ROMTE 4:14 - PATHIAN LEKHABU THIANGTHO (BSI)

¹⁴ Dan ah umte bep a golua ding hitaleu chu, ginna chu bangmalo hita’n tin, zia thutiam chule mattâk lo hita ding ahi.

ROMTE 4:14 ပူးပေါင်းရင်းမြစ်များ

SAM 119:126

Lalpa, la dan chu bawsiat ah a um tâk ziakin, tu’hi nangma sep hun ahi tai.

ISAI 55:11

zia gual tho ah chun, ka kam ah kipat ka thu pawtdok sa chule, a thawn in kile’kit ziang pua’n tin, ka hi’guat chu hun hi’zo intin, ka sawlna lam lam ah chun, a thil hi’ding zosia chu pha tak in mualsua in a.

JEREMIAH 19:7

Zia mun ah hin Judah leh Jerusalem ah chêngte thil guanggal chu bangmalo sua ing ka tin; tichun, a mêlmateu chemjam ah tha sak in, a hinnau hawlte khut in pedok ding ka hi. A luang damsau chu chunglêng vachate leh gam sate an dingin pia ta’ng ka.

KISIMNA LEKHABU 30:12

Ahi’n la, a pawsal in a het phat phat in a kitiamna chu thap piak ta leh, a kitiamna leh a kikhâmna bang jat a la gendok ziang ta maleh, bangma um talo ding ahi. A pawsal in a thap piak zaw tâk ziakin Lalpa‘n le ngaidam ding ahi.

KISIMNA LEKHABU 30:15

Ahi’n la, a ji chung ah thilte chu a het nung in, hi’bei piak taleh vang, a pawsal in a ji mawna zosia a puak ding ahi.

ROMTE 3:31

Ahileh, ginna ziak ah dan chu I paithâk uh a hem? Hilo e, dan chu I sudet zawu ahi.

ROMTE 4:16

Hepina ziak ahitheina dingin ginna chu a hung um ah, a thutiam chu a suante zosia chung ah, a tawp chan ah a um zing theina dingin, Dan nuai ah umte bep hilo in, Abraham ginna kikoppite â dinginle ahi, ama chu I leng ua pa ahi ngal a.

1 KORINTH 1:13

Khrista chu a kikhen ah a hem? Paul chu nangmau â ding ah khetden in a um em? Ahiloleh, Paul min ah baptisma chang la um awm?

GALATIA 2:21

Pathian hepina chu bangmalo in ka bawl pua’n, dan ziak ah dikna a um chun, Khrista chu a thawn ah thi hi’n a.

GALATIA 5:4

Nang uh dan ah thiamchan gawte haw, Khrista tawh la kikhen tau ah, hepina chu la puksan tau hi.

PHILIPPI 3:9

Ama ah ka umtheina dingin; dan thu lam ah keima dikna hilo in, ginna ah kinga Pathian ah kipat dikna um chu nei zaw’n.

HEBRAITE 7:19

(Dan chun bangma a hi’bukim thei puai;) himaleh, kinepna phazaw chu puak lut a hung hi tai; zia chun Pathian I nai uh ahi.

HEBRAITE 7:28

Dan chun mihing hatna neilo chu thiampu lianpen dingin a guat sek a; himaleh, kitiamna thu, Dan nung ah um bo chun, kumtuang â ding ah Chapa ah siam bukim chu ei pia ta ahi.