ROMTE 12:2 - PATHIAN LEKHABU THIANGTHO (BSI)

² Zia khawvel dan gual ah hin um kiu inla, Pathian doi gual, a pha leh pom tâk leh a bukim chu la hettheina ding un, la lungthim uh siamthak ah um in, hung danglam zaw tau in.

ROMTE 12:2 ပူးပေါင်းရင်းမြစ်များ

EZRA 10:11

Tu’hin, la pu leh pateu Pathian, Lalpa kiang ah thupha chawi unla, a lung lam bawltau in; gam sung ah mite leh nam dang mi la jiteu lak ah kipat kikoi thiangtho tau in,” ti’n a gen a.

SAM 119:103

La thute hi a thum na lawm lawm e! Ka kam â dingin khuaizu sâng in a thum zawi!

SAM 119:128

La dan thute dungzui in kãl ka suan hi; umdan diklo zosia hi ka hua ahi.

SAM 119:174

Aw Lalpa, la hukdamna chu ka thangai hi, la dân chu ka kipakna ahi.

SAM 119:72

Sana leh dangka sâng tam tak sâng in, la kam ah dan pawtte hi kei â dingin a phazawi.

SAM 119:97

Aw, la dan ka ngaina na lawm lawm e! Sun nitum ah ka ngaitua pen chu ahi.

SAM 34:8

Aw, Lalpa phat dan chu tep in hechian ma tiam un; ama bêlte chu mi hampha a hiu.

SAM 51:10

Aw Pathian, keima ah hin, thinlung thiangtho siam inla; ka sung hin thagau thak leh dik koi ta’n.

PAWTDAWNA THU 23:2

Thil diklo bawl dingin mi a tam lam lam la mawk zui lo ding ahi; mi kinialna hiatpitu ah la pan phat leh, a dik lai thiam lo chansak dingin a tam lam lam in pang ziang kin la;

EZEKIEL 18:31

Ka chung ah la thil bawlkhial zosiau haisan unla, lunggil thak leh thagau thak kilâk lût chiat tau in! Aw Israel Inkuante haw, bang ding ah thi laizang ding la hiu em?

EZEKIEL 36:26

Lungthim thak hun pia’ng ka tin, la sung ah thagau thak hun koi ta’ng ka; nangma taksa ah kipat suang gual ah tâk lungchang chu ladok ing ka tin, phe gual ah nêm lungchang khat hun pia ta’ng ka.

MATTHAI 13:22

Chuleh, hampa lingnei lak ah kekte chu: Thu chu he tangal ah, khawvel lungkhamna leh hausaknate etlâna ziak ah, a hetnau suktâk ah um ah ga theilo te chu a hiu.

MARKA 4:19

himaleh, khawvel ngainatnate, hausak nopnate, thepnate leh thil dang dang ah nopnate a hung lut phat leh ga sua zo lo in a um ta sek ui.

JOHAN 14:30

Tu’khêl vang la kiang un thu tampi gen ta pua’ng ka; zia khawvel vaihawmpa hi a hung tâk ziak in; ahi’n la, ama chun keima chung in thu neina a nei puai.

JOHAN 15:19

Nanghaw khawvel mi hileuchin, khawvel in ama mite chu hepi in a; khawvel mi la hita pawngal un, khawvel ah mi ka têldaw la hizawu ah, ziaziakchun, khawvel in a huat la hiu.

JOHAN 17:14

Keima’n la thu a kiang un ka pia ta’n, keima khawvel ah mi ka hi’lo gual ma’n, amau hawle khawvel ah mi a hi’lo ziak un, khawvel in amau chu a haw tai.

JOHAN 7:7

Nang uh khawvel in a hun hawthei pua’n, keima ka hileh chu ei huau ahi, a thil phalo bawlteu a phatlo dan ka gendaw piak ziakin.

ROMTE 12:1

Chutichun, suapite, Pathian jangaina ziakin, kithoina hing leh thiangtho leh, Pathian pomtâk dingin la taksau chu kilân dingin ka don la hiu, zia chu thagau lam ah la biakna dan ding him uh ahi ngal a.

ROMTE 13:14

Lalpa Jesu Khrista ah chun kithuam zawu inla, taksa utna te pitin dingin bangma bawl kiu in.

ROMTE 7:12

Ziaziakchun, Dan chu a thiangtho ah, thupiak chule a thiangtho ah, a dik ah, a pha ahi.

ROMTE 7:14

Dan chu Thagau lam thil ahi ti I hiau ah, himaleh, keima hi taksa mi, gitlona nuai ah khotdawsa ka la hi tai.

ROMTE 7:22

Ka mihing sung lam ah hin Pathian dan zui ka thatnoppi ma ma sek a;

1 KORINTH 3:19

Zia khawvel pilna hi Pathian ngai in ngolhuai tak ahi ngal a: “Ama’n mipil chu a dawha thûknau in a man sek hi,” ti zik gual in.

2 KORINTH 4:4

Khrista Pathian kibatpi, a lopi dan chanchinpha vâk in a salvâk theilona dingin, amau chu ahileh zia khawvel pathian hin ginglote lungthim chu a sukthûm piak ahi.

2 KORINTH 5:17

Zaziakchun, kuale Khrista ah a um chun thilsiam thak a hung hi tai; thil luite chu a bei ta’n, en tiam un, thil zosia a hung thak kit tai.

GALATIA 1:4

Ama chun I Pathian leh I Pau doigual ah, tu’lai khawvel gilo tak lak ah kipat ei hukdaw theina dingin, I gitlonateu ziakin ama ngei chu a hung kipiak tâk ziak in,

EPHESA 1:18

Chutia, la lungthim mitteu chu hi’vâk a hung hi ah, la hettheina ding un, ama kona kinepnate, mi thiangthote golua ding a lopi dante,

EPHESA 2:2

malai khan zia khawvel dan gual hin la um un, beingawn ah thuneina lal, thu awilo chate sung ah sêm zing pa thagau dan gual ah chun la um ui.

EPHESA 5:17

Ziaziakchun, ngolhuai tak in um kiu inla, Lalpa lung lam chu hawl in hiatthiam gaw zawu in.

KOLOSSA 1:9

Ziaziakchun, ka het niu ah kipat kei unle nang uh â ding ah pauchap leh dot piak ka hai nai puau hi; thagau lam pilna leh hetna zosia, a doilam hetna hi’dim ah la hung umtheina ding un.

KOLOSSA 3:10

Mihing thak ah chun la kivan tau ah, zia mihing thak chu het bukimna nei dingin, a siampa tawh kipua ah siamthak ahi.

KOLOSSA 4:12

Epaphras, la lak ua mi, Khrista Jesu suak hin chibai a hun bûk hi; Pathian dawi gual taphot ah, piting leh muan um tak ah la dindet theina ding un, pauchapnate’n a pang sek hi.

1 THESSALONITE 4:3

La thiantho ua, tatsual la kisûm uh hi Pathian lung lam ahi.

TITA 3:5

dikna lam ah I nasep dawteu ziak hilo in, tui ah silthianna leh Thagau Thiangtho ah siamthakna chun a jangaina dungzui in ei hukhing ta.

JAKOB 1:27

Pathian leh Pa mit mu ah sakhaw thiangtho leh sukbuak lo chu zia hi ahi: nauchagate leh meithâite a genthei lai ua kanthâk leh khawvel kisukbuak sak lo hi ahi.

JAKOB 4:4

Ângkawmte haw! Khawvel tawh kijawlna chu Pathian mêlma hi’na ahi ti la hepuau em? Ziaziakchun, kuale khawvel tawh kijawl nuam chu Pathian mêlma a hisek hi.

1 PETER 1:14

Cha thumangte gual in, la hetlo lai ua la nopnateu ah um talo in;

1 PETER 1:18

La pu leh pateu hun piaksawn, umdan phachuamlote ah kipat thil sethei, dangka leh sana ah tat la hi puau a,

1 PETER 2:3

Lalpa phatna chu la tep tangal un.

1 PETER 4:2

Tichun, tu’nung ah taksa ah um lai sia, mihing nopna lam ah um talo in, Pathian doilam in a um ta ahi.

2 PETER 1:4

Ziate ziak ah chun a thutiam lûl leh lopi takte chu ei pia’n; chutichun, nopna ziak ah khawvel ah siatna hung um hi taisan in, zia thutep lûl leh lopi takte ziak ah chun, Pathian nunchan kikoppi thei in lau.

2 PETER 2:20

Lalpa leh Hukdampa Jesu Khrista a het ziak ua khawvel buaknate a taisan nung un, zia ma chun a kihên awk kit ua, thatzaw ah um kit in, a umdan nunung uh chu a masa sâng in a sia zaw tai:

1 JOHAN 3:13

Suapite haw, khawvel in a hun huat hi maksa kiu in.

1 JOHAN 5:19

Pathian chate I hiu ti leh, khawvel pumpi hi migilopa thunuai ah um ahi, ti I hiau hi.

THUPUAN 12:9

Dragon lian, zia gulpitêk Diabol, Setan kiti, khawvel ah mi zosia thêmpa chu lei lam ah a nawtha tau a; chuleh, a sepaite le a nawtha khawm tau hi.

THUPUAN 13:8

Khawvel siamtil ah kipat tha’sa, Belamno hinna Lekhabu min kikhum lo tapo leh, lei chung ah um zosia chunle ama chu hun be ta’n au.