ROMTE 3:4 - PATHIAN LEKHABU THIANGTHO (BSI)

⁴ Hinaisai lo e! Mi zosia zuauthei hi zawu hen la, Pathian chu dik hen; Pathian thu ah: “La thugen in nang thiam a hun chansak ah, vaihawmna la zaw theina dingin,” ti zik gual ah khan.

ROMTE 3:4 ပူးပေါင်းရင်းမြစ်များ

JOB LEKHABU 36:3

Ka hetna gamtin hun la khawm ing ka tin, ei Siampa dik zia chu hun taklang ing ka.

JOB LEKHABU 40:8

A diklo ah ei koi ding la hem? Nang thiam la kichan theina dingin, kei thiamlo ei chansak ding la hem?

SAM 100:5

Lalpa chu a pha ngal a; a ngilneina chun kumtuang dai intin, a ginumna chule suan zosia tiang in, umzing ding ahi.

SAM 116:11

ka lauthawng lai in, “Mitin vang zuauthei a hiu,” ka la ti hen.

SAM 119:160

La thu chu thu tak ngen ahi; la vaihawmna dik tak chunle kumkhua dai in a.

SAM 138:2

la tempul thiangtho lam nga’n, chibai hun bûk ing ka tin; la ngilneina leh la thutak ziakin, la min pâk ing ka; nang in la min leh la thu chu, thil zosia chung in la chawisâng ta’ngal a.

SAM 51:4

La chung ah, nangma chung ngei in, thil ka la hi’khial ta’n; la mit mu ah thil diklo ka la bawl tai; tichun, la thugen ah thiam chang ah, vaihawmna le demna bei la hi’theina dingin.

SAM 62:9

Mi nuainungte hi hu kithâdok tawhbang bep a hiu in, miliante hile kithepna mai a hiu. Bûkna’n a kikâng gêl un, a paniu inle hu kithâdok sâng in, a jang zaw nalai ui.

MIKAH 7:20

Nidang lai ah kipat ka pu leh pateu kiang ah, la kitiam tâk gual in, Jakob kiang ah la ginumna latsak ah, Abraham kiangah la thutakna, danglam lo dungzui ah chun guitunsak ta’n.

MATTHAI 11:19

Mihing Chapa a hung ah, a nêk leh a dawn a muu in, “Mi gawlhatpa, uain haipa, sedawlte leh migilote gualpa, a tiu a. Himaleh, pilna chu a nasep in a kilang hi,” ti in.

LUKA 20:16

Hung intin, a huan bawlte chu hung that intin, a huan chu midang bawlsak zaw ta’n a,” a tia. Amau haw chun, zia chu a het phat un, “Zia lawm lawm chu tung ki’hen,” a tiu a.

JOHAN 3:33

Kuale a thu hiatsak a la pomte chun, Pathian chu dik tak ahi, ti a sudet tau hi.

ROMTE 11:1

Ahileh, Pathian in a mite a pâmpai ta a hem? Pâmpai lo e. Keima ngei le Israel mi, Abraham suan, Benjamin nam ah mi ka hingal a.

ROMTE 11:11

Aleh, a pûkden ding ah kipalpai a hitau em? Hilo e; himaleh, amau pûkna ziakin Jentelte kiang in hukdamna a hung tung tai; tichun, Israelte chun a hun mitthîp theina ding un.

ROMTE 3:31

Ahileh, ginna ziak ah dan chu I paithâk uh a hem? Hilo e, dan chu I sudet zawu ahi.

ROMTE 6:15

Bangti’n ahi ta diam? Dan nuai ah um hilo ah, hepina vaihawm ah um I hi’zawk ziak un gilo zing ding I hiu em? Hinaisai lo e!

ROMTE 6:2

Hinaisai lo e! Ei uh gitlona thi’san tate hi, bangti’n gitlo ah hing zing thei nalai ding I hiu em?

ROMTE 7:13

Ahileh, thilpha chu kei â dingin thina hung hita mai a hem? Hilo e! Gitlona chu kei â dingin thina a hung hizaw ta ahi. Tichun, gilo chu gitlona ahi ti a kilatna dingin, thilpha chu mang in ei that ta ahi; thupiak ziakin gitlo chu gitlona thupi tak a hung hi theina dingin.

ROMTE 7:7

Bang I gen ta ding awm leh? Dan chu gitlona a hem? Hilo e! Dan ziak ah het hilo leh, gitlona chu a la helo ding ka hi. Dan in, “Êng kin,” tilo leh, ênna chu bang a hem helo ding ka hi.

ROMTE 9:14

Aleh, bang I gen ta diam uh le? Pathian ah chun diklona a um ah ahi diam? Hilo e.

1 KORINTH 6:15

La taksau hi Khrista bâkte ahi ti helo la hiu em? Khrista taksa bâk pakhat chu ladok ah, nawchizuak bâk ah siam ding ka hem? Hinaisai ki’hen!

2 KORINTH 1:18

Himaleh, Pathian a ginum gual in, nangmau lam ah ka thuu chu, “Ahi,” ti tawh, “Ahi puai,” ti hilo ahi.

GALATIA 2:17

Ahileh, Khrista ah thiamchan I tup nâk sapi ah le migilo I la hi kit thei chun, Khrista chu gitlona umsakpa a hem leh? Hilo e!

GALATIA 2:21

Pathian hepina chu bangmalo in ka bawl pua’n, dan ziak ah dikna a um chun, Khrista chu a thawn ah thi hi’n a.

GALATIA 6:14

Kei vang in, I Lalpau Jesu Khrista kros longal chu ka suan lo ding zia mai chu; ama ziakin khawvel hi kei â dingin khetden in a um ta’n, keile khawvel â dingin khetden in ka um tai.

DAN LEKHABU 32:4

Ama I Suangpiu, a thilbawl ah pha bukim, a lampi zosia dikna ngen ahi. Pathian ginum leh zuau bawlna um lo, thu dik leh dik tak ah bawl ahi’n;

1 TIMOTHI 3:16

Nial gual lo hial in, I ginnau thugûk uh chu a lopi hi: “Ama chu taksa ah suklat, thagau ah thiam chansak, vansawlchâkte mu ngei, Jentelte lak ah tângkopi, khawvel pumpi ah taksan, lopina ah lâk to ah um ahi,” ti hi.

TITA 1:2

khawvel um masang ah Pathian zuau gen ngailo in a tiam, kumtuang hinna kinem ah um,

HEBRAITE 6:18

Pathian chu zuau gen ding gual a hilona chu, thil danglam theilo pani ziakin ei uh kihumbitna delte’n, I mau ah kinepna a koi chu chang ding ah tilkhona thupi tak I neitheina ding un.

1 JOHAN 5:10

Pathian Chapa gingte’n hetpina chu a lunggil un a nei chiat tau hi. Pathian ginglote’n vang ama chu juauthei a chansak tau hi, Pathian in a Chapa chanchin a hiatsak chu a gin lo ziak un.

1 JOHAN 5:20

Chun, Pathian Chapa chu a hung ah, midik chu hethei dingin hiattheina ei pia tai, ti I hiau hi; chuleh, a Chapa Jesu Khrista ah um in, midik ah chun I um uh ahi. Ama chu Pathian dik tak leh kumtuang hinna ahi.

THUPUAN 3:7

Philadelphia khua kochuam vansawlchâk kiang ah chun, zia gual hin zik in: Zia thute hi mithiangtho leh midik, David chabi nei, kuama khâk theilo ding ah hong leh, kuama hon theilo ding ah khâk khan a gen hi: