PHILIPPI 4:8 - PATHIAN LEKHABU THIANGTHO (BSI)

⁸ A tawp pen ah chun, suapite haw, a dik tapo, a za-um tapo, a fel tapo, a thiangtho tapo, a doi um tapo, a kithang mêlpha tapo, thil phazaw him him, pâkchâk ding him a um chun ziate chu ngaituau in.

PHILIPPI 4:8 ပူးပေါင်းရင်းမြစ်များ

THILSIAM THU 18:19

Lalpa lampi a hawtheina ding un, a nung ah a chate leh a Inkuante, thil dik tak ah hiding leh, vaihawm gual ah um ding ah thu a piak theina dingin ama chu ka guat ta’ngal in; a chungchâng thu Lalpa’n a gen chu Abraham chung ah a tunsak theina dingin,” a ti’n.

2 SAMUEL 1:23

Saul leh Jonathan chu a ngai um un a doi um nau e! Hin inle, thi inle a kikhen puau hi; mupi sâng in a chan-gang zawu ah, sakeibakneite sâng in a hatzawu hi.

2 SAMUEL 23:3

Israelte Pathian in thu a gen in, Israelte suangpi chun ka kiang in thu a la gen a; mipite chung ah dik tak ah vaihawm, Pathian lau kawm ah vaihawmpa chu,

SAM 82:2

“Bang chan a hem diklo tak ah vai la hawm ua; mi nunsiate la doichuam ding uh? (Selah)

THUPILTE 11:1

Bûkna diklo chu Lalpa ki’dak lam tak ahi’n, bûkna dik chu a kipakna lam tak ahi.

THUPILTE 12:4

Numei umchanpha chu a pawsal lallukhuk ahi’n; a pawsal himualphotu chu vang a gu muatsak gual ahi.

THUPILTE 16:11

Bûkna dik leh te’na dik chu Lalpa â ahi’n, dip zosiate gik dan chu ama bawlsa ahi.

THUPILTE 20:7

Midik, dem kâi lo ah um, ama dungsûn a chate chu mi vangpha a hiu!

THUPILTE 31:10

Ji pha chu kua a hem mu zo ding? Suang mantam san chi sâng inle a lûl zawi.

THUPILTE 31:29

“Numei khawsak danthiam tam tak a um ui, himaleh, nang hi la pha chung chuang pen hi,” a tia.

THUPILTE 31:31

Zia gual numei chu a khutsuak kipakman chu piau inla, ama nasep dawte ma ma chun, khawpi kul kotkhak bul ah chun pakcha tau hen.

SOLOMON LÂ 5:16

A tongkam chu a thum pen ah, a ngaikâi suak kêi hi. Zia chu ka lawmpa leh, ka gualpha chu ahi; aw Jerusalem ah chanute haw.

ISAI 26:7

Midiktatte lampi chu a nâm ah, Nang Midikpa chun midikte lampi chu, la hi’ngil piak sek hi.

MATTHAI 22:16

Tichun, a zilsakteu leh Herod pawl ah mi khenkhatte chu a kiang in a sawl ua, Hotupa, nang hi midik tak la hi’n, Pathian lampi chu thutak in la zilsak ah, kuama khen chuam la nei pua’n, mihing mai la en diak puai, ti ka hiau hi.

MARKA 6:20

Herod chun Johan chu midik leh mi thiangtho ahi dan a het ziakin, pha tak in a vênbitsak ah; a thu gen a ngai phat leh a lungjing sek a; himaleh, a ngai nuam ma ma sek ngal a.

LUKA 16:15

Ama chun a kiang un, mi mit mu ah thiam kichan mai la hiu a, ahi’n la, Pathian in la lungthim uh a he nai; mihing lak ah choisa’n ah la umnau hi, Pathian mit mu in ki’dak um tak ahi.

LUKA 2:25

Zia lai ah chun, Jerusalem khua mi pakhat, a min Simeon kiti, mi kipezo tak leh midik tak, Israelte thamuanna ding ngâk in a la um a; ama chu Thagau Thiangtho in a thuam a.

LUKA 23:50

Zia hun ah chun, mi pakhat, a min Joseph kiti vaihawmte lak ah mi, mi diktat tak leh mi pha tak a um a.

JOHAN 7:18

Kuale ama phuakkawm gen chu, ama lopina ding kihawl a hisek hi; ahi’n, ama sawlpa lopina ding hawl tapo chu, zia ngei chu a dik ahi, ama ah chun diklona him him a um puai.

NASEPTE 10:22

Amau chun, “Kornelia kiti, sepai za hotu, mi ginum tak leh Pathian kicha tak ah khawsa leh, Juda nam zosiate lak ah le minpha tak ah um chu, Pathian ah kipat hung vansawlchâk thiangtho hiatsak in, a In ah nangma vachia ah, la thugen a ngaithâk theina dingin a hung ko ding ah ei sawl ah, hung ka hiu,” a vatiu a.

NASEPTE 22:12

Zia tak ah chêng mi pakhat, dan lam ah le mi kipe zo tak mai, Judate lak ah le mi min pha tak, Ananiah kiti chu a la um a;

NASEPTE 6:3

Ziaziakchun, suapite haw, la lak ua mi minpha pasagi, Thagau leh pilna ah dim chiat hun têldok unla, amau chu zia nasem ding ah hin hun namdet ing kau.

ROMTE 13:13

Sûn ah khawsa gual ah pha tak in um hitiu; zudawn buai leh zukham ah umlo in, hûk leh kidoicha umlo in, kina’ leh kithangsia umlo in;

ROMTE 13:3

Vaihawmte hi thilpha bawlte â dingin lau um ahi puau ah, thil phalo bawlte â dingin vang a lau um ui. Ahileh, thuneite lau lo hial ah um la nuam em? thilpha chu bawl lechin pâkchâk law ding la hi.

ROMTE 14:18

Kuale zia gual ah Khrista nasêm ah pangte chu Pathian pom tâk a hiu in, mihing pâkchâk le a law sek ui.

ROMTE 2:29

A sunggil lam ah Juda mi hite bep chu a tak a hiu; chuleh, tak tak hilo in, lunggil lam thagau ah zektante bep chu zektan tak tak a hiu. Zia gual mite chun, mihing pachatna sâng in Pathian pachatna a law zaw sek ui.

1 KORINTH 4:5

Chutichun, a hun masang in bangma genchian kiu in; Lalpa chun thim ah thil sêlgukte chu vâk ah hun tâkdok intin, lungthim ah tupnate le hilang in a. Ziaphat chuleh, mi zosia’n Pathian ah kipat pakchak law chiat ta’n au.

2 KORINTH 13:7

Ahi’n, thil la sukkhial lona ding un Pathian kiang in ka don a; zia chu keihaw doi um ah ka lat theina ding uh hilo in, a pha taphot la hitheina ding uh ahi zawi, kei uh chu doilo gual in um ta leng uh le,

2 KORINTH 6:8

mi choihoina leh ja lona ah te, mi gensiat leh gen phat in, mithêmte gual ah bawl in ka um un, midik tak hingal in;

2 KORINTH 8:18

Ama tawh unaupa hun sawl ding ka hiu ah, ama chu chanchinpha lam ah kochuam zosia’n a pâkchâk uh ahi tai.

2 KORINTH 8:21

Lalpa mit mu bep ah hilo in, mihing mit mu ah le thilpha ding ka ngaituau hi.

GALATIA 5:22

Himaleh, Thagau ga chu, hepina, kipakna, chamna, dawtheina, nunnemna, phatna, ginumna,

EPHESA 4:25

Chutichun, zuau gen haisan in, I Invêngteu kiang chiat in thudik gen hitiu, a kizom khawm chiat I hingal un.

EPHESA 5:9

Thagau ga chu phatna zosia leh dikna leh thutak ahi ngal a.

EPHESA 6:14

Ziaziakchun, ding unla, la kawng uh chu thutak in gâk unla, diktatna awmphaw chun kithuam un.

DAN LEKHABU 16:20

Lalpa la Pathian un a hun piakna ding gam chu lua ah la dam theina ding un, thudik bep la zui ding uh ahi.

PHILIPPI 3:1

A tawp pen ah chun, ka suapite haw, Lalpa ah chun kipak un. Thu kibang ma ma la kiang ua hun zik kit hi kei â dingin chimchâk um a hipua’n, nang uh a dingin a phazaw ngal a.

KOLOSSA 4:5

Chuleh, hun apha thei pen ah mang zing in, pawlam mite lak ah chun chingthei tak in um un.

1 THESSALONITE 4:12

Chutichun, pawlam ah mite mu in mêlpha’n la tiu in, bangma le tasam pua’n lau.

1 TIMOTHI 2:2

lengte leh thuneina sâng tak neite â dingin tawh: Tichun, Pathian ngaisak leh za tak ah, thamuang tak leh kicham dial ah vai a hawm theina ding un.

1 TIMOTHI 3:11

Zia gual ma chun a jiteu le mi titak, mi gensiat chîng lo, kisûm thei, bangkim ah ginum ahi diu ahi.

1 TIMOTHI 3:4

Ama Insung pha tak ah pawtûp in, a chate chu kawng bangkim ah thumang leh ja’um tak ah a thunun zaw ding ahi;

1 TIMOTHI 4:12

La khangdawng hi’na kuama’n hun musit ki’hen; himaleh, pau dan leh tawidan, hepina, ginna leh thianthonate ah chun gingtute etton dingin um zaw ta’n.

1 TIMOTHI 5:10

a nasep phate hetpi hita, chate vâk lian ta, zin leh lêng bawldan thiam, mithiangthote keng sil piak ta, liangvaite a la somdawl ta leh nasep pha zosia ah kipe zo mi ahi ding ahi.

1 TIMOTHI 5:2

numei upa zaw te chu nute gual leh, numei naupang zaw te chu suapite gual ah thiangtho tak in hil in.

TITA 1:8

mi lopdan thiam, a phalam dawi, ama kithuzaw mi, midik, mithiangtho leh mi kisûmthei;

TITA 2:14

Ama chu eimau â ding ah hung kipia’n, thiangtho leh nasep pha ah phatchuamngai, ama mite hiding in, gitlo zosia lak ah kipat ei tandok tai.

TITA 2:2

Upate chu kisûm ding, ja’um, a hun tiang he, ginna dik tak nei, hepina leh thok-hatna nei ding in;

TITA 2:7

Bangkim ah thilpha lam taphot ah, mi etton dingin kisiam inla; la thugen ah chun la lunglut zia leh la ti’takna a kilat a;

TITA 3:14

Chuleh, I mipiteu khan ga sua lo ah a um lona ding un, thil mamawte sêmdok dingin nasep pha sep dan zilsak in.

HEBRAITE 11:2

Ginna ziakin I pu leh pateu khan pâkchâk a la law tau hi.

HEBRAITE 13:18

Kei â dingin ei pauchap piak un; sia leh pha hetna thiang tak ka nei ui ti ka hechian un, bangkim in dik tak ah um ka guau hi.

JAKOB 1:27

Pathian leh Pa mit mu ah sakhaw thiangtho leh sukbuak lo chu zia hi ahi: nauchagate leh meithâite a genthei lai ua kanthâk leh khawvel kisukbuak sak lo hi ahi.

JAKOB 3:17

Chung lam ah kipat pilna hung suk chu vang, a masa’n a thiangtho ah, kicham a nuam ah, a nunnem ah, a thunung thei ah, hepina leh ga pha’n a dim ah, doichuamna leh dawha him him panglo ahi.

1 PETER 1:22

Thutak mat ziak ah la hinnau la sukthiantho tâk ziak un, kihepituana dik tak la nei thei tau a; lunggil tak in kihepitua chiat tau in.

1 PETER 2:12

Jentelte lak in mêlpha tak in um un; chutichun, hi’khelna nei gual in hun gensia maleu, kanthâkna ni phat leh la thilbawl phat uh a mu ziak un, Pathian chawihoi in au.

1 PETER 4:8

Bangcheng sâng in, phatchuamngai tak in kihepi tua chiat unla; hepina’n gitlo tam tak a khû sek ngal a.

2 PETER 3:1

Doitakte haw, la kiang ua ka zik hi ka lekhathot niveina ahi tai; ziate chun nang uh a vêl ah hil in, la lungthim thiangtho uh chu ka choktho hi.

1 JOHAN 3:18

Naute haw, a thu leh kam sung bep in kihepi puai tiu in, thu tak leh thilhi in hizaw hen.

1 JOHAN 3:3

Kuale, zia kinepna nei taphot chu ama a thiantho gual in a kisuthiangtho sek ui.

1 JOHAN 4:1

Doitakte haw, thagau zosia taksang kiu inla, thagaute chu Pathian ah kipat a hiu em ti enchian zawu in; khawvel ah hin jawlnei lêm tam tak a pawtdok tangal un.

RUTH 3:11

Ka chanu, tu’hin lau kin, ka khuau ah mipi zosia hin nangma numei pha tak la hi ti a het uh la hiziak in, la poimaw zosia hun bawl piak ing ka.