ROMTE 10:4 - PATHIAN LEKHABU THIANGTHO (BSI)

⁴ Kuale a ging tapo chun Pathian dikna chu a chan theina ding un, Khrista chu dan suktawpna a hung hita ahi.

ROMTE 10:4 ပူးပေါင်းရင်းမြစ်များ

ISAI 53:11

A thokgimna kipat in vâk mu’n a; a hetna ziakin lungkimna nei ta’n a. Mi diktat, ka nasêmpa chun, mi tam tak diktatsak intin, a dukdaklo’nau zosia ama’n paw ta’n a.

MATTHAI 3:15

Himaleh, Jesu’n a kiang in, “Tu’hin ei chansak mai in, zia gual ah dikna dan zosia sukbukim hi I bawl dingin a kilawm hi,” ti’n a dawnhu a; tichun lem a sa tai.

JOHAN 1:17

Mosi mang in Dan thupiak ahi’n; himaleh, hepina leh thutak chu Jesu Khrista ah chun a hung um tai.

ROMTE 3:22

Zia chu Pathian dikna, Jesu Khrista ginna ziak ah ama taksang tapote kiang ah suklat ah um chu ahi; kuama khenchuamna a um pawngal a;

1 KORINTH 1:30

Nanghaw vang ama ziakin Khrista Jesu ah chun la um un; ama chu Pathian kiang ah kipat ei uh â ding ah pilna, dikna, sukthianthona leh tatna ah siam ahi.

GALATIA 3:24

Chutichun, ginna ziak ah thiam I chan theina ding un, dan chu Khrista kiang lam ah ei la kaihuaipa chu a la hi.

GALATIA 4:5

Cha hi’na I chan theina ding ah, dan nuai ah umte tandok dingin.

KOLOSSA 2:10

Ama ah chun la bukim tau a; ama chu thuneina leh thilhitheina zosia luchang ahi.

KOLOSSA 2:17

Zia haw chu thil hung tung dingte lîm ahi; a tak vang chu Khrista ahi.

HEBRAITE 10:14

Thillat pakhat mai in sukthianthote chu kumtuang â dingin a hi’bukim tai.