ROMTE 5:2 - PATHIAN LEKHABU THIANGTHO (BSI)

² Ama ziak ma in, zia lungsiatna I din detnau ah hin I lut tau in, Pathian lopina kinepna chun kipak tak in I um ui.

ROMTE 5:2 ပူးပေါင်းရင်းမြစ်များ

SAM 17:15

Ke’n vang, dikna’n la mêl en ing ka tin; nangma kibatpina nei ah ka hung dindaw phat leh, ka lung kim ta’n a.

SAM 73:24

La lemhiatna’n ei pui inla, zia nung chuleh lopina’n ei la lop ding la hi.

THUPILTE 14:32

Mi nunsiate chu a thil bawlkhialnau in a kipal pâi sek un; midik chun vang a diktatna ziakin bêl ding a mu zing hi.

HABAKKUK 3:18

Lalpa ah chun kipak zing ing ka tin; ka hukdamna Pathian ah chun kipak zing ing ka.

MATTHAI 25:21

A pu chun a kiang in, la bawlpha na e! Suak pha leh ginum, tawmcha chung ah la ginum ziakin, tam tak chung ah vaihawm dingin hun koi ing ka; la pu kipakna’n lut ta’n, a tia.

JOHAN 10:7

Jesu’n a kiang un thu a gen kit a, Titakzet in ka hil la hiu, Keima hi belam kotkhak chu ka hi.

JOHAN 10:9

Keima hi kotkhak chu ka hi. Keima ah hung lut chu bit intin, lut in pawt intin, nêk dingle mu’n a.

JOHAN 14:6

Jesu’n a kiang in, “Keima hi lampi leh thutak leh hinna ka hi. Keima ah chia lo chu kuama Pa kiang a tung ngai puau hi.

JOHAN 5:24

Titakzet in ka hil la hiu, kuale ka thu he ah, ei sawlpa ging chun, kumtuang hinna a nei tai, vaihawmna lut ta pua’n tin, thina kipat pawt in hinna’n lut zaw ta’n a.

NASEPTE 14:27

A hung tun phat un kochuamte chu a hun ko khawm ua, amau mang ah Pathian in na a sep zosia chu a gensawn ua, Jentelte kiang ah le ginna kot a kihon tâk dante a gen tau a.

ROMTE 11:20

Ahi, amau chu a ginlona ziak un sâtthâk in a um un, ziaziakchun nang uh chu ginna’n la hung ding thei uh ahi; tichun, kisathei kin la, lau zaw tau in.

ROMTE 12:12

Kinepna lam ah chun kipak tak ah um in; thokna lam ah chun thuakzo tak in; gunchu tak in pauchap zing un.

ROMTE 14:4

Midang suakte awimawpa chu kua la hem? A din leh a kilik chu a pu â ding ahi. Amau chu dinsak in um in au, Lalpa chun a dinsak thei ngal a.

ROMTE 15:13

Thagau Thiangtho thilhitheina ziak ah, kinepna la hau theina ding un, kinepna Pathian chun la gin ziak un kipakna leh thamuanna’n hun hi’dim ta hen.

ROMTE 2:7

Kuale thilpha hi ah, dawthei tak ah umte chun, lopina leh choisânnate, thitheilona leh kumtuang hinna chu chang in au.

ROMTE 3:23

mi zosia’n thil a hikhial zaw tak ziak un, Pathian lopina a chang zo talo uh ahi;

ROMTE 5:5

Zia kinepna chun ei mualphosak pua’n tin; Thagau Thiangtho ei piak chu mang in Pathian chun I lung sung ua hin a hepina chu a hun sung lut tangal a.

ROMTE 8:1

Chutichun, tu’hin chu Khrista Jesu ah umte â ding ah chun, thiamlo channa him him a um ta puai.

ROMTE 8:24

Zia kinepna ziak ah hin hukdam I hiu hi. Himaleh, kinepna mu zing thei chu kinepna ahi puai; min a mutâk nung chu bangti’n kineppi nalai ding a hem?

1 KORINTH 15:1

Suapite haw, la kiang ua Chanchinpha ka hun gen tâk, la het ua la din zing nau kha ka hun gen thak kit hi;

2 KORINTH 3:18

Ei un vang mai khu’lo in, lîmet gual in Lalpa lopina salvâk in, lopina kipat lopi zaw diak in, ama kibatpi hiding in Lalpa Thagau ah hi’danglam in I um ui.

2 KORINTH 4:17

Ka thokgimnau neucha, mit phet kâl bep ding hin, lopina nasa tak, kumtuang â ding ei siam piak ahi.

EPHESA 2:18

Ama ziak ah chun Thagau mun khat ah, Pa kiang ah luttheina I nei gêl tau hi.

EPHESA 3:12

zia Khrista Jesu chu I gin ziakin, ama ah chun nêl leh ngam tak ah luttheina chu I nei tau hi.

EPHESA 6:13

Ziaziakchun, ni phalo ah chun la do zawu ah, la zaw nung ua le kipuk lo ah la din zing theina ding un, Pathian gâlvan bukim ah chun kithuam un.

2 THESSALONITE 2:16

Tichun, I Lalpa Jesu Khrista ngei leh, Pathian I Pau, ei hepipa leh hepina ziak ah kumtuang ah thamuanna leh kinepna ei pepa chun,

HEBRAITE 3:6

Himaleh, Khrista chu vang ama Insung in Chapa hi’ in a ginum hi; ama I muan ngamnau leh ama ah I kinepnau ah kipakna chu I tukdet zing ua leh ama Insung mite chu I hiu.

HEBRAITE 6:18

Pathian chu zuau gen ding gual a hilona chu, thil danglam theilo pani ziakin ei uh kihumbitna delte’n, I mau ah kinepna a koi chu chang ding ah tilkhona thupi tak I neitheina ding un.

1 PETER 3:18

Pathian kiang ah ei pui theina dingin, Khrista chun gitlo ziakin kumtuang dai dingin a thuak ta’n; midik chun midik lo thasâng in a thuak ahi. Taksa ah thalup in a um ta’n, thagau ah suk-hin in a um tai.

THUPUAN 21:11

Pathian lopina chu nei in, a vak dan chu suang mantam phapen, jaspar suang gual ahi’n, krustal suang gual in a val a.

THUPUAN 21:23

Khawpi salvâk ding ah chun nisa a ngâi pua’n, thapi le a ngai puai; Pathian lopina chun a salvâk ah, Belamno chu a vâk uh ahi tai.

THUPUAN 21:3

Van ah kipat aw ngai tak in: “Ngaitia, Pathian biakbûk chu, mihing lak in a hung um tai. Ama chu a lak un chêng intin, amau chu a mite hi’n tiu in, Pathian ngei chu amau lak ah um intin; a Pathian uh hita’n a.

THUPUAN 3:21

Kuale a zo te chu, keima’nle ka zaw ah, ka Pa kiang ah lalchutpha ka chut gual hin, ka lalchutpha kiang ah chutsak ding ka hi.