ROMTE 10:1 - PATHIAN LEKHABU THIANGTHO (BSI)

¹ Suapite, amau â ding ah ka lungtup pen leh ka pauchapna pen chu, hukdam ah a umna ding uh ahi pen hi.

ROMTE 10:1 ပူးပေါင်းရင်းမြစ်များ

PAWTDAWNA THU 32:10

tu’hin, ei thathawt inla, a chung ua ka lungnatna a hung kitongkhong ah, amau haw ka katmang vek theina dingin; nang la hileh vang nam lian tak in hun siam na’ng ka,” a tia.

PAWTDAWNA THU 32:13

Abraham, Isak leh Israel la suakte kiang ah nangma ngei in kihaksial hial ah a kiang ua, ‘La suanteu chu van ah aksi jat in hun hipung ing ka tin; chuleh, zia gam, nang uh â ding ah ka pautiamna gam hi la suante kiang ah pia’ng ka tin; amau in zia gam hi kumtuang in lua ding a hiu,’ la ti haw kha gêldok kit in,” a tia.

JEREMIAH 17:16

Himaleh, nang â ding ah belampu ka panna kipat in, ka tai mang pua’n, a siatna ding uh ni chu, hung tung leh le ka ti diak puai. Ka kam ah bang gual thu hung pawt ahi em ti ka hia’n; la mit mu in a kichian ngâl a.

JEREMIAH 18:20

Thilpha lai chu a phalo ah thuk ding a hem? Ahi’n la, ka kiaklutna dingin, lei a chokuak ta’ngal un. A chung ua la lungnatna la lâk mang theina dingin, la ma-âng ah hung dingin, a phatna ding uh ka la gen sek dante kha hezing in.

LUKA 13:34

Aw Jerusalem, Jerusalem, jawlneite that ah, la kiang ua hun kisawlte suang ah sep sekte haw! Akpin a note a tha nuai ah a awp khum gual in, la chate tamvei tak awp khum ka nuam in; himaleh, la nuam puai!

JOHAN 5:34

Himaleh, mihing thu hiatsak ka kipakpina le a hipua’n, hukdam ah la um theina ding uh ka ti a hizawi.

ROMTE 10:2

Pathian â ding ah phatchuam ngaina chu a nei ui ti vang ka hia’i; himaleh, hetna dungzui in vang ahi puai.

ROMTE 9:33

“Ngai in, Zion ah kipalna suang leh, dâlna suangpi ka koi in, kuale ama ging tapo chu mualpho pua’n au,” tia kizik gual khan.

1 SAMUEL 12:23

Kei ka hileh chu, nanghaw â ding ah pauchap haisan in Lalpa chung ah gitlo bawl pua’ng ka tin; chuleh, lampi dik leh pha chu hun hil zing ding ka hi.

1 SAMUEL 15:11

“Leng ding ah Saul ka la guat hi ka kisik hi, ka thupiakte zui lo hial in ei kinungheisan ta’ngâl a,” a tia. Samuel chu lungna tak kawm in jankhua’n Lalpa chu a ko ta ahi.

1 SAMUEL 15:35

Samuel in Saul chu a thi ni tilo in a mu kha kit ta pua’n; himaleh, Saul chu Samuel in a sûn ma ma hi. Chun, Israelte chung ah leng hiding ah Saul a la siam ziakin Lalpa chu a kisik ma ma tai.