ROMTE 13:9 - PATHIAN LEKHABU THIANGTHO (BSI)

⁹ “Ângkawm kin, Tual that kin, Gu kin, Êng kin,” ti leh thupiak dang um nalai him himte hi, “Nangma la kihepi gual in la vêngte hepi in,” ti hin a khaikhawm suak tai.

ROMTE 13:9 ပူးပေါင်းရင်းမြစ်များ

THIAMPUTE LEKHABU 19:18

Phuba him him la lâk lo ding uh ahi, la mipite lak ah le thangsiatna gûk la vop him him lo ding uh ahi: Nangma la kihepi gual in la Invêngte la hepi ding a hizawi: Keima hi Lalpa chu ka hi.

THIAMPUTE LEKHABU 19:34

Nanghaw le Aigupta gam ah malzin ah um la hi tâk ziak un, la chênkhawmpiu gam dang mite chu, la lak ua piang gual tuk ah a um ua, nangmau la kihepi gual ua la hepi ding uh ahi: Keima hi Lalpa la Pathian uh ka hi.

MATTHAI 22:39

Chuleh, a kibatpi zia hi ahi, nangma la kihepi gual in la vêngte la hepi ding ahi, ti hi.

MARKA 10:19

Thupiakte la he a pom: Tual that kin, ângkawm kin, Gucha kin, Hiatpitu dik lo in pang kin, Mi dawha bawl kin, La nu leh la pa ja in, ti te hi,” a tia.

MARKA 12:31

A zaw ah zia hi ahi: ‘Nangma la kihepi gual in la vêngte le la hepi ding ahi,’ ti hi. Ziate sâng ah thupiak thupi zaw him him a um puai,” ti’n a dawnhu a.

LUKA 10:27

Ama chun, “Lalpa la Pathian chu la lunggil zosia leh, la hatna zosia leh, la lungthim zosia’n la hepi ding ahi; chuleh, nangma la kihepi gual in la Invêngte le la hepi ding ahi, ti ahi,” a tia.

LUKA 18:20

Thupiakte kha la hia’i, ‘Ângkawm kin’ ‘Tualthat kin,’ ‘Gucha kin,’ ‘Hetpitu dik lo in pang kin,’ ti leh, ‘La nu leh pa ja in,’ tite hi,” a tia.

GALATIA 5:13

Nanghaw, suapite haw, suak hilo ding ah ko la hiu a; himaleh, suak la hi’lonau chu taksa â ding ah lemchâng in mang kiu inla, hepina’n na kisep tua piak chiat zaw tau in.