kipat thil thiangtho, kua’n ladok thei ding a hem? Kuama’n ladok thei pua’n au.

JOB LEKHABU 25:4

Mihingte hi Pathian âng ah, bangti’n dik suak thei ding a hiu em? Numei sung ah piang chu bang ti’n, thiangtho ding a hiu em?

SAM 119:173

La khut chu ei panpi ding ah kisa zosa’n um hen, la thununna thute chu ka têl ta ngal a.

SAM 119:176

Belam mang gual in ka vâkmang ta’n, la suak hi hawldok ta’n; la thupiakte ka hemil ngai paw’ngal a.

SAM 119:32

La thupiak lampi del ing ka tin, ka hiatthiamna lei suklet piak ta’ngal a.

SAM 119:40

Entia, la thununna thute ka ngainat dan hi; la dikna ziakin hinna ei pia’n.

SAM 119:5

La thuguatte chu zawm dingin ka umdante hi, det ta maijen leh ka ti ngei!

SAM 51:5

Ngaitia, khawlona hin ka hi, ka nu’n ei vop ah kipat in, migilo ka la hi tai.

ISAI 64:6

Kei haw vang mi buak tawh bang ka hung hitau in, ka thil dik bawl sun uh chule, puannên ki’dak um tak gual bep ahi tai. Thingdua vuai gual in ka chuai tau ah, ka khawlonau ziakin hui in a tawma’n gual in, tawmang in ka um gam tau hi.

MATTHAI 15:19

Lunggil sung ah kipat chun tupgûkna phalo gilonate, tualthanate, ângkawmnate, tatsualnate, gûkchâknate, zuau gennate, mi hêknate leh gensiatnate hung pawt sek ahi.

LUKA 11:13

Nanghaw migilo in bawn la chateu thilpha piakna châng la het ua leh, la pau van ah um chun adonte chu Thagau Thiangtho pena lawm lawm in ah e! a tia.

JOHAN 3:6

taksa ah piang chu taksa ahi’n, Thagau ah piang chu thagau ahi.

ROMTE 13:14

Lalpa Jesu Khrista ah chun kithuam zawu inla, taksa utna te pitin dingin bangma bawl kiu in.

ROMTE 7:15

Ka thilhi’te hi a ngaina ka hepuai, ka thil hi’ nop lam chu ka hi’ ngai puai; ka huat lam tak chu ka hi’zaw sek hi.

ROMTE 7:19

Phatna ding ah bawl ka nopte chu bawl sek lo in, a diklo bawl ka nop lo haw chu ka bawl zaw sek a.

ROMTE 7:25

Jesu Khrista, I Lalpau jal ah chun Pathian kiang in kipak thu ka gen ahi. Tichun, keima lungthim sung lam ah chun Pathian dan in na ka sêm ah; himaleh, taksa lam ah chun gitlona dan in ka sêm ahi.

ROMTE 7:5

Taksa ah I um lai ua khan, Dan ah um zing gitlonate chun ei hun thunun thei sek in; thina ding lam ah chisuantu hi dingin I taksa bâkteu chu ei mat piak sek ahi.

GALATIA 5:17

Taksa chun Thagau chu a do sek a. Thagau inle taksa dona lam a nuam sek hi; thil la hi guatteu chu la hi’thei lona ding un ziate chu a kikãl sek uh ahi.

GALATIA 5:24

Chun, Khrista Jesu ah um te chun taksa chu a thil phalo ngaituanate tawh a nopnate pum in a khênden tau hi.

PHILIPPI 2:13

A lung lam sêm ding ah sepnopna hun pepa chu Pathian ahi ngal a.

PHILIPPI 3:12

A mu zo ta ka kiti pua’n, bukim ta le ka kiti diak puai; Khrista’n ei matlawna pen chu ka tuk det theina ding ti’n, ka del ham ham ahi zawi.

TITA 3:3

Eihawle malai ah khan mingol tak, thu awilo, thep zaw ah um, gilo leh mitthîp hatte, huat ah um leh kihawtua ah umte I la hiu a.

1 PETER 4:2

Tichun, tu’nung ah taksa ah um lai sia, mihing nopna lam ah um talo in, Pathian doilam in a um ta ahi.