ROMTE 6:2 - PATHIAN LEKHABU THIANGTHO (BSI)

² Hinaisai lo e! Ei uh gitlona thi’san tate hi, bangti’n gitlo ah hing zing thei nalai ding I hiu em?

ROMTE 6:2 ပူးပေါင်းရင်းမြစ်များ

THILSIAM THU 39:9

Zia In ah hin kei sâng ah lian zaw kuama a um pua’n; a ji la hiziak in nangma bep lo ngal chu kei â ding ah phal lo a nei puai. Bang ziakin em zia tawhbang gitlona huaisia chu ka bawl ah, Pathian chung ah thil ka hi’khial mai ding?” ti’n a dawnhu a.

SAM 119:104

La thununna thute ziakin hiatthiamna ka nei sek hi; ziaziakchun, umchan diklo zosia hi ka hua ahi.

LUKA 20:16

Hung intin, a huan bawlte chu hung that intin, a huan chu midang bawlsak zaw ta’n a,” a tia. Amau haw chun, zia chu a het phat un, “Zia lawm lawm chu tung ki’hen,” a tiu a.

ROMTE 5:11

Zia bep chule ahi puai, kichamna, tu’ ei musakpa I Lalpau Jesu Khrista jal ah hin, Pathian chu I suang tau ahi.

ROMTE 6:15

Bangti’n ahi ta diam? Dan nuai ah um hilo ah, hepina vaihawm ah um I hi’zawk ziak un gilo zing ding I hiu em? Hinaisai lo e!

ROMTE 7:4

Zia gual ah chun, ka suapite haw, nang uh hi Khrista taksa ah chun Dan thi’san ah um la hitau ah; Pathian â ding ah chi suantu I hung hitheina ding un, thina kipat ah thokit ngei chu kichenpi la hitau ahi.

ROMTE 7:6

Himaleh, tu’hin chu Thagau ah hinna thak nuai ah suakte I hi zawk theina ding ua ei tutâng pen ah kipat thi ta in, lekha zik lui gual bep hilo in, Dan ah kipat in thâdaw in I um tau hi.

GALATIA 2:19

Pathian lam ah ka hung hin theina dingin, kei vang dan ziakin dan lam ah chun ka thi tangal a.

GALATIA 6:14

Kei vang in, I Lalpau Jesu Khrista kros longal chu ka suan lo ding zia mai chu; ama ziakin khawvel hi kei â dingin khetden in a um ta’n, keile khawvel â dingin khetden in ka um tai.

KOLOSSA 2:20

Khawvel thubulte chu Khrista kiang ah la thisan ua leh, bangatia khawvel ah hing nalai gual ah thupiakte ah chu kipelut kit la hiu em?

KOLOSSA 3:3

La thi tau ah, la hinnau chu Pathian ah chun Khrista tawh sêlgûk in a um tai.

1 PETER 1:14

Cha thumangte gual in, la hetlo lai ua la nopnateu ah um talo in;

1 PETER 2:24

Gitlona thi’san ah, dikna ah I hin zawk theina ding un, ama ngei chun kros ah khan a taksa ah chun I gitlonateu a paw tai. Ama beliamte ziak ah sukdam in la um tau ahi.

1 JOHAN 3:9

Kuale Pathian ah piang chun, Pathian chi ama ah a um zing ziakin gitlo a bawl zing ta puai.