ROMTE 2:6 - PATHIAN LEKHABU THIANGTHO (BSI)

⁶ Pathian chun mitin amau thilbawl dungzui chiat ah hun dit ding ahi ngal a.

ROMTE 2:6 ပူးပေါင်းရင်းမြစ်များ

JOB LEKHABU 34:11

Mi te’n a thilbawl dungjui chiat un thuk in, mi tin a khawsak dan tawh kituak chiat in, a chung un tunsak ding ahi ngâl a.

SAM 62:12

aw Lalpa, ngilneina hi nang â ahi. Mi tin a nasep dungzui un la din sek ngal a.

PAWTDAWNA THU 32:34

Himaleh, tu’hin nangma chia inla, mipite hi la kiang ah ka hun hilna gam chu lua dingin vapui in; en in, ka vansawlchâk in hun pui zing ding ahi. Ahi’nla, ka gawtna hun a hung tun phat leh amau gitlona dungzui ah chun hun gawt ding ka hi,” a tia.

THUPILTE 24:12

“Zia hi ka la he’kha dang e!” la ti chun, thinlung bûkpa chun helo ding a hem? La hinna voppa chun zia chu helo ding a hem? Mi tin a thilbawl tawh kigûn in thuk lo ding a hem?

THUPILTE 24:2

a lungthim un thil phalo a suangtuau a, a mûk un thu phalo bep a gen ngal un.

THUPILTE 26:10

Mingol leh zungolvei goi chu, thal kap thiam in mi a kâp liam tawhbang ahi.

THUGENTU 3:17

Ka lungthim in Pathian in midik leh migilo chule vaihawm piak in ah, ama’n thil zosia leh thil kibawl zosia vaihawmna ni ding bîk a guat ngal ah, ka ti’n.

JEREMIAH 17:10

A umdan dungzui ua thuk ding leh, a nasep gau tawh kigûn ah pia ding in, keima Lalpa hin lungthim chu patep in, ka enchian zing ahi.

JEREMIAH 32:19

la lemguat dan a mak ah, la thilbawl dan a lopi hi; la mit chun mihingte tawidan zosia a mu suak ah, mi tin chu a tawidan dungzui leh a thilbawl uh tawh kigûn tak ah thuk zing sek la hi.

EZEKIEL 18:20

Thil phalo bawl pen chu a thi ding ahi. A nu leh pa gitlona ziakin a cha’n thuak pua’n tin, a cha ziakin a nu leh pa’n le thuak diak pua’n au; midik in a dik man mun tin, migilo in a gitlo man kipuak in a.

EZEKIEL 18:30

Ziaziakchun, Aw Israel Inkuante haw, la umdan dungzui chiat un mi tin chung ah vaihawm ding ka hi, Lalpa Pathian in a tii. Sim unla, la hi’khelnau zosia haisan tau in; achutiloleh, nunsiatna chu la manthâinau hung hi kha’n a.

EZEKIEL 36:19

Namtin lak in ka the’chek ah, gamtin ah the’jak in a la um tau in; a umchan leh thilbawl tawh kigûn un a chung un vai ka hawm ahi.

MATTHAI 16:27

Mihing Chapa hi a vansawlchâkte tawh, Pa lopina kithuam ah a hung tak leh, mitin in a nasep dungzui chiat un hun dit kit ding ahi.

ROMTE 14:22

La ginna nei chu Pathian ma-âng in nang bep het in nei mai in. Ama phatsakna, thiamlo kichan lo mi chu mi hampha ahi.

1 KORINTH 3:8

A phupa leh a tuibuakpa chun a tup uh kibang ahi; mitin in ama sepgim ga chu, a sep dungzui un kimu chiat ding a hiu.

1 KORINTH 4:5

Chutichun, a hun masang in bangma genchian kiu in; Lalpa chun thim ah thil sêlgukte chu vâk ah hun tâkdok intin, lungthim ah tupnate le hilang in a. Ziaphat chuleh, mi zosia’n Pathian ah kipat pakchak law chiat ta’n au.

2 KORINTH 11:15

Ziaziakchun, a nasemte chule dikna nasêm gual in kisiam taleu thilmak ahi diak puai. A tawpna chun a thilbawl dan uh hung kilang ding ahi ngal a.

2 KORINTH 5:10

Mi zosia’n taksa I thilhite, a sia a pha, I hi gual gual un I mu chiat theina ding un, Khrista vaihawmna chutpha man kilâk chiat ding I hiu.

2 TIMOTHI 4:14

Sumsungpa Aleksander khan ei subuai ma ma ziang a; Lalpa‘n a thilhi dungzui in thuk in a.

THUPUAN 2:23

chuleh, a chate chule that ding ka hi. Kochuam zosia chun keima hi ngaituana leh lungthim zosia enchianpa ka hi ti hun he ta’n au; tichun, la nasep dungzui un hun thuk ta’ng ka.

THUPUAN 20:12

Mithite, a lian a neu, lalchutpha ma-âng ah hung ding chu ka mu’n; ziaphatchun, Lekhabu chu a phêt un; chuleh, lekhabu dang Hinna Lekhabu kiti chu a phêt kit un; mithite zosia chu a thil hi dan uh Lekhabu kizik dungzui in thu a tan piak tau a.

THUPUAN 22:12

Ngai in, hung vak ziang ding ka hi tai; mi zosia a nasep dungzui chiat ua piak dingin ka kipakman ka kiang in a um tai.