ROMTE 4:16 - PATHIAN LEKHABU THIANGTHO (BSI)

¹⁶ Hepina ziak ahitheina dingin ginna chu a hung um ah, a thutiam chu a suante zosia chung ah, a tawp chan ah a um zing theina dingin, Dan nuai ah umte bep hilo in, Abraham ginna kikoppite â dinginle ahi, ama chu I leng ua pa ahi ngal a.

ROMTE 4:16 ပူးပေါင်းရင်းမြစ်များ

ISAI 51:2

La pau Abraham chu en unla, a hun hingnu Sarah chule en un; ka la ko lai ah khan ama chu a chang ah um ahi’n, himaleh, ka maljawl ah, tam tak in ka siam tai.

LUKA 19:9

Ziaphatchun, Jesu’n a kiang in, “Tu’ni hin zia In ah hin hukdamna a hung tung tai, ama chu Abraham chapa ahi.

ROMTE 15:8

I pu leh pateu kiang ah thutiam chu sukdetna dingin, Pathian a thutak ziakin, Jesu Khrista chu zektante nasem a hung hi tai, ka ti ahi.

ROMTE 3:22

Zia chu Pathian dikna, Jesu Khrista ginna ziak ah ama taksang tapote kiang ah suklat ah um chu ahi; kuama khenchuamna a um pawngal a;

ROMTE 3:30

Hi e, zektante a ginna ziak ua thiamchansakpa ding leh, zektanlote a ginna ziak mau ah thiamchansakpa Pathian khat bep a hingal leh, Jentelte Pathian le hi ngei in a.

ROMTE 4:11

Tichun, zektanlo ah a um lai in, ginna’n dikna a mui ti tepte’na chu a chang in; zia dikna chu amau â ding ah guat a hi’na dingin; zektanlote lak ah a gingtute zosia pa a hitheina dingin.

ROMTE 5:1

Ziaziakchun, ginna ziak ah thiamchang ah um in, I Lalpau Jesu Khrista jal in, Pathian tawh kicham in I um tau hi.

ROMTE 9:8

Taksa dan ah chate chu, Pathian chate a hiziang puau ah; thutep chate bep chu a suante ah sim ahi zawu ti’na ahi.

GALATIA 3:14

Chutichun, Abraham chung ah maljawlna chu Khrista Jesu ziak ah Jentelte chung in a hung tung in, zia gual ah Thagau tiam chu ginna ziak ah I mutheina ding un.

GALATIA 3:16

Abraham kiang in thutep piak in a la um ah; a suante kiang inle, mi tam tak chung thu gen gual ah, “Chisuante kiang in,” a tipua’n, mi pakhat chung thu gen gual in, “Nangma chisuante kiang in,” a ti zawi; zia chu Khrista chu ahi.

GALATIA 3:22

Himaleh, Jesu Khrista gin ziakin thiltiamte chu a gingte kiang ah piak a hitheina ding in, Pathian Lekha Thu chun gitlona nuai ah bangkim a khâk khum ta ahi.

EPHESA 2:5

I sukkhialnateu ziak ah thi I hi zing lai un, Khrista tawh kigual in ei suhing ta’n, hepina ah hukhin la hitau hi.

EPHESA 2:8

Lungsiatna ziak ah ginna ah chun hukhin la hingal un; zia chu nangmau ah kipat pawt hilo in, Pathian thilthawnpiak ahi zawi.

TITA 3:7

Tichun, a hepina thiamchansak ah um in, kumtuang hinna kinepna dungzui in golua ah siam I hithei tau hi.

2 PETER 1:10

Ziaziakchun, suapite haw, a hun kona leh a têlna chu hi’det dingin taimat sua zaw diak tau in; zia chu la hiu chun bangmatik in kilîk pua’n lau.