ROMTE 2:7 - PATHIAN LEKHABU THIANGTHO (BSI)

⁷ Kuale thilpha hi ah, dawthei tak ah umte chun, lopina leh choisânnate, thitheilona leh kumtuang hinna chu chang in au.

ROMTE 2:7 ပူးပေါင်းရင်းမြစ်များ

JOB LEKHABU 17:9

Midik chun a lampi ngai ma a tuchak in, khut thiangtho neite chu vang hat deu deu in au.

SAM 27:14

Lalpa chu ngâk zing in; kisuhat inla, la lungthim chu kihânsak ta hen; ahi, Lalpa chu ngâk zing in!

SAM 37:3

Lalpa chu ging inla, thilpha bawl ta’n; tichun, zia gam ah hin bit tak in um zing ta’n.

SAM 37:34

Lalpa ngâk inla, a lampi haw zing in; gam chu lua dingin hun chawihoi in a; tichun, mi nunsiate siatna chu a la mu’n la.

EZEKIEL 18:17

thil phalo bawl lo ding ah a khut a tûktân ah, sumpung la’lo ah, ka thuguatte a zui ah, ka dan thuthungte a vop chun, a pa gitlona ziakin ama chu thi pua’n tin, a hin ngei ngei ding ahi.

MATTHAI 25:46

Tichun, ziate lawi chu kumtuang gawtna chun sawl ta’n tin; midikte chu vang kumtuang hinna chun lutsak ta’n au, a tia.

LUKA 21:19

La thok-hatna ziak un la hinnau humbit in lau.

LUKA 8:15

Lei phatna kethate chu ziate hi a hiu: Lungthim kitup tak leh pha tak in thu a hiau ah, a vop zing un, thuak hat tak in ga a hun sua sek ui, a tia.

JOHAN 4:36

Buâtte chun a sep man a mu zo tau in; zia ban ah chun kumkhawtuang hinna ga chu lakhawm nalai ding a hiu, a tû’te leh a lakhawmte a kipak chiat theina ding un.

JOHAN 5:44

Pathian bep ah pâkchâkna hawl ding ahi dan helo in, nangmau kipâkchâkna mai la hawl ua leh, bangti’n gingcha thei ding la hiu em?

ROMTE 2:10

ahi’n la, thilpha bawlte chung ah chun lopinate, choisânnate leh thamuannate Judate chung ah tung masa’n tin, ziazaw chuleh Jentelte chung inle tung in a.

ROMTE 6:23

Gitlo man chu thina ahi’n, Pathian thilthawnpiak ahileh vang, Jesu Khrista, I Lalpau jal ah kumtuang ah hinna ahi.

ROMTE 8:18

Tu’lai thoknate hi tu’nung ah lopina I chung ua hung kilang dingte chu tawh te’pi kham in ka ngai puai.

ROMTE 9:23

Lopina ding ah a la siam lawk, jangaina changte â ding ah a lopina hau dan taklatna ding in,

1 KORINTH 15:42

Mithi thawkitna le zia gual chu ahi. A kitu’ chu a mangthai thei in, a kikaitho chu vang a mangthai kit thei puai.

1 KORINTH 15:50

Suapite haw, taksa leh thisan hin Pathian gam lua thei pua’n tin, a muatthei hinle a muatthei lo chu lua thei pua’n a.

1 KORINTH 15:58

Ziaziakchun, ka doitakte haw, suklîng zaw lo ding ah det tak in um unla, Lalpa nasepna chun theitawp sua zing un; la sepgimnau chu Lalpa ah chun a thawn puai, ti la he ngal un.

GALATIA 6:9

Ziaziakchun, thilpha hi chimchâk puai tiu; I kithada lo uh chun a hun tak in ât ngei ding I hingal un.

EPHESA 6:24

I Lalpau Jesu Khrista chuai lo ah hepite chung in, a hepina chu um zing ta hen. Amen.

KOLOSSA 1:27

Lopina hung tung ding I kinepnau leh, zia thugûk a lopi dan tak sulangpa Khrista nangmau ah a chênna thu a lopi dan tak hi, Jentelte kiang ah gen lang dingin Pathian in ei guat tai.

1 TIMOTHI 1:17

Khang zosia ah Lalpen, thi theilo, muthei lo, Pathian pakhat bep kiang ah chun kumtuang in choihoina leh lopina um zing ta hen.

2 TIMOTHI 1:10

himaleh, tu’hin, I Hukdampau Khrista Jesu hung kilat ziakin hi’lat in a um tai; ama chun thina chu hi’bei in, chanchinpha ah chun hinna leh thi theilona a hun tâklang tai.

HEBRAITE 2:7

Amau chu vansawlchâkte sâng ah nuainung zaw deu in la siam tadi in, lopina leh za umna la khuk sak in, a keng nuai ah bangkim la koi a,” ti in.

HEBRAITE 6:12

Thada kiu inla, ginna leh thok-hatna ah thutiam changte kha zui zaw tau in.

HEBRAITE 6:15

Abraham chun gunchu tak ah a thok nung in zia thutiam chu a la chang tai.

1 JOHAN 2:25

Ama’n ei tiam piak chu kumtuang hinna hi ahi.