ROMTE 3:11 - PATHIAN LEKHABU THIANGTHO (BSI)

¹¹ Kuama a hethiam a um puau in, Pathian hawl him himle a um puau hi.

ROMTE 3:11 ပူးပေါင်းရင်းမြစ်များ

SAM 53:2

Pil tak ah Pathian hawl him him a um diam uh ti’n, Pathian in van ah kipat in mihing chate a en suk a.

SAM 53:4

Thil phalo bawlte chun hetthiamna neilo ah, vaithum a nêk gual un ka mite a ne zo tau ah, Pathian le ko diak lo a hiu em?

SAM 94:8

Mi lak lak ah thada pente haw; mingol, bangtik leh hung pil ding la hem?

THUPILTE 1:22

Nang uh mimawlte haw, bangchan a hem mawlna la ngainat ding uh? Bangchan a hem mi dâi chavaite daichâkvaina la limpiu ah, mingolte’n hiatthiamna a huat ding uh?

THUPILTE 1:7

Lalpa launa hi hetna bul ahi’n, mingolte chun pilna leh, hilna thu a ngainêp sek ui.

ISAI 27:11

Thingbâkte chu a hung keu phat leh, nutsia in a um un; numeite’n thingkhua dingin a mang sek tau hi. Zia namte hi hetthiamna neilote ahi ngal un; ziaziakchun, amau Siampa chun, lainatna nei ta pua’n tin, amau a la guanggalpa chun a chung un, doisakna hi’lang ta pua’n a.

ISAI 31:1

Aiguptate panpi’na hawl ah chiasukte, sakol hatna kisuanpite, sakol kângtalai tam ziak ah kimuangte, sakol hat ma ma te muang ah, Israel Mithiangtho ngaisak lo leh, Lalpa ngaisaklote chu, a chung uh a gik na lawm lawm e!

ISAI 55:6

Mu bailam ah a um lai in Lalpa chu hawl unla, a nai lai hin ko un;

ISAI 65:1

Ei donlote hawldaw dingin ka um in, ei hawl lote mudaw ziang dingin ka um hi. Ka min ah ei ko lote kiang in, “Zia hin ka um hi, zia hin ka um hi,” ka ti’n.

ISAI 9:13

Mite chun amau vaw’pa lam chu a nga nuam nai diak puau a; sepai honte Lalpa lam chule a hawl nuam diak puau hi.

JEREMIAH 4:22

“Ka mipite chu a ngol ziak un, ei he’pha pua’n au; chapang mawl a hiu ah, hiatthiamna neilote a hiu; thil phalo bawl dan a thiam ma mau ah, thilpha bawl dan vang a hepuau hi”.

HOSEA 4:6

Ka mite chu hetna a tâksap ziak un sukmangthai a hiu a; nang in hetna la paithâk ziakin, ka thiampu la hi’na kipat in ka hun paitha tai. La Pathian dan la hetmil tâk ziakin, ke’nle la chate hemil ding ka hi.

HOSEA 7:10

Israel kisaktheina chun a thiamlo zia a sulang in; zia zosia ah chunle Lalpa, a Pathian kiang lam un a kihei kit puau a, ama le a hawl diak puau hi.

MATTHAI 13:19

Kuale, gam thu chu bil ah he’, hethiam lo chu buchi lampi pâm ah ketha tawhbang ahi. Migilopa chu a hung ah, amau ah chi kitu chu a hung lâkmang piak sek hi.

ROMTE 1:22

Pil ah kingai in, mingol ahi zaw tau hi.

ROMTE 1:28

Chun, Pathian het a nop lo ziak un, thil mêlpha lo tak tak bawl ding ah a doi lo gual lungthim nei phal in, Pathian in a kihei mangsan tai.

ROMTE 3:10

“Kuama midik a um puau in, pakhat chale a um puau hi.

ROMTE 3:12

A leng un lampi chuam ah a pêtmang zo tau in, bangma phatchuamna bei in a um sik sek un; thilpha bawl him him a um ta puau in, pakhat chale a um ta puau hi.

ROMTE 8:7

Taksa lam doidan vang Pathian tawh kimêlmâkna ahi’n; Pathian dan tawh kituakna a um puai; um le a um theilo him ahi.

TITA 3:3

Eihawle malai ah khan mingol tak, thu awilo, thep zaw ah um, gilo leh mitthîp hatte, huat ah um leh kihawtua ah umte I la hiu a.

1 JOHAN 5:20

Chun, Pathian Chapa chu a hung ah, midik chu hethei dingin hiattheina ei pia tai, ti I hiau hi; chuleh, a Chapa Jesu Khrista ah um in, midik ah chun I um uh ahi. Ama chu Pathian dik tak leh kumtuang hinna ahi.