ROMTE 1:7 - PATHIAN LEKHABU THIANGTHO (BSI)

⁷ Rom khua Pathian doichuam tak, mithiangthote hiding ah ko zosiate kiang a chun: Pathian, I Pau leh Lalpa Jesu Khrista kiang ah kipat hepina leh chamna la kiang un um ta hen.

ROMTE 1:7 ပူးပေါင်းရင်းမြစ်များ

SAM 60:5

La doisakte humbit ah a umtheina ding un, la khut changlam in zaw’na ei pia’n la, ei hun dawnhu ta’n.

SOLOMON LÂ 5:1

Ka huan ah ka hung hi, ka suapinu, ka lawmnu; ka murra tawh gimtuite tawh ka lakhawm ah, ka khuaiphâng ah khuaizute ka ne ta’n, ka uain tawh bawngnawi ka dawn tai. Gualte, hepina la kham hial masia ne’n la, dawn in!

KISIMNA LEKHABU 6:25

Lalpa‘n a mêlvâk hun latsak zing in, la chung ah ja’ngai hen:

MATTHAI 5:16

Zia gual ma chun, la vâk uh chu mite mit mu in vâk ta hen; tichun, la thil hi’phatteu chu mu’n, van ah la pau chu chawihoi thei in au.

JOHAN 20:17

Jesu’n a kiang in, “Ei tu kin, tu’tiang hinle Pa kiang ah ka kal to nai puai; himaleh, ka unaute kiang ah vachia’n la, a kiang un, ‘Ka Pa, la Pau, ka Pathian, la Pathian kiang un kal to ding ka hi, a tii,’ vati’n,” a tia.

NASEPTE 15:23

Zia gual hin lekhathot a zik tau a: “Keihaw, sawlchakte, upate leh unau umkhawmte hin, Antiok leh Suria leh Kilikia ah unau Jentelte chibai ka bûk ui.

NASEPTE 9:13

Ananiah chun, “Zia pa hin Jerusalem khua la mithiangthote bang gual bep ah a la bawlsia ahi tam ti thu, mi tam tak in ei hilnau ka la he ta hen;

ROMTE 1:6

Ziate lak ah chun nangmaule, Jesu Khrista’n a hun kote chu la hiu.

ROMTE 5:1

Ziaziakchun, ginna ziak ah thiamchang ah um in, I Lalpau Jesu Khrista jal in, Pathian tawh kicham in I um tau hi.

ROMTE 5:5

Zia kinepna chun ei mualphosak pua’n tin; Thagau Thiangtho ei piak chu mang in Pathian chun I lung sung ua hin a hepina chu a hun sung lut tangal a.

ROMTE 8:28

Pathian in a guat dungzui ah a kote, ama hepite â ding ah chun a phatna ding un thil bangkim a bawl piak sek hi ti I he ngal un.

ROMTE 8:39

sânna a hem, thûkna a hem, thilsiam dang him him inle I Lalpau Jesu Khrista ah um, Pathian hepina kipat chun ei khen zo pua’n a.

ROMTE 9:25

Hoshea lekhabu ah, “Ka mi la hi khalote chu ka mite hun ti ta’ng ka tin; ka hepi hilote chu hepite hun tiding ka hi.

1 KORINTH 1:24

Himaleh, Judate hi’n, Grikte hileule, ko ah umte â ding in Khrista chu Pathian thilhitheina leh Pathian pilna ahi.

1 KORINTH 16:23

I Lalpau Jesu hepina la kiang un um ta hen.

GALATIA 6:18

Suapite haw, Lalpa Jesu Khrista hepina la thagau kiang un um ta hen. Amen.

EPHESA 1:2

I Pau Pathian leh Lalpa Jesu Khrista ah kipat hepina leh chamna um ta hen.

EPHESA 6:23

Pa Pathian leh Lalpa Jesu Khrista ah kipat ginna, hepina leh chamna chu suapite zosia chung ah um ta hen.

DAN LEKHABU 33:12

Benjamin chung thu zia gual hin a gen a: Lalpa doichuam chu bit tak in chawldam hen la, sun nitum in Chung Pathian in ûm kîmvêl hen la; a doichuam chu a awmtâng ah chawldam tau hen.

PHILIPPI 1:2

I Pau Pathian leh Lalpa Jesu Khrista ah kipat hepina leh chamna la kiang un um ta hen.

PHILIPPI 4:13

Ei hi’hatpa Khrista jal ah chun bangkim bawlthei ka hi.

PHILIPPI 4:20

I Pathian leh I Pau kiang ah chun lopina kumtuang in um ta hen. Amen.

PHILIPPI 4:23

Lalpa Jesu Khrista hepina’n la thagau uh umpi zing ta hen. Amen.

KOLOSSA 1:2

Kolossa khua Khrista mi thiangthote leh suapi ginumte kiang in; I Pau Pathian kiang ah kipat hepina leh chamna, la kiang un um ta hen.

KOLOSSA 3:12

Chutichun, Pathian mi têl, mithiangtho leh doitakte gual in lainatna lungthimte, hepinate, kingaitawmnate, thunuaigolnate leh thok-hatnate chun kivan tau in;

KOLOSSA 3:15

Chuleh, Khrista lungmuanna chun la lunggil un vaihawm ta hen; zia gual ah chun um dingin taksa pumkhat ah ko la hi him uh ahi; kipakna châng he tau in.

1 THESSALONITE 1:1

Paul, Silvana leh Timothi in, Pa Pathian leh Lalpa Jesu Khrista jal ah Thessalonika khua kochuamte kiang in: Hepina leh chamna la kiang un um ta hen.

1 THESSALONITE 1:3

I Pa Pathian leh Pa ma ah chun, ginna ziak ah la thilhi danteu, hepina ziak ah la sepgim danteu leh, I Lalpau Jesu Khrista ah kinepna ziak ah la thok-hatnateu chu ka hezing ui;

1 THESSALONITE 1:4

suapi Pathian doitakte haw, a hun têldaw la hiu chu ka hezing ui.

1 THESSALONITE 4:7

A buak dingin Pathian in ei ko pua’n, thiangtho dingin ei ko zaw ahi.

1 THESSALONITE 5:28

I Lalpau Jesu Khrista hepina la kiang un um ta hen. Amen.

2 THESSALONITE 1:2

Pa Pathian leh Lalpa Jesu Khrista kiang ah kipat in, hepina leh chamna la kiang un um ta hen.

2 THESSALONITE 3:16

Chuleh, chamna Lalpa ngei chun bangtik lai inle, bang lam lam inle chamna hun pia ta hen. Lalpa chun la leng un hun umpi chiat ta hen.

2 THESSALONITE 3:18

I Lalpau Jesu Khrista hepina chun hun umpi chiat ta hen. Amen.

1 TIMOTHI 1:2

ginna ka chapa Timothi kiang ah: I pau Pathian leh Khrista Jesu I Lalpau kiang ah kipat hepina leh jangaina leh chamna um ta hen.

1 TIMOTHI 6:2

Chun, gingtu hotu ah neite chun unau khat a hung hi tâk ziak un ngainiam diak kiu hen la, a na seppiakteu chu gingtute leh doitakte ahi tâk ziak un, a phazaw diak in sep piak zawu hen. Zia thute hi hil inla, tîl in.

2 TIMOTHI 1:2

Ka cha doitak Timothi kiang ah, Pa Pathian leh, Khrista Jesu I Lalpau ah kipat hepina, jangaina leh chamna um ta hen.

2 TIMOTHI 4:22

Lalpa‘n la thagau umpi ta hen. Hepina’n hun umpi ta hen. Amen.

TITA 1:4

ginna ka kikoppi, ka chapa Tita kiang ah chun: Pa Pathian leh Lalpa Khrista Jesu I Hukdampau kiang ah kipat hepina leh jangaina leh chamna um ta hen.

PHILEMON 1:25

Lalpa Jesu Khrista hepina chu la thagau un um zing ta hen. Amen.

PHILEMON 1:3

I Pau Pathian leh Lalpa Jesu Khrista ah kipat hepina leh chamna la kiang un um ta hen.

JAKOB 1:1

Jakob, Pathian leh Lalpa Jesu Khrista suak hin, nam sawm leh ni kithejakte chu chibai ka bûk hi.

1 PETER 1:15

a hun kopa chu a thiantho gual in, nang uh le la tawidan zosiau in thiangtho tau in.

1 JOHAN 3:1

Ngai tiam un, Pa’n ei hepina ziak ah Pathian chate ei sak tâk hi a nasa na lawm lawm e! Zia gual ding chu I hi him uh ahi. Ama chu khawvel in a het lo ziakin, ei haw le ei he lo a hiu.

2 JOHAN 1:3

Pa Pathian leh Lalpa Jesu Khrista, Pa Chapa ah kipat in, hepina leh jangaina leh chamna chu thutak leh hepina jal in I kiang un um zing ta hen.

THUPUAN 2:1

Ephesa khua kochuam vansawlchâk kiang ah chun zia gual hin zik in: A khut changlam ah aksi pasagi chawi ah, sana thaumei koina pasagi lak ah vâk lumlet khan zia thu hi a gen hi:

THUPUAN 2:12

Pergamum khua kochuam vansawlchâk kiang ah chun, zia gual hin zik in: Chemjam hiamtua hiam tak neipa khan, zia thu hi a gen hi:

THUPUAN 2:18

Thuatira khua kochuam vansawlchâk kiang ah chun zia gual hin zik in: Pathian Chapa, meikuang gual mit nei ah, a keng sum-eng gual ah val khan zia thu hi a gen hi:

THUPUAN 2:29

Thagau in kochuamte kiang ah thu a gen hi, nakhang nei taphot chun he tau hen, a tii, ti in.

THUPUAN 2:8

Smurna khua kochuam vansawlchâk kiang ah chun, zia gual hin zik in: A masa pen leh a nunung pen, thi ta hung hing kit ta chun zia thu hi a gen hi:

THUPUAN 22:21

I Lalpa Jesu Khrista hepina chu mithiangthote zosia chung in um ta hen. Amen.

THUPUAN 3:14

Chun, Laodikia khua kochuam vansawlchâk kiang ah chun, zia gual hin zik in: Amen, ginum tak leh hetpi dik tak, Pathian thilsiam bul khan zia thu hi a gen hi:

THUPUAN 3:22

Thagau in kochuamte kiang ah thu a gen hi, nakhang nei taphot chun he tau hen, a tii, ti’n a gen a.

THUPUAN 3:7

Philadelphia khua kochuam vansawlchâk kiang ah chun, zia gual hin zik in: Zia thute hi mithiangtho leh midik, David chabi nei, kuama khâk theilo ding ah hong leh, kuama hon theilo ding ah khâk khan a gen hi: