ROMTE 2:1 - PATHIAN LEKHABU THIANGTHO (BSI)

¹ Ziaziakchun, Aw mihing, bang gual mi hiziang lechinle suanlam ding bangma la nei diak puai: Midang awimaw sek lechinle, nang in midang demsia zing sek in, nang inle zia tawhbang ma chun la bawl kit sek ngal a; ziaziakchun, nang in mi la demsiatna ma ma chun nangmale thiamlo la kichansak ahi.

ROMTE 2:1 ပူးပေါင်းရင်းမြစ်များ

LUKA 12:14

Ama chun a kiang in, “Lawm, la chung ua vaihawm ding leh thil hawm piak dingin kua’n ei guat ah a hem?” a tia.

LUKA 19:22

Ziaphatchun, ama chun a kiang in, ‘La kamsuak ngei ah kipat in la chung thu ka tan ahi; nang suak gilopa, mi genhak tak ka hi ah, ka koi lo na’le ka lâk sek ah, ka tu’ lo na’le ka ât sek hi ti la het leh;

LUKA 6:37

Mi gensia kiu in, tichun, gensiat in um pua’n lau; mi thiamlo chansak kiu in; tichun, thiamlo chang pua’n lau; ngaidam un, tichun ngaidam in um in lau.

ROMTE 14:22

La ginna nei chu Pathian ma-âng in nang bep het in nei mai in. Ama phatsakna, thiamlo kichan lo mi chu mi hampha ahi.

ROMTE 2:2

Ahi’n, zia tawhbang thil gilo bawlte chung ah chun Pathian in thutak in vai hun hawm ngei ngei ding ahi, ti I hiatsau ahi ngal a.

ROMTE 2:3

Ziaziakchun, aw nang mihing, nangma zia gual thil bawlsekte awimaw sekpa chun, zia gual ma chu la bawl leh, Pathian vaihawmna chu pumpel diak dingin la kigingcha a hem?

ROMTE 3:9

Ahileh, amau sâng in I phazaw diak ua a hem? Hilo e! Judate leh Grikte chu siatna suak ah um chiat a hiu ti tu’masang ah khanle I ngaw tau kha lam.

ROMTE 9:20

Himaleh, a dik tak in, aw mihing, Pathian nial chu kua la hia hem? Thilsiam in ama siampa kiang in, “Bang a tia zia gual ah hi lei siam a hem?” tiding a hia hem?

1 KORINTH 4:5

Chutichun, a hun masang in bangma genchian kiu in; Lalpa chun thim ah thil sêlgukte chu vâk ah hun tâkdok intin, lungthim ah tupnate le hilang in a. Ziaphat chuleh, mi zosia’n Pathian ah kipat pakchak law chiat ta’n au.

1 KORINTH 7:16

Aw ji, la pawsal la hukhin leh hukhin lo ding la hia a hem? Aw pawsal, la ji la hukhin leh hukhin lo ding la hia a hem?

JAKOB 2:20

Nang mingol, nasep neilo ginna chu bangma ei puai, ti la he nuam em?

JAKOB 4:11

Suapite haw, kigensiatua kiu in. Kua’n le a suapi a gensiat a hem, a vaihawm khum a hem chun, dan chu a gensia’n, a vaihawm khum ahi; dan chu la gensiat chun dan zuitu la hita pua’n, vaihawmtu la hizaw ahi.