ROMTE 3:2 - PATHIAN LEKHABU THIANGTHO (BSI)

² Bang lam lam inle a phachuam hi, Pathian thute a kiang ua vopsak ah a um ziak ahi pen hi.

ROMTE 3:2 ပူးပေါင်းရင်းမြစ်များ

SAM 119:140

La thutep chu pha tak ah patep zaw a hita’n, zia chu la suak in a ngaina ma ma hi.

ISAI 8:20

Zia gual ah thugente chun phalvak mu him him pua’n au!

DANIAL 10:21

Himaleh, thutak zikna lekhabu ah kizik chu hun hil ing ka. La lal uh Mikael tilo ngal, zia lengte ei dopi ding kuama a um puau hi,” ti’n a hun gen tai.

JOHAN 5:39

Pathian Lekhabu sung ah kumtuang hinna um ah la het ziak un, gunchu tak in la sim sek ui; ziate chu keima thasâng ah thu hun hiatsak ahi ngal a.

NASEPTE 7:38

Sinai tâng ah ama kihopi Pathian mi tawh, gamthip ah kikhawmte lak leh, I pu leh pateu lak ah a la um kha ama chu ahi’n; ama chun ei piak sawn dingin thuhingte a la la ta’n.

ROMTE 1:2

zia chu Pathian Lekha thiangtho ah a jawlneite mang ah a la tiam lawk chu;

ROMTE 2:18

ama lung lam chu he ah, dan thuhil ah la um ziak ah thil phazaw diak chu la hetchian thei a,

ROMTE 3:1

Ahileh, Juda mi hi’na chun bang phatchuam zawkna a nei em? Zektan ah hinle bang phatchuam zawk diakna a um em?

ROMTE 3:3

Khenkhat ginum lo leu bang phachuam ding a hem? Chuleh, a ginlonau chun Pathian ginumna chu bangmalo suaksak ziang ding a hem?

ROMTE 9:4

Israel mite, cha hi’na changte, lopina changte, thuthung leh Dan thupiakte leh, Pathian nasepnate leh thutiam zosia a la changte a hiu a;

1 KORINTH 9:17

Zia chu keima thu ah ka hi chun, kipakman ka nei hi; himaleh, keima thu ahiloleh chu sawl ah um hiding ka hi.

2 KORINTH 5:19

Pathian in Khrista ah chun khawvel hi ama tawh kicham in a siam ah, a hi’khelnateu chu amau kãl ah guat lo in, kichamna nasepna ei vopsak tai.

GALATIA 2:7

chutinâk sâng chun, zektante kiang ah chanchinpha chu Peter kiang ah vopsak ahi gual in, zektanlote kiang ah chanchinpha chu kei kiang ah vopsak in a um hi ti a het phat un,

1 TIMOTHI 6:20

Timothi, la kiang ah vopsak ah um chu vêngpha ta’n. Diklo tak ah pilna a tiu, thu kigen mai mai leh kinialnate chu kiheimang san in;

HEBRAITE 5:12

A hun ngaitua in vang zilsakpa hithei ding hialte la hitau hi; himaleh, Pathian thubul pen ah kipat hun hil ding mi la ngai zaw na lai ui; bugum nethei nailo in, nawitui ngai nalai gual la hiu hi.

1 PETER 4:11

Kua’n le thu a gen chun, Pathian thute gual in gen hen; kua’n le na a sep chun, Pathian in hatna a piak gual jel in sêm hen; tichun, Jesu Khrista ziakin Pathian chu bangkim ah chawihoi in um thei in a. Lopina leh vaihawmna chu kumtuang in ama â ahi ngal a.

THUPUAN 19:10

Ziaphatchun, a kengbul ah bok khup ah biak ding gua’n ka nai leh ama’n, “Hi’kin, keima le Jesu hiatsakna thu nei ah, la suapi leh la suak chanpi ka hi; Pathian bep chu bia’n; Jesu thu hiatsak chu thagau ah thugen hi ahiziak in,” a tia.

THUPUAN 22:6

Chun, ama chun ka kiang in, “Zia thu kigente hi a ginum in a dik ahi; jawlnei thiangthote Lalpa Pathian chun, thil um pai ta dingte chu etsak dingin a vansawlchâk a hun sawl ahi.