PHILIPPI 4:9 - PATHIAN LEKHABU THIANGTHO (BSI)

⁹ Keima ah la thil zilteu leh chanteu leh hiatteu leh muteu chu, bawl zing tau in; tichun, thamuanna Pathian chun hun umpi in a.

PHILIPPI 4:9 ပူးပေါင်းရင်းမြစ်များ

ISAI 41:10

lau him him kin, ka hun umpi zing hi; lung lau kin, la Pathian ka hi’ngâl a. Hun hi’hat ing ka tin, hun panpi ding ka hi; ka zaw’na khut changlam in, hun domsâng ding ka hi.

ISAI 8:10

Lung a gêl khawm un, maleh, bangmalo suak tho tho in a; ngaidan a gen khawm un, maleh, bangma’n pang diak pua’n a; Pathian chun ei umpi ngâl a,” ti in.

MATTHAI 1:23

“Nungak thiangtho chu gâi intin, Chapa hing intin, a min in Immanuel sa’n au” zia chu, “I kiang un Pathian a um hi,” ti’na ahi.

MATTHAI 28:20

la kiang ua thu ka piak zosia hi jawm dingin zilsak un. Kumkhua’n, khawveltawp tiang in la kiang un um zing ding ka hi ti hezing un,” a tia.

MATTHAI 7:21

Lalpa, Lalpa, ei ti taphot van-gam lut ding a hiziang puau; ka Pa van ah um dawi gual hi’te bep lut ding a hiu hi.

LUKA 6:46

Ka thugente jawm lo ah bangatia: Lalpa, Lalpa, ei ti la hiu em?

LUKA 8:21

Ama chun, a kiang un, “Pathian thu he ah jawmte hi ka nu leh ka suapite a hiu,” a tia.

JOHAN 13:17

Zia thilte hi la het ua, la hun bawl ua leh hampha ma ma in lau.

JOHAN 15:14

Ka thupiak tapo la bawl ua leh ka gualte hi’n lau.

JOHAN 2:5

A nu chun tuanvaite kiang in, “La kiang ua a gen tapo chu bawl mai un,” a tia.

NASEPTE 9:6

Tho inla, khawpi sung ah lût in, la sep ding a la gen in au,” ti’n a hun dawnhu a.

ROMTE 15:33

Thamuanna Pathian chu la leng ua kiang in um ta hen. Amen.

ROMTE 16:20

Tichun, chamna Pathian chun Setan chu la kengpêk nuai un chuan jawt vak ta’n a. Lalpa Khrista lungsiatna chu la kiang un um ta hen.

1 KORINTH 10:31

Chutichun, la nêk unle, la dawn unle, la thil hi’ taphot uh chu, Pathian lopina ding bep in hiu in.

1 KORINTH 14:33

Pathian chu buaina Pathian a hipua’n, kichamna Pathian ahi zaw ngal a. (Kochuam tin ah mi thiangthote a um gual un,

1 KORINTH 4:16

Ziaziakchun, ka hun ni la hiu, ka umdan entonte hitau in.

2 KORINTH 13:11

A kichaina dingin, suapite haw, mangpha! Kisutûp unla, lungmuang tak in um un; lungthim munkhat puu inla; kicham dial dial in um un; hepina leh chamna Pathian chu la kiang un um zing in a.

DAN LEKHABU 5:1

Mosi’n Israelte zosia a ko khawm ah, a kiang un: Aw Israel mipite haw, tu’ni la kiang ua ka gen ding dante leh dan thupiakte hi a la ngai tiam un; ziate hi gunchu tak ah la zil ua, la zop ding uh ahi.

PHILIPPI 3:17

Suapite haw, keima ei enton chiat un, kei uh etton ah ei nei taphot chule pha tak in tepte’ un.

PHILIPPI 4:7

Chutichun, Pathian thamuanna, ngaituana’n a het zaw gual lo chun, la lungthim leh ngaituanateu chu Khrista Jesu ah chun venbit piak in a.

1 THESSALONITE 1:6

Thu chu sukgentheina thuak kawm in, Thagau Thiangtho ah kipak tak in la pom ua, kei uh leh Lalpa umdan zuitute la hitau hi.

1 THESSALONITE 2:14

Nang uh, suapite haw, Judea gam ah Khrista Jesu ah Pathian kochuamte la enton tau ah, amau in Judate lak ah a thok gual un, nang unle la gam mi teu lak in la thuak ngal ua;

1 THESSALONITE 5:23

Chamna Pathian ngei chun la pum un hi’thiangtho ta hen; chuleh, la thagau uh leh, la lungthim uh leh, la taksau chu I Lalpa Jesu Khrista hung tiang ah thiangtho leh demna bei in um ta hen.

2 THESSALONITE 3:4

Thu ka hun piak taphot kha la sepzawu ah, la sep jel uh chu Lalpa ah chun ka hun muang uh ahi.

2 TIMOTHI 4:22

Lalpa‘n la thagau umpi ta hen. Hepina’n hun umpi ta hen. Amen.

JAKOB 1:22

Thu chu ngaitha mai ah nangmau kithêm lo in, thu chu sêmdok zaw tau in.

2 PETER 1:10

Ziaziakchun, suapite haw, a hun kona leh a têlna chu hi’det dingin taimat sua zaw diak tau in; zia chu la hiu chun bangmatik in kilîk pua’n lau.

1 JOHAN 3:22

chuleh, a thupiakte zawm ah a kipakna lam I bawl sek ziak un, I dot taphot I mu sek uh ahi.