ROMTE 5:1 - PATHIAN LEKHABU THIANGTHO (BSI)

¹ Ziaziakchun, ginna ziak ah thiamchang ah um in, I Lalpau Jesu Khrista jal in, Pathian tawh kicham in I um tau hi.

ROMTE 5:1 ပူးပေါင်းရင်းမြစ်များ

JOB LEKHABU 21:21

A dam sung ding uh tha jat a bei hun ah, a thi’nung ua, a Inkuanteu khankhua ding, a gêl piak sam ua a hem?

SAM 122:6

Jerusalem thamuanna dingin pauchap piak un: “Nangma hun thangai mite chun vangphatna dong uh hen.

ISAI 27:5

Ahiloleh, a bitna ding un, ei hung bêl vânglak ziang uh hen la; Ka kikâl un kilemna hung bawl uh hen.

ISAI 32:17

Dikna ziakin thamuanna um intin, dikna ziakin thamuan hiat hiatna leh, kumtuang ah taksanna um zing ta’n a.

ISAI 54:13

La chate zosia chu Lalpa zilsakna nuai ah, hung um intiu in; tichun, la chate chu, hung hampha ma ma ding a hiu.

ISAI 55:12

Kipak tak in pawtdok in la tiu in, thamuang tak ah pui kit hi’n lau; la ma-âng un mual leh tângte chu, La sa’n kikodok intiu in, gamlak ah thing zosia chun, a khut uh hun bêng ta’n au.

HABAKKUK 2:4

Chapote chu vak en tia! A thagau a sung un a dik ta puai; himaleh, midik chu a ginna ziakin a hing ui.

ZEKARIAH 6:13

Lalpa tempul hun sa ding chu ama ahi; leng leh lalte ja’na chang intin, a lalchutpha chung ah kichu’n vaihawm in a. A lalchutpha kiang ah chun thiampu’n umpi zing intin, a paniu in kilung gual tak in sêm khawm ta’n au.

LUKA 19:38

“Lalpa min ah Lal hung chu a hampha na e! Van ah chamna thu leng hen la, vansang pen ah khin lopina um ta hen!” a tiu a.

LUKA 19:42

“La thamuanna ding ah thil hung tung chu, tuni bêk ah hin he ta mai lechin aw! Himaleh, tu’hin la mit ah kipat sêlmang in a um tangal in.

LUKA 2:14

“Chungnung pen ah Pathian chu, lopi tak in um hen la, lei chung ah a doisak ma ma mihingte kiang hin, chamna um ta hen!” a tiu a.

JOHAN 14:27

Thamuanna ka nutsia piak la hiu; keima thamuanna ngei chu ka hun piak la hiu; khawvel in a hun piak gual in ka hun pia puai. La lungthim uh lungkham ki’hen la, lau le lau diak ki’hen.

JOHAN 16:33

Keima ah thamuanna la neitheina ding un, zia thute hi ka hun hil la hiu. Khawvel ah hin gim genthei thuak in lau. Himaleh, thamuang tak in um un; keima’n khawvel ka zo tai,” a tia.

JOHAN 20:31

himaleh, zia lekhabu hi, Jesu chu Pathian Chapa Messiah chu ahi ngei hi, ti la hun taksan ua, ama ging ah, a min ah kumtuang hinna la neina ding ua zik ahi zawi.

JOHAN 5:24

Titakzet in ka hil la hiu, kuale ka thu he ah, ei sawlpa ging chun, kumtuang hinna a nei tai, vaihawmna lut ta pua’n tin, thina kipat pawt in hinna’n lut zaw ta’n a.

NASEPTE 10:36

Pathian in a thu chu Israel mite kiang in a hun tun ah, Jesu Khrista ah thamuanna thu a gen, ama chu mi tin Lalpa ahi, ti hi.

ROMTE 1:17

Zia chun, Pathian dikna chu ginna ah kipat ginna ma ah taklat in a hung um tai: “Midik chu ginna’n hing in a,” ti zik gual ah khan.

ROMTE 1:7

Rom khua Pathian doichuam tak, mithiangthote hiding ah ko zosiate kiang a chun: Pathian, I Pau leh Lalpa Jesu Khrista kiang ah kipat hepina leh chamna la kiang un um ta hen.

ROMTE 10:10

Min lunggil ah a gin chun dikna a mu hen, kam in a puangdok ah, hukhinna a mu sek ui.

ROMTE 10:15

Sawl a hilo ua leh bangti’n thu gen thei ding a hiu em? “Chanchinpha hun tuntute keng chu a mêlpha na lawm lawm e!” ti zik gual ah khan.

ROMTE 14:17

Pathian gam hi nêk leh dawn thu a hipua’n, Thagau Thiangtho ah dikna, thamuanna leh kipaknate a hizaw ngal in.

ROMTE 15:13

Thagau Thiangtho thilhitheina ziak ah, kinepna la hau theina ding un, kinepna Pathian chun la gin ziak un kipakna leh thamuanna’n hun hi’dim ta hen.

ROMTE 15:33

Thamuanna Pathian chu la leng ua kiang in um ta hen. Amen.

ROMTE 3:22

Zia chu Pathian dikna, Jesu Khrista ginna ziak ah ama taksang tapote kiang ah suklat ah um chu ahi; kuama khenchuamna a um pawngal a;

ROMTE 3:30

Hi e, zektante a ginna ziak ua thiamchansakpa ding leh, zektanlote a ginna ziak mau ah thiamchansakpa Pathian khat bep a hingal leh, Jentelte Pathian le hi ngei in a.

ROMTE 4:5

Himaleh, nasep ziak hilo ah, Pathian helote thiam chansakpa ah ginna nga mi ginna chu, a dikna ah ngai ahi.

ROMTE 5:11

Zia bep chule ahi puai, kichamna, tu’ ei musakpa I Lalpau Jesu Khrista jal ah hin, Pathian chu I suang tau ahi.

ROMTE 5:18

Tichun, mi pakhat thu awi lona ziakin mi zosia chung in thiamlo channa vaihawmna chu a tung ta’n; zia gual ma chun mi pakhat dikna ziakin, mi zosia’n hinna lutna thiamchanna a neitheina ding un thilthawnpiak pakhat chu a hung um ta ahi.

ROMTE 6:23

Gitlo man chu thina ahi’n, Pathian thilthawnpiak ahileh vang, Jesu Khrista, I Lalpau jal ah kumtuang ah hinna ahi.

ROMTE 9:30

Bang gen ding I hitau em? Jentelte dikna dellote chun dikna a la mu tau ah, ginna ziak ah dikna chu.

GALATIA 2:16

himaleh, dan thilhite ziakin mi thiamchang in a um puau a, Jesu Khrista gin ziak bep in thiamchang in a um zawu hi, ti I he ngal un; ei unle dan thil hi’ziak hilo in, Khrista ginna ziak ah thiam I chan theina ding un, Khrista Jesu chu I ging uh ahi; dan thil hi’ te ziakin mihing him him thiamchang in um pua’n au.

GALATIA 3:25

Himaleh, tu’hin ginna a hung tun nung ah hin, kaihuaipa nuai ah chun I um ta puau a;

GALATIA 5:22

Himaleh, Thagau ga chu, hepina, kipakna, chamna, dawtheina, nunnemna, phatna, ginumna,

EPHESA 2:7

Chutichun, hun hung tung kit ding ah te chun Khrista Jesu ziak ah I chung ua nunnem in, a hepina lopi hau dan te’gual lo chu ei musak theina ding in.

PHILIPPI 3:9

Ama ah ka umtheina dingin; dan thu lam ah keima dikna hilo in, ginna ah kinga Pathian ah kipat dikna um chu nei zaw’n.

KOLOSSA 1:20

chuleh, ama ziak ah Pathian in bangkim tawh kichamna a nei chu a lung lam tak ahi; lei chung ah um hi’n, van ah um hitaleh, a kros thisan ziakin kichamna a hun siam ta ahi.

KOLOSSA 3:15

Chuleh, Khrista lungmuanna chun la lunggil un vaihawm ta hen; zia gual ah chun um dingin taksa pumkhat ah ko la hi him uh ahi; kipakna châng he tau in.

1 THESSALONITE 5:23

Chamna Pathian ngei chun la pum un hi’thiangtho ta hen; chuleh, la thagau uh leh, la lungthim uh leh, la taksau chu I Lalpa Jesu Khrista hung tiang ah thiangtho leh demna bei in um ta hen.

2 THESSALONITE 3:16

Chuleh, chamna Lalpa ngei chun bangtik lai inle, bang lam lam inle chamna hun pia ta hen. Lalpa chun la leng un hun umpi chiat ta hen.

HEBRAITE 13:20

Tu’hin, chamna Pathian, Belampu lian, I Lalpau Jesu thina kipat kumtuang thuthung thisan jal ah kaithopa chun,