ROMTE 1:3 - PATHIAN LEKHABU THIANGTHO (BSI)

³ zia a Chapa Jesu Khrista I Lalpau, taksa lam thu ah David suan ah siam a hung um chu;

ROMTE 1:3 ပူးပေါင်းရင်းမြစ်များ

THILSIAM THU 3:15

nang leh numei hun kidosak ing ka tin, ama suan leh nangma suanle kidosak ing ka; ama’n la luchang vaw thidup intin, nang in a akkhawmit chu thidup in la,” a ti tai.

SAM 2:7

Lalpa thupiak chu hun hil ding ka hi; ka kiang in: “Nang vâng ka chapa la hi; tu’ni ka hin la hi.

JEREMIAH 33:26

Jakob leh ka suak David suan leh pâkte chu pâmpai in, a lak ua khat chale Abraham, Isak leh Jakob suante chung ah vaihawm ding in a la koi lo ma ding hivêng aw. Ahi’n la, amau vangphatna pia tungding kit in, lainat ding ka hi’ngâl a, ti in.

AMOS 9:11

Zia ni chuleh, David bawkcha a la pûk ta chu, tungding kit ing ka tin, a siatnate siampha’ng ka tin, a chipnate lem to ing ka tin, masang lai ah gual khan sapha kit ing ka tin;

MATTHAI 1:1

Abraham suan, David suan ah Messiah kiti, Jesu hung pian dan chu zia gual hi ahi:

MATTHAI 1:16

Jakob chu Joseph pa ahi’n, zia Joseph chu Mari pawsal chu ahi. Zia Mari chu Messiah kiti, Jesu hung pianna chu ahi.

MATTHAI 1:6

Jesse chu lengpa David pa ahi’n; chun, David chu Uria ji tawh a chau Solomon pa ahi.

MATTHAI 12:23

Mipi zosia chun mak a sa ma mau a, “David Chapa chu a himai diam maw?” a kitiu a.

MATTHAI 15:22

Zia gam ah kipat chun Kanaan numei pakhat a hung a, Lalpa, David Chapa, ei lungsiat in; ka chanu thitha’n a man hen, a thuak gim ma ma hi, ti’n a hung kiko a.

MATTHAI 26:63

Himaleh, Jesu chu thipbek in a um a. Chun, thiampu lianpen chun, Pathian hing min in kigenchian dingin ka hun sawl la hi, Messiah, Pathian hing Chapa chu la hi em? ei hil in, a tia.

MATTHAI 27:43

ama chun Pathian a ging ah, Pathian Chapa ka hile a tingal ah; a nop ahi chun tu’hin hun hukdok leh hiding a pom,” a tiu a.

MATTHAI 3:17

Chuleh, van ah kipat aw gi chun, “Zia hi ka Chapa Dawi tak, ka kipakna ma ma chu ahi,” a hun tia.

MATTHAI 9:27

Zia mun ah kipat chun Jesu a pawtdok ah, a chia lai ah chun mitthûm pani’n a hun zui un, “David Chapa, ei lungsiat in,” ti’n a kiko pek tau a.

LUKA 1:35

Vansawlchâk chun a kiang in, “Thagau Thiangtho la chung in hung tung intin, Chungnung pen thilhitheina chun hun liakhu intin, ziaziakchun, nau hung piang ding chule Thiangtho ti hi’n a, chuleh, Pathian Chapa ti’n au.

LUKA 1:69

A suak David In sung ah kipat in ei uh â di’n, hukdampa hat tak a hun tungdok tai;

JOHAN 1:14

Tichun, Thu chu taksa’n a hung chang a, I lak un a hung chêng ah, Pathian Chapa changkhat neisun lopina chu ahi’na gual tak in, hepina leh thutak ah dim in I la muu ahi.

JOHAN 1:34

Zia chu ama chung ngei ah ka mu tâk ziakin, ama hi Pathian Chapa ngei chu ahi ti ka hiatsak ahi,” a tia.

JOHAN 1:49

Ziaphatchun, Nathanael in a kiang in, “Rabbi, Pathian Chapa, Israelte Lengpa chu la hi!” a tia.

JOHAN 10:30

Kei leh ka Pa chu pumkhat ka hiu,” ti’n a dawnhu a.

JOHAN 10:36

Pa’n a se’chuam, khawvel ah ei sawl, ‘Pathian Chapa ka hi,’ ka ti ziakin bangatia Pathian la gensiai, ei ti’thei ding la hiu em?

JOHAN 20:28

Thoma chun, “Ka Lalpa leh ka Pathian!” a tia.

JOHAN 20:31

himaleh, zia lekhabu hi, Jesu chu Pathian Chapa Messiah chu ahi ngei hi, ti la hun taksan ua, ama ging ah, a min ah kumtuang hinna la neina ding ua zik ahi zawi.

JOHAN 5:25

Titakzet in ka hil la hiu, a hun tung ding ahi tai, a tung male a hiziang tai; ziaphat chuleh, mithite chun Pathian Chapa aw hia’n tiu in, a hete zosia chu hing in au.

JOHAN 7:42

Pathian Lekha thu chun, ‘Messiah chu David suan ah kipat hung piang intin, David chênna khawpi Beth-lehem ah hung piang ding ahi,’ ti hilo a hem?” a tiu a.

NASEPTE 2:30

Ama kha jawlnei a la hiziak in, Pathian in a kiang ah a gen chu a hia’n, ama khalbe piang ngei chu a lalchutpha chutsak dingin a kihaksial a.

NASEPTE 3:13

Abraham, Isak leh Jakob Pathian, I pu leh pateu Pathian chun a suak Jesu chu a choisa’n ahi tai; ama chu la la pedok un, Pilat in thâdaw a guat lai ah khan a ma-âng in la la kihiatlosak tau a.

NASEPTE 8:36

A kiton pek lai ua chun lui pakhat a tung ua, mi kigetpa chun, “Entia, zia tak ah hin tui a um hi, baptisma ka channa ding bang ei dâl a um em?” a hun ti’n.

NASEPTE 9:20

Zia kipat chun kikhopna In ah, “Jesu chu Pathian Chapa ahi,” ti thu a hun gen pan ngal a.

ROMTE 1:9

A Chapa chanchinpha nasepna ka thagau zosia ka panna Pathian chu ei hiatpitu ahi; tichun, ka pauchapna ah chun hemil lo in la min uh ka sua zing sek a.

ROMTE 4:1

Chutichu ahileh, taksa lam ah I puu Abraham chung thu ah chun bang a hem I gen ding uh?

ROMTE 9:3

Taksa lam ah ka unaute, ka chipite ziakin kei hi Khrista ah kipat khenthâk ah um hial in, hânsia pawzaw mai leng ka nuam zaw ahi.

ROMTE 9:5

pu leh pate kha le amau â a hiu ah, taksa lam thu ah Khrista le amau lak ah kipat hung pawt ahi’n; ama chu thil zosia chung ah um ahi, kumtuang ah pâk tâk Pathian ahi, Amen.

1 KORINTH 1:9

A chapa Jesu Khrista I Lalpau tawh kivopna ah hun kolutpa Pathian chu a muan um hi.

1 KORINTH 10:18

Israelte chu en tiam un, kithoina sanete chun mâichâm chu a kikoppi puau em?

GALATIA 4:4

himaleh, a hunbî a hung tin phatin, Pathian in a Chapa, numei suan in, dan nuai ah hung piang in a hun sawl tai.

1 THESSALONITE 1:10

A Chapa Jesu, mithi lak ah kipat a kaithawkitpa chun, lungnatna hung tung ding lak ah ei hukdok in, van ah kipat a hung kitna ding chu ngak in la um tau ahi.

1 TIMOTHI 2:5

A ziak chu, Pathian pakhat bep a um ah, Pathian leh mihing kikâl inle Palai pakhat bep a um hi, ama Khrista Jesu, Mihing ngei chu,

1 TIMOTHI 3:16

Nial gual lo hial in, I ginnau thugûk uh chu a lopi hi: “Ama chu taksa ah suklat, thagau ah thiam chansak, vansawlchâkte mu ngei, Jentelte lak ah tângkopi, khawvel pumpi ah taksan, lopina ah lâk to ah um ahi,” ti hi.

2 TIMOTHI 2:8

Mithi lak ah kipat thokit, David suan ah mi, Jesu Khrista chu hezing in, ama chu ka chanchinpha chu ahi.

1 JOHAN 1:3

Kei un ka musau leh ka hiatsau ma chu la kiang unle ka tâklang uh ahi: Tichun, nang unle kei uh tawh kipawl khawmna la neitheina ding un; I kipawl khawmnau chu, Pa tawh, Chapa Jesu Khrista tawh ahi.

1 JOHAN 3:23

A thupiak chu zia hi ahi: A chapa Jesu Khrista min ging in, ama’n thu ei piak gual in kihepi tua chiat leu hing, ti hi.

1 JOHAN 3:8

Gitlo bawl taphot chu diabol ah pawt ahi; diabol chun a tîl ah kipat in gitlo a bawl tangal a. Pathian Chapa hung kilatna ziak pen chu, diabol nasepte sukmangthai a hi’theina ding ahi.

1 JOHAN 4:15

Jesu chu Pathian chapa ahi, ti dinpite kiang in Pathian a um a, amau le Pathian ah a um ui.

1 JOHAN 5:1

Jesu chu Khrista ahi ti ging zosia chu Pathian ah piang a hiu; chuleh, a hingtu hepi zosia’n a hinte le a hepi sek ui.

1 JOHAN 5:20

Chun, Pathian Chapa chu a hung ah, midik chu hethei dingin hiattheina ei pia tai, ti I hiau hi; chuleh, a Chapa Jesu Khrista ah um in, midik ah chun I um uh ahi. Ama chu Pathian dik tak leh kumtuang hinna ahi.

1 JOHAN 5:5

Jesu chu Pathian Chapa ahi ti gingte bep longal chun kua a hem khawvel zo sek?

2 JOHAN 1:7

Jesu Khrista chu taksa ngei ah hung ahi ti dinpi lo, thêmtu tam tak khawvel ah hin a hung pawt tau a; zia gual mi taphot chu thêmtu leh Khrista dodâl chu a hiu!

THUPUAN 2:18

Thuatira khua kochuam vansawlchâk kiang ah chun zia gual hin zik in: Pathian Chapa, meikuang gual mit nei ah, a keng sum-eng gual ah val khan zia thu hi a gen hi: