ROMTE 1:9 - PATHIAN LEKHABU THIANGTHO (BSI)

⁹ A Chapa chanchinpha nasepna ka thagau zosia ka panna Pathian chu ei hiatpitu ahi; tichun, ka pauchapna ah chun hemil lo in la min uh ka sua zing sek a.

ROMTE 1:9 ပူးပေါင်းရင်းမြစ်များ

JOB LEKHABU 16:19

Tu’hin ei hiatpipa chu van ah a um in, ei panpitu chu vansâng tak ah um ahi.

MARKA 1:1

Pathian Chapa, Jesu Khrista chanchinpha kipatna;

LUKA 18:1

Chun, lungke lo hial ah pauchap ding ahi dan hilna dingin, zia tekhinthu hi a gen a:

NASEPTE 12:5

Peter chu suangkul ah a um lai in, kochuamte’n ama â dingin phatchuamngai tak in Pathian kiang in a la pauchap piak tau a.

NASEPTE 19:21

Zia nung ah chun, Paul in Thagau pui ah Makedonia leh Akaia gam chu taw suak phot ah, Jerusalem chia ding a lung gul a. Ama chun, “Zia chu ka chia zaw tak leh Rom khua le chia ding ka hi,” a tia.

NASEPTE 24:14

Ahi’n, tu’hin, zia hi la kiang in ka puang ahi: Dan leh Jawlneite lekhabu ah kizikte kha ka gin ziakin, I pu leh pateu biak Pathian chu bia’n, amau in a diklo ah a ngai uh, zia Lampi hi ka zui ahi.

NASEPTE 27:23

Tu’jan ngei ah khan, ka Pathian leh ka ho sekpa vansawlchâk ka kiang in a hung ding a,

NASEPTE 3:26

Pathian in a suak chu a tundaw lai in, la bawsiatnateu la hun haisan ua, a hun maljawl kit theina dingin, nanghaw kiang in a hun sawl masa ahi, ti’n a gen a.

ROMTE 9:1

Khrista ah chun thutak ka gen ahi, juau ka gen puai; ka sia leh pha hetna hin Thagau Thiangtho ah chun ei hetpi ahi.

2 KORINTH 1:23

Ka hinna chung ah hin ei hetpi dingin Pathian ka ko hi, nang uh hun subuai dingin Korinth ah ka hung talo ahi.

2 KORINTH 11:31

Lalpa Jesu Pathian leh Pa, (kumtuang in ama chu pâk in um zing hen!,) ama ah chun zuau ka gen puai.

GALATIA 1:20

La kiang ua thu ka zikte hi Pathian mit mu inle ka zuau puai.

EPHESA 6:18

Thagau ah chun pauchapna leh dotna zosia’n huntin in pauchap un. Zia ding ah chun, mithiangtho zosia â dingin phatchuamngai tak thuak zo tak ah don in hu’ngai zing un.

PHILIPPI 1:3

Nanghaw ka hetdaw phat si’n leh, ka Pathian kiang in kipak thu ka gen sek hi.

PHILIPPI 1:4

Nanghaw zosia â ding ah ka pauchapna taphot ah chun, lim tak in ka hun dot piak sek hi.

PHILIPPI 2:22

Himaleh, Timothi lûl zia tak, chapa’n a pa a seppi gual ah chanchinpha nasepna ah keima ei seppi dan la hiau hi.

PHILIPPI 3:3

Thagau ah Pathian ho in, Khrista Jesu kisuanpi ah, taksa ah kimuang lote hi zektan dik tak I hizaw ngal un.

1 THESSALONITE 1:2

Ka pauchapnateu in la min uh lam in, nang uh zosia ziakin Pathian kiang in kipak thu ka gen sek ui.

1 THESSALONITE 3:10

La mêl uh mu ah, ginna lam ah la tâksap awng uh ka huk piak theina ding un, sun leh jan ah pauchap in ka pang zing ui.

1 THESSALONITE 5:17

Chawl lo in pauchap un.

1 TIMOTHI 2:7

Zia ding ah chun thugen ding leh sawlchâk ding, (thutak ka gen ahi, juau ka gen puai,) ginna leh thutak ah Jentelte thu hil ding ah guat ka hi.

2 TIMOTHI 1:3

Ka pu leh pate’n a la ho gual un, sia leh pha thiang tak nei ah a na ka sep, Pathian kiang ah sûn leh jan ah ka pauchapnate ah chun nanghaw hun hezing in, kipak thu ka gen zing sek ahi.

PHILEMON 1:4

Ka pauchapnate ah chun la min lam zing in, ka Pathian kiang ah chun kipak thu ka gen sek hi.

1 SAMUEL 12:23

Kei ka hileh chu, nanghaw â ding ah pauchap haisan in Lalpa chung ah gitlo bawl pua’ng ka tin; chuleh, lampi dik leh pha chu hun hil zing ding ka hi.