ROMTE 2:3 - PATHIAN LEKHABU THIANGTHO (BSI)

³ Ziaziakchun, aw nang mihing, nangma zia gual thil bawlsekte awimaw sekpa chun, zia gual ma chu la bawl leh, Pathian vaihawmna chu pumpel diak dingin la kigingcha a hem?

ROMTE 2:3 ပူးပေါင်းရင်းမြစ်များ

2 SAMUEL 10:3

Ammonte lak ah miliante chun a lalpau kiang in, “David in la pa a ja man ah a gâl ding ah mi a hun sawl hiding in la gingcha tak tak na em? David in palai a hun sawlte hi khawpi lâk ding dan ngaitua ah entha ding ah a hun sawl hi zaw lo a hem?” a tiu a.

JOB LEKHABU 35:2

Nang in, “Pathian âng ah dik suak ka hi,” la ti chu dik la sa em?

SAM 50:21

Zia thilte chu la bawl in, ahi’n, ka hun thipsan ah; nangma gual bep hidingin lei ngaitua a. Tu’hin vang hun zilgai in, la thiamlo channa ka hun tâklat piak tai.

SAM 56:7

Aw Pathian, la lungnatna’n namtin, a gitlonau chu dit kit inla, paitha ta’n.

THUPILTE 11:21

Mi nunsia chu gawt lo in suakcha pua’n tin; midikte chun gawtna pumpel in au, ti hezing in.

THUPILTE 16:5

Lunggil ah chapote chu Lalpa‘n ki’dak um a sa hen; zia gual mite chun gawtna pel lo hial ding a hiu ti hezing in.

EZEKIEL 17:15

Himaleh, sakol tam tak tawh sepai tam tak a hun sawl piak theina dingin, Aigupta gam ah palai sawl in a helpan ta’n. A lawting na diam? Zia gual ah bawlte chu a suakcha na diam? A thutiam bawtsia’n ama a suakcha theina diam?

EZEKIEL 17:18

A kitiamna musit ah, thuthung a bawsiat ziak leh, a khut pia ngal ah, zia zosia chu a bawl ziakin suakcha him him pua’n a.

DANIAL 10:19

Ka kiang in, “Lau kin, nasa tak ah doisakna changpa! Nang chu humbit la hi tai. Hat tak leh hangsan tak in um in!” ei hun tia. Zia gual ah ei hun ho zaw phat ah chun ka hung hât ta’n, a kiang in, “Nang in lei hi’hât tâk ziakin, tu’hin ka Lalpa‘n thu hun gen ta’n le,” ka ti tai.

MATTHAI 23:33

Nanghaw gûlte haw, nanghaw gûlsia suante haw! Gawtmun ah thiamlo channa chu bangti’n pumpel ding la hiu em?

MATTHAI 26:53

Ei panpi ding in ka Pa kiang in don leng, ama chun vansawlchâkte sang guk mun sawm leh ni sâng ah tam zaw le hun sawl thei ahi ti helo la hiu em?

LUKA 12:14

Ama chun a kiang in, “Lawm, la chung ua vaihawm ding leh thil hawm piak dingin kua’n ei guat ah a hem?” a tia.

LUKA 22:58

Ziazaw sawt lo ah chun midang pakhat in a hung mu kit ah, a kiang in, “Nang le a lak ua mi la hi,” a tia. Peter chun, “Ka hitalojen hi,” a hun ti kit a.

LUKA 22:60

Peter chun, “La thugen chu ka he puai,” a tia. Zia a gen lai tak chun âk a hung khuang ngal tai.

ROMTE 1:32

Pathian in zia tawhbang mite chung thu chu a tan piak tak leh, thi tâk ah vaihawm piak ah um ding a hiu ti a hezing tho ui; himaleh, amau thil diklo bawlte bep le tongkhop lo in, zia gual ah bawl sek, midangte chule a kipakpi nalai sêt ui.

ROMTE 2:1

Ziaziakchun, Aw mihing, bang gual mi hiziang lechinle suanlam ding bangma la nei diak puai: Midang awimaw sek lechinle, nang in midang demsia zing sek in, nang inle zia tawhbang ma chun la bawl kit sek ngal a; ziaziakchun, nang in mi la demsiatna ma ma chun nangmale thiamlo la kichansak ahi.

ROMTE 2:2

Ahi’n, zia tawhbang thil gilo bawlte chung ah chun Pathian in thutak in vai hun hawm ngei ngei ding ahi, ti I hiatsau ahi ngal a.

ROMTE 9:20

Himaleh, a dik tak in, aw mihing, Pathian nial chu kua la hia hem? Thilsiam in ama siampa kiang in, “Bang a tia zia gual ah hi lei siam a hem?” tiding a hia hem?

1 THESSALONITE 5:3

“Muanna leh bitna a um hi,” a ti lai tak un, numei nauvei gual in thakhat in manthaina a chung un hung tung intin, zia kipat chun suakcha pua’n au.

HEBRAITE 12:25

Zia thugente chu doi lo ah la la um lona ding un chingthei un. Lei ah a kiang ua thugente doilote bawn in gawtna a pumpel lo ua leh, van ah kipat thu hung genpa chu a la kiheimang san leu hin, bangti suachât ding I hiu em!

HEBRAITE 2:3

zia gual lawm ah hukdamna lopi hi ngaisak lo in um leu hin, bangti’n suakcha thei ding I hiu em? Zia chu a tîl in Lalpa kam ah gen ahi tangal ah, a hete chun ei namdet piak uh ahi.