ROMTE 5:10 - PATHIAN LEKHABU THIANGTHO (BSI)

¹⁰ A mêlma I hi’lai a bawn, a Chapa thina ziak ah Pathian tawh kicham I la hi tâk uh chun, kicham a I um tâk nung uh hin, a hinna ziakin hukhin in um ngei hitiu.

ROMTE 5:10 ပူးပေါင်းရင်းမြစ်များ

2 KHANGTHU 29:24

tichun, mâichâm ah kithoina thisan ziak ah Israel mipi zosia gitlona ngaidam a hitheina dingin, thiampute chun a that tau a. Israel mipi zosia â ding ah hâlmang thilpiak leh gitlo ngaidamna ding ah thilpiakte chu bawl dingin, Lengpa’n thu a piak ahi ngal a.

EZEKIEL 45:20

Zia gual ma hin, zia tha a ni sagi ni hin tup mawng ah hi’khial hileh, chanpal ah bawlkhial nei taphot thasâng in la bawl kit ding ahi; zia gual chun Tempul sukthianthona la bawl diu ahi.

DANIAL 9:24

Bawsiatna sukbutinna ding, gitlo’na sukbeina ding, bawlkhialna thoidamna ding, kumtuang ah dikna lâklutna ding, kilâkna leh thugenlawkna tepte’na ding leh mun thiangtho pen sathaunu’na ding in, la mipite leh la khawpi thiangtho chung ah hapta sawmsagi sung guat ahi.

THIAMPUTE LEKHABU 6:30

Himaleh, gitlo thoina thisan kikhopna biakbûk mun thiangtho ah kitatna ding ah kilân taphot chu nêk lo ding, mei ah hâltum sik sek ding ahi.

JOHAN 14:19

Hun chomkhat zaw leh khawvel in ei mu ta pua’n tin; himaleh nang un chu ei mu ding la hiu; keima ka hin zing ziakin, nang uh le hing zing ding la hiu.

JOHAN 5:26

Pa chun ama ah chun hinna a nei hi; zia gual ma chun Chapa’nle hinna nei dingin a pia’i;

JOHAN 6:40

Chuleh, zia hi ka Pa doigual chu ahi, kuale Chapa mu ah, ama gingcha chun kumtuang hinna nei uh hen la; chuleh, nitawp ni leh ama chu keima’n kaitho leng,” a tia.

JOHAN 6:57

Pa hing chun ei sawl ka hiziak in, Pa ah hing ka hi; ziaziakchun, kuale ei ne’ chu keima ah hing ding ahi.

ROMTE 11:28

Chanchinpha lam thu ah chun, nangmau ziakin amau chu Pathian mêlma a hung hiphot un; himaleh têl hi’na lam thu ah chun, a pu le pateu jal in vang a doitakte a hiu hi.

ROMTE 5:11

Zia bep chule ahi puai, kichamna, tu’ ei musakpa I Lalpau Jesu Khrista jal ah hin, Pathian chu I suang tau ahi.

ROMTE 5:6

I hatlo lai uh khan, a hun tak in Khrista chu Pathian helote a dingin a hung thi ta’n.

ROMTE 8:32

Ama Chapa hial bawn hawi lo ah, I leng ua thasâng ah hun pepa chun, thildang zosia le a thawn in ei pelo ding a hem?

ROMTE 8:34

Thiamlo chansak chu kua a hem? A hung thi Khrista Jesu kha ahi; ahi ngût hi, a thokit ah Pathian khut changlam in a um ah, ama chun ei pauchap piak zing ahi.

ROMTE 8:7

Taksa lam doidan vang Pathian tawh kimêlmâkna ahi’n; Pathian dan tawh kituakna a um puai; um le a um theilo him ahi.

2 KORINTH 5:20

Pathian in keimau mang ah a hun chial ziakin, Khrista palai chu ka hitau hi; ziaziakchun, Khrista thasâng in ka hun don la hiu: Pathian tawh kicham tau in.

2 KORINTH 5:21

Ama ah chun Pathian dikna I hi’theina ding un, gitlo him him helo chu Pathian in ei uh ziak in gilo in a siam tai.

EPHESA 2:16

kros jal ah panite chu kipumkhat ah, Pathian ah a kicham theina ding un, kituak lona zosia chu a that ta ahi.

EPHESA 2:3

Zia awilo chate lak ah chun ei hawle malai ah khan, taksa leh lungthim doigualte bawl in, I taksa nopnateu gual in I um chiat un; midangte gual tho ah lungnatna chate piang I la hiu in.

HEBRAITE 2:17

Ziaziakchun, mihingte gitlo thupha choina a siam theina dingin, Pathian lam ah thiampu lianpen, jangai thei leh ginum a hi’theina dingin thil bangkim ah a suapite gual ah a hung kisiam chu a kul him ahi.

HEBRAITE 7:25

Ziaziakchun, amau pauchap piak ding ah kumtuang ah a hin ziakin, ama ziak ah Pathian hun naite chu a tawp tiang in a hukdam thei hi.

1 JOHAN 2:1

Ka chate haw, thil la hi’khial lona ding un zia thilte hi ka hun zik ahi. Ahi’n la, kua’n le thil a hi’khial chun, Pa kiang ah ei gen piak ding Jesu Khrista midik chu I nei ui.

1 JOHAN 4:10

Zia hin hepina chu a um hi, ei un Pathian I hepiu hilo in, ama’n ei hepi ah, I gitloteu thupha choina dingin a Chapa a hun sawl hi.

THUPUAN 1:18

Kei chu khatvei thisa, himaleh, hing kit ta chu ka hi; ngaitia, kumtuang â ding ah hing zing chu ka hi tai, thina leh mithi khua chabi chu ka nei tai.