ROMTE 2:4 - PATHIAN LEKHABU THIANGTHO (BSI)

⁴ Ahiloleh, Pathian phatna, zaidawna leh thawk-hatna thûk zia chu musit ziang la hem? Pathian phatna chun lungheina dingin a hun pui huai zing hi ti helo la hem?

ROMTE 2:4 ပူးပေါင်းရင်းမြစ်များ

SAM 10:11

A lungthim un, “Pathian in a hemil tai, a mai a sêlgûksan ah; mu ngai ngai talo ding ahi,” ti’n a ngaitua sek ui.

SAM 104:24

Aw Lalpa, la thilbawlte a tam na lawm lawm e! Pilna ah la siam sik sek ahi’n; leilung hi la thilsiam in a lua dim tai.

SAM 31:19

Aw nangma kichate â ding ah la phatna khol khawm, mi zosia mit mu ah nangma ah, ginna ngate â ding ah la bawl piak ding chu, a thupi na lawm lawm e!

SAM 78:38

Ahi’n, ama chu lainatna dim ahi ziakin, a khawlonau chu ngaidam in amau chu a gawt chimit diak puai. A lungnatna a kisûm ah, a hachang thakna zosia chu a choktho nuam puai.

SAM 86:15

Ahi’n, aw Lalpa, nang chu Pathian, lainatna dim leh, mi hepi thei, lungnem, ngilneina leh thu tak ah dim la hi.

SAM 86:5

Aw Lalpa, nang chu la pha’n, ngaidam pei, a ko tapote chung ah, ngilneina hau la hi’ngal a.

PAWTDAWNA THU 34:6

Chun, Lalpa’n a hun makhel ah: “Lalpa chu! Lalpa chu! Pathian, lainatna dim, mi khawtua thei tak, lung nêm tak chu; Ngilneina leh ginumna dim chu:

THUGENTU 8:11

Thil phalo bawlte thiamlo chansakna, thutanna bawl pai ziang a hilo na ziakin, mihingte lunggil ah chun thil phalo bawl guatna a nei ta sek ui.

ISAI 30:18

Ziaziakchun, Lalpa‘n lainat tak in nanghaw a hun ngak zing a, ziaziakchun, a zainemna hun etsak dingin, ama a kichawisâng hi. Lalpa chu dik tak ah vaihawm Pathian ahi ngal a; ama ngâk zosia chu mi hampha a hiu!

JEREMIAH 7:10

ka kiang lam ah hung in, zia In, keima min ah kisa ah hin ka ma-âng ah hung dingin, zia gual thil ki’dak um zosiate hi bawl zing kawm in, “I bit nalai ui,” ti tei tei nalai ding la hiu em?

EZEKIEL 11:19

Lungthim thak pia’ng ka tin, a lunggil un thagau thak pakhat koi ta’ng ka; suang tawhbang ah tâk a taksau ah kipat lungchang chu ladok in, taksaphe gual ah nêm lungchang chu pia ta’ng ka tin;

EZEKIEL 16:63

la thilbawl dan zosia ka ngaidam phat leh, la het zing ziak ah la zachat man ah bangma gen ding neilo in, la kam ka hawm ziang ding la hi, Lalpa Pathian in a ti ahi.

HOSEA 3:5

Zia nung chuleh, Israelte hung kile’kit in, Lalpa a Pathian uh leh David, a leng uh chu hun hawl ta’n au; ni nunung lam ah chun Lalpa leh a phatna chu lau kawm in zuan in au.

JONAH 4:2

Lalpa kiang in a pauchap a: “Aw Lalpa, zia thu hi ka gam ua ka um lai ah kha ka gensa hilo a hem? Ziaziak hin ahi, Tarshish lam ah ka la jam mang kha: Nang hi lungsiatna dim Pathian leh ja’ngaina dim, lungna vak ziang lo, hepina danglam lo ah dim, mi gawt lo ding ah kisa zosa la hi ti ka la he ta’ngal a.

KISIMNA LEKHABU 14:18

‘Kei Lalpa la Pathian uh hi, lungna vak ziang lo, lungniang leh hepina dim, thiamlona leh bawlkhialna zosia ngaidam ah, a hiziak ah thiamlonate hemil ziang ngai lo, pate thiamlona le chate chung ah, khang thumna leh khang li’na tiang ah, a tu a chateu tiang ah phuba la ziang ka hi,’ la ti ta ngâl a.

ROMTE 10:12

Judate leh Grikte kikâl ah bangma kikhiakna a um puai, Lalpa pakhat, mi zosia chung ah Lalpa ahi, a min lam tapote chung ah phatna a hau ngal a.

ROMTE 11:22

Ziaziakchun, Pathian lau um dan leh a phatnate hi ngaitua phau in; a pûkte â dingin lau um tak ahi; ahi’n la, Pathian lungsiatna la chung un a um hi, a lungsiatna la um zing lo ua leh sâtthâk in um mai ding la hiu.

ROMTE 11:33

Pathian pilna leh hetna leh hau zia chu a thûkna lawm lawm e! A vaihawmnate chu hiat thei gual leh, a lampite chu sui thei gual a hi paw na e!

ROMTE 3:25

a thisan ziak ah thupha choina hiding leh ginna chang dingin, Pathian in a guat a. Pathian in a dikna latsakna dingin, a dawtheina ziak ah nidang lai gitlonate a kihiat losak ziakin,

ROMTE 6:1

Bang I gen ta diam uh le? Hepina chu a pun zawk diak theina dingin, gilo hi in um zing ding I hiu em?

ROMTE 6:15

Bangti’n ahi ta diam? Dan nuai ah um hilo ah, hepina vaihawm ah um I hi’zawk ziak un gilo zing ding I hiu em? Hinaisai lo e!

2 KORINTH 8:2

haksatna nasa tak a tuak lai un, a chatganau huaisia leh a kipaknau nasa tak chu amau lak ah kiphalna luanglet a hung hi khawlaw dante kha.

EPHESA 1:18

Chutia, la lungthim mitteu chu hi’vâk a hung hi ah, la hettheina ding un, ama kona kinepnate, mi thiangthote golua ding a lopi dante,

EPHESA 1:7

A hepina hau dungzui in, a thisan ah tatna chu chang in, I gitlonateu ngaidamna chu I chang tau ahi.

EPHESA 2:4

Ahi’n la, Pathian chun, hepina a hau dungzui ah ei la hepi ziakin;

EPHESA 2:7

Chutichun, hun hung tung kit ding ah te chun Khrista Jesu ziak ah I chung ua nunnem in, a hepina lopi hau dan te’gual lo chu ei musak theina ding in.

EPHESA 3:16

a lopina hau dungzui in a Thagau jal in, la sunggil lam ua chun thilhitheina’ suk-hat ah la umtheina ding un, ka pauchap in;

EPHESA 3:8

Keima, mithiangthote lak ah neupen sâng ah le neuzaw kiang ah hin, zia hepina chu piak ahi’n; Khrista hausakna suidaw guallote chanchin chu Jentelte kiang ah gen ding leh;

PHILIPPI 4:19

Chun, ka Pathian chun Khrista Jesu ah a hausakna dungzui in, la tâksap zosiau chu hun pia’n a.

KOLOSSA 1:27

Lopina hung tung ding I kinepnau leh, zia thugûk a lopi dan tak sulangpa Khrista nangmau ah a chênna thu a lopi dan tak hi, Jentelte kiang ah gen lang dingin Pathian in ei guat tai.

KOLOSSA 2:2

Pathian thugûk, Khrista ngei hi hetna a hun nei ua, hetchianna lam ah hausa tak ah a hung umtheina ding un, a lungthim uh tîlkho a hiu ah; hepina a kipumkhat theina ding uh chu ka doilam tak ahi ngal a.

1 TIMOTHI 1:16

Himaleh, ziaziak tak ah chun ahi jangaina chu ka mu; chutia, a gilo pen keima ah Jesu Khrista dawtheina kim latsak ah um chu, tu’nung ah ama hun gingte chun, kumtuang hinna a mu ding uh chu etsakna hiding in.

1 TIMOTHI 6:17

Zia khawvel ah mi hausate chu a hiu leh, kiletsak lo ding leh, hausakna muan umlo ah a kinepnau ngalo ah, I limna ding ua bangkim ah ei somdawlpa Pathian chung ah nga zaw dingin hil in.

1 PETER 3:20

amau chun malai ah Noah dam lai ah Long tuk sungsia, Pathian dawtheina a ngak lai khan thu a mang puau ah, zia Long ah chun mi tawmcha, mi pagiat, tui ah kipat hukhin in a um uh ahi.

2 PETER 1:11

Tichun, Jesu Khrista I Lalpa leh Hukdampau kumtuang gam ah lûtna chu musak in au.

2 PETER 3:15

Lalpa dawtheina chu hukdamna’n guat un. I suapiu doitak Paul in le, pilna piak ahi dungzui in la kiang un a hun zik tai.

2 PETER 3:3

Zia hi he masau in: Ninunung lam leh mi simmaw hâtte chu amau nopna dungzui in simmaw ah ho kawm in hung intiu in:

2 PETER 3:9

Mi khenkhat in chanchûm ah a ngai gual un, Lalpa chu a thutiam lam in a chanchûm puai; kuama manthai ding doilo in, mitin in lunghei leu ti a dawi ziakin la lam un a dawthei zaw ahi.

THUPUAN 2:21

A lungheina dingin hun chomkhat ka pia’n; himaleh, a thanhuaina kipat chun a lung a hei diak him him puai.

THUPUAN 3:20

Ngaitia, kotkhak bul ah dingin ka kiu zing hi; kuale ka aw hia, kot ei la hon chu a kiang ah lut ing ka tin, a kiang ah jan an ne’ng ka tin, ama’nle kei kiang in ne’n a.