ROMTE 13:4 - PATHIAN LEKHABU THIANGTHO (BSI)

⁴ Amau chu nangma phatna ding ah Pathian nasem ah pang a hiu. Himaleh, thil gilo chu la bawl leh vang, lau mai in; ama chun chemjam chu a mawk choi ahi puai; ama chu Pathian nasêm ahiziak in, thil gilo bawlte chung ah lungnatna phuba la ding chu ahi ngal a.

ROMTE 13:4 ပူးပေါင်းရင်းမြစ်များ

1 LENGTE 10:9

La chung ah kipak ah Israel lalchutpha hun chutsakpa, Lalpa la Pathian chu pâk in um ta hen! Lalpa chun Israel kumkhua a hepi ziakin, diktatna leh thutanna bawl dingin, nang leng in a hun siam ta ahi,” a tia.

2 KHANGTHU 19:6

zia vaihawm ding ah a guatte kiangah chun, “La mawpuaknau hi ngaitua phau in, mihing thasâng ah vaihawm hilo in, Lalpa thasâng ah vaihawm ah pang la hiu ti ngaitua zing unla; ama chun la vaihawmnau ah hun umpi zing ahi.

THUPILTE 16:14

Lengpa siatsona chu thizin kona a suak sek in; mipil taphot in thêm dai sek in au.

THUPILTE 20:2

Lengpa lungnatna chu sakeibaknei kitum gual ahi’n; kuale a chok lungna taphot chun a hinna chân in a.

THUPILTE 20:26

Leng chingthei chun migilote chu, busi thît gual in a thît thiang in; gawtna kângtalai keng chu a chung un a lîk hi.

THUPILTE 20:8

A thutanna lalchutpha kichu lengpa chun, mi phalo zosia chu a jap mang sek hi.

ISAI 1:17

thilpha bawl zil un; vaihawmna dik hawl unla, tawden ah umte hukdok unla, nauchagate hûk unla, meithâite genpi un.

JEREMIAH 5:28

a hung thau un, a hung zol tau hi. Nunsia tak ah thilbawl a chintawk a nei puau a; nauchagate a hung phat theina ding un, dik tak in vai a hawm puau a; mi tasamte a panpi puau hi.

EZEKIEL 22:27

A sung ah vaihawm hotute chu, ngei sane lai gual chu a hiu a; thisan a suau ah, diklo tak ah lawkna hawl in mi hinna a lau hi.

EZEKIEL 25:14

Edomte chung ah phuba chu ka mipi Israelte khut in la ding ka hi; tichun, a chung ua ka lungnatna leh ka thangtawmna dungzui in Edomte chung ah bawl ta’n au; chuleh, phuba ka lâk ahi ti le he ta’n au, tin Lalpa Pathian in a gen tai, ti in.

MIKAH 3:9

Nanghaw Jakob Inkuan ah hotute leh, Israel Inkuan ah vaihawmte haw, vaihawmna dik zosia ki’dak ah, dikna zosia bangmalo ah koite haw, zia thu hi a la ngai un.

ROMTE 12:19

Doitakte haw, bangtik lai inle phuba la kiu in, Pathian lungnatna awt zawu in. “Phuba him him keima lâk ding ahi, keima’n thuk na’ng ka, Lalpa‘n a tii,” ti zik ahi ngal a.

ROMTE 13:6

Ziaziak tak ah hin Sia le la pesek uh ahi. Zia thilte sêm ding ah chun Pathian nasem ahi ngal un.

1 THESSALONITE 4:6

zia thu ah chun kuama’n chawnvâl in a unau chung in thil phalo bawl ki’hen; Lalpa chu zia gual ah bawlte chung ah phuba la sek ahiziak in, ka hun hillawk un, ka hun hiatsak zo tau hi.

JOSHUA 20:5

Chun, thisan phuba la ding pa chu a hung leh, a Invêngpa chun tu’ma lam ah huatna guk a la neisa hilo ah, chanpal ah a la thalup khâk ahiziak in, a khut ah chun a piakdaw lo diu ahi.

JOSHUA 20:9

Zia khuate hi Israelte zosia leh a lak ua nam dang mi, a chêngdente lak ah kua’n le chanpal ah mi a thalup khâk ua leh a tai lut ua, mipite ma-âng ah vaihawm piak ahi masangsiau, thisan phuba la dingpa khut ah kipat a thi lona ding ah, a tai lut theina ding ah kiguatte chu ahi.

1 PETER 2:14

thil hi’khialte gawt ding leh thil hi’phate pâkcha ding ah guat sawn gam vaipawte kiang hitaleh.