ROMTE 10:3 - PATHIAN LEKHABU THIANGTHO (BSI)

³ Pathian ah kipat dikna ngaisak lo in, amau dikna bep sukdetna ding hawl in, Pathian dikna chun a kipelut diak puau hi.

ROMTE 10:3 ပူးပေါင်းရင်းမြစ်များ

NEHEMIAH 9:33

ka chung ua la thil hun tunsak zosia ah hin nang chu la dik ah, nang in dik tak in la bawl hi; kei un vang nunsia tak in ka la bawl zo tau hi;

JOB LEKHABU 33:27

Zia mipa chun midangte kiang in, “Ka la bawl khial ta’n, a dik chu ka la pêt mangsan ta’n; ahi’n la, thuk in ka um puai.

SAM 71:19

Aw Pathian, la thilhitheina leh, la dikna chun vante a tung hi. Aw Pathian, nangma, thil lopi takte bawlpa; nangma gual hi kua a hem um ngai?

ISAI 51:1

Nanghaw dikna del ah, Lalpa hawlte haw; ka thugen hi a la ngai un. Khuak daw ah la umnau suangpi en unla, chawdaw la hi’nau khûk chu en un.

ISAI 51:6

Khawdak in vante en to unla, nuai lam ah lei hile en suk un; vante chu meikhu gual in mangthai intin, lei hile puan gual in hung chul ta’n tin, a chung ah chêngte chule thovai gual in, hung thi zo ding ahi ngâl un; maleh, ka hukdamna chu kumtuang in um zing intin, ka tatdawna chun tawp ni nei pua’n a.

ISAI 51:8

Nget in puan gual in ne zo intin, lung in samul a nêk zaw gual hiding ahi ngâl un. Himaleh, ka hukdamna chun kumtuang dai intin, ka hukdamna chun suan zosia tiang dai in a.

ISAI 56:1

Lalpa chun zia gual hin a gen a: Thu dik in vaihawm unla, dik tak in bawl un; ka hukdamna chu hung tung pai ta’n tin, ka hukdawna chule hung kilang pai ziang ding ahi ngal a.

ISAI 57:12

La diknau leh la thil bawlteu hun tâklang ding ka hi; maleh, ziate chu phachuam pua’n a.

ISAI 64:6

Kei haw vang mi buak tawh bang ka hung hitau in, ka thil dik bawl sun uh chule, puannên ki’dak um tak gual bep ahi tai. Thingdua vuai gual in ka chuai tau ah, ka khawlonau ziakin hui in a tawma’n gual in, tawmang in ka um gam tau hi.

KÂ LATE 3:22

Lalpa ngilnei hepina chun tawp ni a nei pua’n, a ja’ngaina chunle tawp hun a nei diak puai;

DANIAL 9:24

Bawsiatna sukbutinna ding, gitlo’na sukbeina ding, bawlkhialna thoidamna ding, kumtuang ah dikna lâklutna ding, kilâkna leh thugenlawkna tepte’na ding leh mun thiangtho pen sathaunu’na ding in, la mipite leh la khawpi thiangtho chung ah hapta sawmsagi sung guat ahi.

THIAMPUTE LEKHABU 26:41

ke’nle amau ka la do zing ah, a mêlmateu gam ah ka la puinateu, chuti nung ah le a lungthim bil viloteu a khiak niam ua, a gitlonateu ziak ah ka gawtnate a hetthiam phat ua leh,

LUKA 10:29

Himaleh, ama leh ama thiam kichan gua’n Jesu kiang in, “Ka Invêngte chu kuate a hiu em?” ti’n a dong a.

LUKA 16:15

Ama chun a kiang un, mi mit mu ah thiam kichan mai la hiu a, ahi’n la, Pathian in la lungthim uh a he nai; mihing lak ah choisa’n ah la umnau hi, Pathian mit mu in ki’dak um tak ahi.

ROMTE 1:17

Zia chun, Pathian dikna chu ginna ah kipat ginna ma ah taklat in a hung um tai: “Midik chu ginna’n hing in a,” ti zik gual ah khan.

ROMTE 10:2

Pathian â ding ah phatchuam ngaina chu a nei ui ti vang ka hia’i; himaleh, hetna dungzui in vang ahi puai.

ROMTE 10:20

Chun, Isai in hangsan tak in, “Ei hawllote mu in ka um a, ei kanlote chu ka kimusak tai,” ti in.

ROMTE 11:7

Bangti’n a hita diam? Israel mite chun a hawl uh chu a mu ta puau hi. Têlte vang chun a muu ah, a dang zosia chu a ngong zo tau a;

ROMTE 3:22

Zia chu Pathian dikna, Jesu Khrista ginna ziak ah ama taksang tapote kiang ah suklat ah um chu ahi; kuama khenchuamna a um pawngal a;

ROMTE 3:26

ama chu a dik in, Jesu ginna nei mi chu thiam a chansak hi, ti a kichetna dingin.

ROMTE 5:19

Mi pakhat thu awi lona ziak ah khan mi tam tak migilo a hung hi tau a; zia gual ma chun, mi pakhat thu awina ziakin mi tam tak chu midik hung hi’n au.

2 KORINTH 5:21

Ama ah chun Pathian dikna I hi’theina ding un, gitlo him him helo chu Pathian in ei uh ziak in gilo in a siam tai.

DAN LEKHABU 6:25

Ama thu ei piak gual ah, Lalpa Pathian ma ah ei thupiak zosia gunchu tak ah I zop uh chun, ei uh chu a dik hiding I hiu,” ti’n a hil tai.

PHILIPPI 3:9

Ama ah ka umtheina dingin; dan thu lam ah keima dikna hilo in, ginna ah kinga Pathian ah kipat dikna um chu nei zaw’n.

2 PETER 1:1

Simon Peter, Jesu Khrista suak leh nungzui hin, Jesu Khrista I Pathian leh Hukdampa dikna ziak ah ginna man tam tak I chan gual changte kiang in: