A kam chu bawngnawi khal sâng in a zol zaw’n; a lunggil un vang do lung a pu zing ui; sathau sâng ah zol zaw’n thu a gen un, ahi’n, chemjam jukdoksa a hiu.
Mipite chu hung khawm in, la kiang in la mipite a hung chukhawm un, la thugente chu a ngai un, himaleh, a zawm diak puau hi. A kam un pâkcha maleu, a lungthim un vang amau lawkna ding bep a ngaituau hi.
Gitlona huau inla, phatna ngaina tau in; kul kotbul ah vaihawmna dik din tau in; Joseph Inkuan a um nalai sunte chung ah Lalpa, sepai honte Pathian chun lungsiatna a hun nei khâk leh.
Dikna chu la ngaina hen, diklona chu la hua ahi; ziaziakchun, Pathian, la Pathian in, “Kipakna sathau chu la gualte sâng ah chungnung zaw’n a hun mu tai,”
Chung lam ah kipat pilna hung suk chu vang, a masa’n a thiangtho ah, kicham a nuam ah, a nunnem ah, a thunung thei ah, hepina leh ga pha’n a dim ah, doichuamna leh dawha him him panglo ahi.