ROMTE 3:1 - PATHIAN LEKHABU THIANGTHO (BSI)

¹ Ahileh, Juda mi hi’na chun bang phatchuam zawkna a nei em? Zektan ah hinle bang phatchuam zawk diakna a um em?

ROMTE 3:1 ပူးပေါင်းရင်းမြစ်များ

THILSIAM THU 25:32

Esau in, “Thi ding ka hita hen, cha upa hi’na mai chu kei â dingin bang phatchuamna a um ah a hem?” a ti’n.

SAM 147:20

Ama’n namdangte lak ah kua chung inle, zia gual chun a bawl ngai pua’n; a dan siamte chule a he diak puau hi. Lalpa chu pâk tau in!

THUGENTU 6:11

Thu gendaw a tam po leh a thawn a tam in, a khoi zaw chunle phatchuamna a nei diak em?

THUGENTU 6:8

Mipil in mingolte sâng ah bang hamphat zawkna a nei chuam diak uh em? Mihingte âng ah umdan thiam, migenthei chunle bang a nei diak awm?

MALAKI 3:14

Nang hawn, “Pathian nasep hile a thawn mai ahi, sepai honte Lalpa thupiak I vop un, a âng ah lusûnte gual ah thasia tak ah I chia sek uh hi bang lawkna a um em?

JOHAN 4:22

Nang un la hetlopiu la ho sek un; kei un vang ka biak uh chu ka hiau ahi; Judate lak ah kipat hukdamna chu hung pawt ding ahi ngal a.

ROMTE 3:2

Bang lam lam inle a phachuam hi, Pathian thute a kiang ua vopsak ah a um ziak ahi pen hi.

ROMTE 3:9

Ahileh, amau sâng in I phazaw diak ua a hem? Hilo e! Judate leh Grikte chu siatna suak ah um chiat a hiu ti tu’masang ah khanle I ngaw tau kha lam.

1 KORINTH 15:32

Mihingte kinepna mai mai a la hileh, Ephesa ah gamsa hângte tawh ka kisual uh khan, bang phatchuamna ka mu diam? Mithite kaithaw kit lo ding a hiu chun: “Ne leh dawn in um hitiu, jing leh thi ta ding I hiu”.

HEBRAITE 13:9

Thuhilna zat chuam taphot zui ziang kiu in; nêk leh dawn thu, a zuite â ding ah le phachuam lo haw hi ngaisak kiu in, lungthim hi vang kidoisakna suk-hat ah um sek ahi.