ROMTE 3:12 - PATHIAN LEKHABU THIANGTHO (BSI)

¹² A leng un lampi chuam ah a pêtmang zo tau in, bangma phatchuamna bei in a um sik sek un; thilpha bawl him him a um ta puau in, pakhat chale a um ta puau hi.

ROMTE 3:12 ပူးပေါင်းရင်းမြစ်များ

THILSIAM THU 1:31

Chutichun, Pathian in a thilsiam zosia chu a en ah; ngaitia, pha a sa ma ma hi. Nitâk lam a um ah, jingkal lam le a hung um tai; a ni guk ni’ah chun.

SAM 14:3

Lam dik ah kipat in a pêt mang suak tau a, a leng un a pêt mang chiat tau hi; kuama thilpha bawl a um ta puau a, pakhat chale a um ta puau hi.

SAM 53:1

Mi ngolte chun a lungthim un, “Pathian a um puai,” a tiu a. A sezo tau ah, thil phalo ki’dak um a bawl tau a, kuama thilpha bawl pakhat chale a um ta puau hi.

SAM 53:3

Siatna lam ah puimang ah um in, a leng un a kiheimang zo tau hi; kuama thilpha bawl a um puau a, pakhat chale a um ta puau hi.

PAWTDAWNA THU 32:8

ka thupiakte chu kin tak in a kiheisan zo tau: Bawngno lim a kisun un, a ho un, a kiang in kithoina bawl in, ‘Aw Israel, ziate hi Aigupta gam ah kipat hun puidok pathiante chu a hiu,’ a ti zo tau hi,” a tia.

THUGENTU 7:20

Thilpha bep bawl, bangma bawl khial nei lo, zia khawvel ah hin a um him him puai.

THUGENTU 7:29

Entia zia bep hi ka mudaw ahi: Pathian in mihingte hi dik tak in a siam ah; himaleh, thil tam tak a la kiguanggal sek ui.

ISAI 53:6

I leng un belam gual in I la vâk mang zo tau ah; eimau nopna lam chiat in I la vâk mang zo tau hi; himaleh, Lalpa‘n I leng ua dukdaklona zosia chu, ama chung in a nga tai.

ISAI 59:8

Kichamna lampi a he’pha puau in, a tawi leh channau ah chun, vaihawmna dik a um puai. A lampiteu chu a kawi lumlet thei pen in a bawl un, zia lampi haw kha ta’ chun, thamuanna a he’pha puau hi.

ISAI 64:6

Kei haw vang mi buak tawh bang ka hung hitau in, ka thil dik bawl sun uh chule, puannên ki’dak um tak gual bep ahi tai. Thingdua vuai gual in ka chuai tau ah, ka khawlonau ziakin hui in a tawma’n gual in, tawmang in ka um gam tau hi.

JEREMIAH 2:13

Ka mite’n thil pani a hi’khial ta’ngâl un: Tuinâk hing keima ei nusia in, tui um thei lona bêlsia gual, tui bêlte a kisiam ui.

MATTHAI 25:30

Tichun, suak phachuam lo chu pawlam thim ah paidok un; zia tak ah chun kâ leh hagial um ta’n a, a tia.

ROMTE 3:11

Kuama a hethiam a um puau in, Pathian hawl him himle a um puau hi.

ROMTE 3:13

A gawl uh chu thân kihongsa ahi’n, a lei un thepna thu a gen un; a kam sung un gulgu a um hi;

EPHESA 2:3

Zia awilo chate lak ah chun ei hawle malai ah khan, taksa leh lungthim doigualte bawl in, I taksa nopnateu gual in I um chiat un; midangte gual tho ah lungnatna chate piang I la hiu in.

PHILEMON 1:11

Tu’ma khan vang nang â dingin mi phachuam lo a la hi’n; himaleh, tu’hin vang nang leh kei dingin mi phachuam tak a hung hi tai.

1 PETER 2:25

Belam gual in la vâkmang tau ah, tu’hin vang la thagau uh chingpa leh vengpa kiang ah chun la kile’kit tau hi.