ROMTE 4:5 - PATHIAN LEKHABU THIANGTHO (BSI)

⁵ Himaleh, nasep ziak hilo ah, Pathian helote thiam chansakpa ah ginna nga mi ginna chu, a dikna ah ngai ahi.

ROMTE 4:5 ပူးပေါင်းရင်းမြစ်များ

HABAKKUK 2:4

Chapote chu vak en tia! A thagau a sung un a dik ta puai; himaleh, midik chu a ginna ziakin a hing ui.

MARKA 9:23

Jesu’n a kiang in, “La hi’thei chun! A gingchate â dingin bangkim bawl piak thei ahi,” a tia.

JOHAN 5:24

Titakzet in ka hil la hiu, kuale ka thu he ah, ei sawlpa ging chun, kumtuang hinna a nei tai, vaihawmna lut ta pua’n tin, thina kipat pawt in hinna’n lut zaw ta’n a.

JOHAN 6:29

Jesu’n, “Pathian nasep chu zia hi ahi: a mi hun sawl hi gingcha leu chin,” ti’n a dawnhu a.

ROMTE 10:3

Pathian ah kipat dikna ngaisak lo in, amau dikna bep sukdetna ding hawl in, Pathian dikna chun a kipelut diak puau hi.

ROMTE 3:22

Zia chu Pathian dikna, Jesu Khrista ginna ziak ah ama taksang tapote kiang ah suklat ah um chu ahi; kuama khenchuamna a um pawngal a;

ROMTE 4:24

eimau â dinginle zia gual ah chun, eimau chung ah le sukdetna umthei ahi, Jesu I Lalpau thina kipat thokit chu I gin phot ua leh;

ROMTE 4:3

Pathian Lekha thu chun bang a gen em? “Abraham chun Pathian a ging ah, zia chu ama dikna ah ngai ahi,” ti ahi.

ROMTE 4:6

Mi a nasep ziak hilo ah, Pathian in midik ah a ngaite chu, mi hampha ahi dan uh, David in zia gual hin a la gen a:

PHILIPPI 3:9

Ama ah ka umtheina dingin; dan thu lam ah keima dikna hilo in, ginna ah kinga Pathian ah kipat dikna um chu nei zaw’n.

JOSHUA 24:2

Chuleh, Joshua’n mipi zosia kiang ah chun, “Israelte Pathian, Lalpa‘n zia gual hin thu a gen hi: nidang lai pek ah khan, la pu la pateu, Terah tawh a chapa Abraham leh Nahor tawh, Euphrates luipi gâl lam ah chêng in, pathian dangte na a la sêm un.