ROMTE 13:1 - PATHIAN LEKHABU THIANGTHO (BSI)

¹ Mitin a chung ua thuneite thunuai in um chiat uh hen, Pathian ah kipat longal kuama thunei in a pang ngai puau hi; thuneite hi Pathian guat a hiu hi.

ROMTE 13:1 ပူးပေါင်းရင်းမြစ်များ

SAM 62:11

Pathian in khatvei a gen ah; zia chu nivei ka he ta’n: thuneina chu Pathian â ahi’n,

THUPILTE 24:21

Ka cha, Lalpa leh lengpa chu lau inla, a kua zawk thu chule nial kin;

DANIAL 2:21

Ama’n hun leh hunbîte a sudanglam ah, lengte a paitha’n, lengte a tungding hi; mipil kiang ah pilna a pia’n, hetthiamna neite kiang in hetna a pia’i.

DANIAL 4:17

Zia thu hi mi thiangthote thupukna dungzui ah, vêngtute thupuan chu ahi; tichun, Hatchungnung pen in, mihingte lenggam zosia chung in thu a nei hi; ama’n a nop tapote â dingin lenggam a pia, mi niampente chule a chung un a koi sek hi, ti hi mi zosia’n a hiattheina ding un,’ ti’n a hung kiko tai.

DANIAL 4:32

Mihingte lak ah kipat in nawdaw in um in la tin, gamlak ah ganchate tawh tat khawmsak hiding la hi. Hat Chungnung in mihingte lenggam zosia chung in vai a hawm in; a nop nopte kiang in lenggam a piak sek ahi, ti la hun hetdaw kit masangsia’n, hun sagi sung bawngchalte gual ah hampa nêksak ah hung um ding la hi tai,” a hun tia.

MATTHAI 6:13

Gilo ding ah thepna hun in ei puilût kin la, gilo lak in ei hukdok zaw’n: Gamte, thil hi’theinate, lopinate, kumtuang in nang â ahi, Amen,” ti in.

JOHAN 19:11

Jesu’n a dawnhu, “Chunglam ah kipat piak la hilo leh ka chung thu hin bangma thu nei thei pua’n la; ziaziakchun, la khut ah ei pedokpa chun gitlona a nei lian zawi,” a tia.

NASEPTE 2:41

Tichun, a thugen pomte chu a baptis tau a; zia ni chun mi sâng thum vêl belap in a um ui.

ROMTE 12:21

Gitlona thatzaw in um kin la, phatna’n gitlona chu thazo zaw ta’n.

ROMTE 13:2

Ziaziakchun, kuale a chung ah thuneite dodâl chu Pathian namdetna dodâl a hiu; zia gual ah dodâlte chun amau â ding ah thutanna kihawldaw bep in au.

EPHESA 5:21

Khrista la jana ziak un, nanghaw le kilutcha tua chiat un.

DAN LEKHABU 17:12

Chuleh, Lalpa la Pathian un nasem ding ah a guat chuam thiampu leh vaihawmte thu mang nuam lo taphot chu, la tha ngei ngei ding uh ahi. Israelte lak ah kipat thil phalo chu zia gual chun la zen thiang sek ding uh ahi.

1 TIMOTHI 2:2

lengte leh thuneina sâng tak neite â dingin tawh: Tichun, Pathian ngaisak leh za tak ah, thamuang tak leh kicham dial ah vai a hawm theina ding un.

TITA 3:1

Kuale a chung ua vaihawmte leh thuneite nuai ah kitulut ding leh, thumang ding leh, napha taphot sêm ding ah kisazo ding leh,

JUDA 1:8

Zia gual ma chun, amau hinle a taksau chu a hibuak un, thuneina musit in, a lopi tak takte haw chu a gensia sek ui.

THUPUAN 1:5

Jesu Khrista, hiatpitu ginum leh, mithite lak ah suakdok masa pen leh, lei ah lalte vaihawm piak ding pa ah kipat chun, hepina leh chamna la chung un um ta hen.

THUPUAN 17:14

Amau chun Belamno chu do intiu in; himaleh, Belamno chun amau chu zo in a; lalte Lal leh hotute Hotu ahi ngal a; tichun, a ko te leh a têl te leh ginumte chu a kiang ah chun um ta’n au, a tia.

THUPUAN 19:16

A puan chung leh a malpi chung in min a kizik a, “LALTE LAL LEH HOTUTE HOTU,” ti in.

1 SAMUEL 2:8

Chaga chu leivui lak ah kipat in a kaitho in, mi tasam chu leivui lakah kipat dom sâng in, leng chate lak in a kichutsak in, lopina chutpha a luasak hi. Lei kingakna khuamte chu Lalpa â a hia, khawvel chu a chung un a nga ahi.