ROMTE 7:10 - PATHIAN LEKHABU THIANGTHO (BSI)

¹⁰ Hinna ding ah thupiak chu, thina ding ahi ti ka la he zaw tai.

ROMTE 7:10 ပူးပေါင်းရင်းမြစ်များ

EZEKIEL 20:11

Ka thuguatte ka pia’n, ka vaihawmnate ka etsak ah, zia chu zui ah, mi tin a hintheina ding un.

EZEKIEL 20:13

Himaleh, Israel Inkuante chu gamthip ah khan ka chung in a hel un; ka dan bawlte zui lo in, ka thuguatte chu zawm lo in, zia chu zawm ah mi tin in a hinna ding uh chu a nol tau ah; chuleh, ka sabbath nite le huaisia tak in a hi’buak tau hi. Ziaphatchun, gamthip ah khan amau hi’mangthai ziang dingin, ka lungnatna a chung un butthâk ka la gaw hial tai.

EZEKIEL 20:21

Himaleh, a chateu chu ka chung in a hel tau a; ka thuguatte chu zui lo in, ka vaihawmnate chu mitin in a zui ua, a hinna ding uh chu zawm dingin a vop diak puau in; ka sabbath nite le a hi’buak tau hi. Ziaphatchun, gamthip ah khan amau hi’mangthai ziang dingin, ka lungnatna a chung un butthâk ka la gaw hial tai.

THIAMPUTE LEKHABU 18:5

Ka dan bawlte leh ka thuguatte la zui uh chun hing in lau: Keima hi Lalpa chu ka hi.

ROMTE 10:5

Dan lam ah dikna thu ah chun, Mosi’n zia gual hin a la zik a: “Mi zia thil hi’taphot chu, zia ma ah chun hing in a,” a la tia.

ROMTE 4:15

Dan um lona chun bawsiatnale a um pua’n, dan chu lungnatna supuang bep ahi zawi.

ROMTE 7:9

Tu’ma lam in Dan lo in ka la hing ah; himaleh, thupiak chu a hung um phat chun gitlona chu chawthaw in a hung um ah, keima chu ka thi ta ahi.

2 KORINTH 3:7

Mosi mêl a vak ziakin Israel mite’n a en thei puau a, zia lopina kha a mang hiai hiai ah; thina nasepna, suangpêk ah kizik bawn zia gual ah lopi chun a tun leh,

GALATIA 3:12

Himaleh, dan chu ginna ah kinga ahi puai; a le’lam ah chun, “Dan gual ah hi’pa chu ziate ah chun hing in a,” ti ahi zawi.