ROMTE 7:14 - PATHIAN LEKHABU THIANGTHO (BSI)

¹⁴ Dan chu Thagau lam thil ahi ti I hiau ah, himaleh, keima hi taksa mi, gitlona nuai ah khotdawsa ka la hi tai.

ROMTE 7:14 ပူးပေါင်းရင်းမြစ်များ

THILSIAM THU 37:27

Hung un, Ishmaelte kiang ah sawn zuak zaw mai hitiu: ama hi I nau uh, I suapiu leh I taksa ngei ngei uh ahiziak in a chung ah khut tha puai tiu,” a ti’n. A suapite chunle lem a sa tau a.

THILSIAM THU 37:36

Zia hun sung ah chun, Midiante’n Joseph chu Aigupta gam ah Pharaoh nuai ah mivêng haw lawi lak ah hotu pakhat, Potiphar kiang in a zuak tau hi.

THILSIAM THU 40:15

Hebraite gam ah kipat ei gûk mang uh ka hi’n; zia gam ah hinle suangkul ah lutna ding khop ah sukkhial bangma ka nei puai,” a tia.

1 LENGTE 21:20

Ahab in Elijah kiang in, “Lei mudok tai maw, aw ka mêlmapa?” a tia. Ama chun a dawnhu a, “Ka hun mudok tai! Lalpa mit mu ah thil phalo bawl ding ah la kizokdaw tâk ziakin,

1 LENGTE 21:25

(Ahi ngei hi, Ahab gual ah a ji Jezebel in a nunmu, Lalpa mit mu ah thil phalo bawl ding ah kizuakdok hi kuama a um kha nai puai.

2 LENGTE 17:17

Tichun, a chapateu leh a chanuteu chu mei a hun palthensak ua, âisân leh zuau thu ah mi thêmhatte a kawm ua, Lalpa mit mu ah thil phalo tak bawl dingin, amau leh amau a kizuak thanghuai tau hi.

JOB LEKHABU 42:6

Ziaziakchun, kei leh kei ka kiki’dak ta’n, leivui leh vut lak ah kitung in, ka kisîk ta ahi, ti in.

SAM 119:25

Ka hinna leivui lak in a bek den tai, la thu dungzui in ei hi’hal kit in.

SAM 51:6

Sunggil lam ah takna la dawi hi; tichun, ka lunggil sung ah hin pilna ei zilsak ta’n.

PAWTDAWNA THU 22:3

Gucha khat chun In a vîhawm guat lai tak in kiman in, kivawlum ta leh, a thisan phuba lâk hipua’n tin;

THUPILTE 30:2

A dik tak in, mihing dingin ka mawl talua’n, mihing hetna le ka nei puai.

THUPILTE 30:5

Pathian thu zosia chu a dik hi; ama bêl ah kisel zosiate â dingin, ama chu lum leh phaw ahi.

ISAI 50:1

Lalpa‘n zia gual hin a gen a: La nuu ka la nolna lekha khoi ah a um em? Kua kiang ah ka bat ditna ding ah ka piak a hem? Ahipuai, la gitlona ziak un kizuak mang la hiu a, la thil bawlkhialnateu ziak ah la nuu chu, naw mang a la hi tai.

ISAI 52:3

Lalpa chun zia gual hin a la gen ta’ngâl a: Bangmalo mai mai ah zokdaw in la um un, a man bei ma ah tatdaw kit ding la hiu.

ISAI 6:5

Keima’n, “Ka chung a gikna e! Mûk thianglo ka hi, mûk thianglo lak ah chêng ka hi, a mangthai chu ka hita hi, ka mit in Lengpa, Sepai honte Lalpa chu ka mu ta’ngal in,” ka ti hen.

THIAMPUTE LEKHABU 13:12

Ahi’n, a phâkna chu a vun ah a jak ah, a vun zosia a luchang ah kipat a keng tiang ah thiampu’n a hetthei tiang phâk in a tuam chun,

THIAMPUTE LEKHABU 13:16

Chuleh, a vun dul het hut chu a hung danglam ah, a hung vâm chun, thiampu a ki-etsak kit ding ahi;

THIAMPUTE LEKHABU 19:18

Phuba him him la lâk lo ding uh ahi, la mipite lak ah le thangsiatna gûk la vop him him lo ding uh ahi: Nangma la kihepi gual in la Invêngte la hepi ding a hizawi: Keima hi Lalpa chu ka hi.

AMOS 2:6

Lalpa‘n zia gual hin a gen hi: Israelte bawsiatna pathumte ziak leh palite ziakin, a chung ua gawtna ding chu lamang pua’ng ka; amau in mi diktat chu dangka’n a zuak un, mi tasam chu kengtawdap tuak khat ah a zawk ziak un;

MATTHAI 16:23

Jesu chu a kihei ah, Peter kiang in, Setan, ka nung ah chia in! Kei â dingin pûkna la hi; Pathian thilte ngaitua lo in mihing thilte la ngaitua ahi, a tia.

MATTHAI 18:25

piak ding a nei lo phatin a pu chun ama tawh, a ji tawh, a chate leh a nei zosia zuak ah dit dingin thu a pia ta’n;

MATTHAI 5:22

Himaleh, ke’n vang, kuale a unau chung ah lungna tapo chu vaihawmna â dingin lauthawn um tak in um intin; chuleh, kua’n le a unau kiang ah, “Raka, Panna bei” ti tapo chu vaihawmte vaihawm piak lauthawn um tak in um intin; chuleh, a unau kiang ah, “More, Mingol” ti tapo chule vaihawm piak lauthaw’n um tak in um in a, ti ka hil la hiu.

MATTHAI 5:28

Kei vang in, kuale numei tatsiatpi ding et ah en tapo chun, a lungthim in a ângkawm zo ahi tai ti ka hil la hiu.

LUKA 5:8

Himaleh, Simon Peter in zia chu a mu phât in, Jesu kengbul in a hung bokkhup ah, “Lalpa, ei nusia ta’n, migilo ka hi!” a tia.

LUKA 7:6

Ziaphatchun, Jesu’n a zui a, In ah kipat gamla lo ah chun, sepai zahotu chun a lawite chu a kiang in a hun sawl a, “Lalpa, hung kisukbuai dâ mai in, ka Insungle nangma lutna tâk ei puai.

ROMTE 3:9

Ahileh, amau sâng in I phazaw diak ua a hem? Hilo e! Judate leh Grikte chu siatna suak ah um chiat a hiu ti tu’masang ah khanle I ngaw tau kha lam.

ROMTE 6:6

I gitlonau taksa hi suksiat ah a um ah, gitlona suak ah I um tâk lona ding un, I mihing lui uh hi ama tawh khetden in a um tai ti I hiau hi.

ROMTE 7:18

Keima ah hin (zia chu ka taksa ah hin ka ti’na ahi,) thilpha chu a um puai ti ka hia’i; keima ah hin thilpha hi’ nopna chu a um ah; himaleh a pha chu ka hi’ thei sek puai.

GALATIA 4:3

Zia gual chun ei le naupang I hi’lai in, khawvel thubulte nuai ah suak in I la um un;

EPHESA 3:8

Keima, mithiangthote lak ah neupen sâng ah le neuzaw kiang ah hin, zia hepina chu piak ahi’n; Khrista hausakna suidaw guallote chanchin chu Jentelte kiang ah gen ding leh;

DAN LEKHABU 6:5

Lalpa la Pathian chu la lungthim zosia’, la ngaituana zosia’ leh la hatna zosia’n la hepi ding uh ahi.

HEBRAITE 4:12

Pathian thu hi a hing ah, thil ahi’thei ah, chemjam hiamtua zosia sâng inle a hiam zaw’n, hinna leh thagau, gutua leh theng kikhen khop hial ah sun thei ahi; lungthim ah ngaitua leh tupte chu a hethei ngal ahi.