PHILIPPI 4:7 - PATHIAN LEKHABU THIANGTHO (BSI)

⁷ Chutichun, Pathian thamuanna, ngaituana’n a het zaw gual lo chun, la lungthim leh ngaituanateu chu Khrista Jesu ah chun venbit piak in a.

PHILIPPI 4:7 ပူးပေါင်းရင်းမြစ်များ

NEHEMIAH 8:10

Chuleh, a kiang un, “Chiau inla, an tui pen ne’n, uain thum tak chu dawn unla; bangma neilote â dinginle a chanvo ding uh thot piak un; zia ni hi I Lalpau â ding ah ni thiangtho a hi’ngâl in; lungngaina’n mang kiu in, Lalpa kipakna chu la hâtnau ahi ngâl in,” ti’n a gen a.

JOB LEKHABU 22:21

Pathian tawh kihothei unla, thamuang tak in um in, zia gual ah chu la um chun, nanghaw â ding ah thilpha hung tung ding ahi.

JOB LEKHABU 34:29

A la thip hiat hiat leh, kua a hem awimaw thei diak ding? A mai ah sêl mang leh kua nam hi’n, kua mimal hileh a mudok zo ding kua a hem um?

SAM 29:11

Lalpa‘n a mite hâtna pia ta hen! Lalpa‘n a mite thamuanna’n maljawl ta hen!

SAM 85:8

Lalpa, Pathian in a thugen ding chu, ngaitha’ng ka tin, a mite leh a mi thiangthote kiang ah, thamuanna ding thu gen ding ahi ngal a; lungthim gil tak ah ama lam ah, kihei kit tapote kiang ngei ah chun.

THUPILTE 2:11

lemhiatna’n hun ching intin, het thiamna’n hun vêngtup zing in a.

THUPILTE 4:6

Jamsan kin, ama’n hun humbit zing ding ahi; hepi in, tichun, ama’n hun vêng zing ding ahi.

THUPILTE 6:22

La vâkvelna’n hun pui intin; la i-mut kâl in hun vêng zing intin; la thawdok phat leh hun holimpi in a.

ISAI 26:12

Aw Lalpa, kei uh â dingin, thamuanna chu hi’det ding la hi’n; nangma’n ka thilbawl zosiau, lei sukpitin piak ta’ngal a.

ISAI 26:3

A lungthim nangma chung bep ah nga’n, nang bep hun taksangte ngei chu, thamuanna dik tak piak hi’n au.

ISAI 45:7

Vâk ka la siam ah, chuleh, thimna le ka siam ah; maljawlna leh chunggikna le ka siam ahi; keima Lalpa hin zia zosia chu ka la bawl ahi.

ISAI 48:18

Ka thupiakte kha a la ngaisak hitama lechin aw! La vangphatna chu luipi luang gual leh, la lawtinna chule tuisuagiat kinawk gual in um ta’n tin;

ISAI 48:22

“Mi nunsiate â dingin, thamuanna him him a um puai,” Lalpa chun a tii.

JEREMIAH 32:16

Neriah chapa Barukh kiang ah kichawkna lekha chu ka piak zaw phatin, zia gual hin Lalpa kiang in ka pauchap a:

JEREMIAH 33:6

Tungding kit in, sudam kit ding ka hi; sudam ing ka tin, hausakna kiningting tak leh bit tak in umsak kit ing ka.

KISIMNA LEKHABU 6:26

Lalpa‘n la lam hun nga zing hen la, thamuanna hun pia zing ta hen.

LUKA 1:79

thim lak leh thina lim nuai ah a la chute, salvâk ding leh thamuanna lampi lam ah, I kengteu pui dingin,” a tia.

LUKA 2:14

“Chungnung pen ah Pathian chu, lopi tak in um hen la, lei chung ah a doisak ma ma mihingte kiang hin, chamna um ta hen!” a tiu a.

JOHAN 14:27

Thamuanna ka nutsia piak la hiu; keima thamuanna ngei chu ka hun piak la hiu; khawvel in a hun piak gual in ka hun pia puai. La lungthim uh lungkham ki’hen la, lau le lau diak ki’hen.

JOHAN 16:33

Keima ah thamuanna la neitheina ding un, zia thute hi ka hun hil la hiu. Khawvel ah hin gim genthei thuak in lau. Himaleh, thamuang tak in um un; keima’n khawvel ka zo tai,” a tia.

ROMTE 1:7

Rom khua Pathian doichuam tak, mithiangthote hiding ah ko zosiate kiang a chun: Pathian, I Pau leh Lalpa Jesu Khrista kiang ah kipat hepina leh chamna la kiang un um ta hen.

ROMTE 14:17

Pathian gam hi nêk leh dawn thu a hipua’n, Thagau Thiangtho ah dikna, thamuanna leh kipaknate a hizaw ngal in.

ROMTE 15:13

Thagau Thiangtho thilhitheina ziak ah, kinepna la hau theina ding un, kinepna Pathian chun la gin ziak un kipakna leh thamuanna’n hun hi’dim ta hen.

ROMTE 5:1

Ziaziakchun, ginna ziak ah thiamchang ah um in, I Lalpau Jesu Khrista jal in, Pathian tawh kicham in I um tau hi.

ROMTE 8:6

Taksa lam thilte lunggulna chu thi’na ahi’n; thagau lam thil lunggulna chu hinna leh thamuanna ahi ngal a.

2 KORINTH 10:5

Lungthim ah ngaitua kawm ah mi nialna leh Pathian do-na ah kigêl thilsâng tak te chu suchim in, lungthim ngaituana zosia chu suak ah pui in Khrista thu ka nunsak sek ui.

2 KORINTH 13:11

A kichaina dingin, suapite haw, mangpha! Kisutûp unla, lungmuang tak in um un; lungthim munkhat puu inla; kicham dial dial in um un; hepina leh chamna Pathian chu la kiang un um zing in a.

GALATIA 5:22

Himaleh, Thagau ga chu, hepina, kipakna, chamna, dawtheina, nunnemna, phatna, ginumna,

EPHESA 3:19

Khrista hepina het zaw gual lo, Pathian bukimna zosia ah hi’dim ah la umtheina ding un ka pauchap hi.

PHILIPPI 1:1

Paul leh Timothi, Khrista suakte hin, Philippi khua Khrista Jesu ah mithiangtho um zosia leh, hotute leh nasemte kiang ah chun,

PHILIPPI 1:2

I Pau Pathian leh Lalpa Jesu Khrista ah kipat hepina leh chamna la kiang un um ta hen.

PHILIPPI 4:19

Chun, ka Pathian chun Khrista Jesu ah a hausakna dungzui in, la tâksap zosiau chu hun pia’n a.

PHILIPPI 4:21

Khrista Jesu jal ah mithiangthote kha chibai ka bûk hi. Ka kiang ah suapi umte hin chibai a hun bûk ui.

PHILIPPI 4:9

Keima ah la thil zilteu leh chanteu leh hiatteu leh muteu chu, bawl zing tau in; tichun, thamuanna Pathian chun hun umpi in a.

KOLOSSA 3:15

Chuleh, Khrista lungmuanna chun la lunggil un vaihawm ta hen; zia gual ah chun um dingin taksa pumkhat ah ko la hi him uh ahi; kipakna châng he tau in.

2 THESSALONITE 3:16

Chuleh, chamna Lalpa ngei chun bangtik lai inle, bang lam lam inle chamna hun pia ta hen. Lalpa chun la leng un hun umpi chiat ta hen.

HEBRAITE 13:20

Tu’hin, chamna Pathian, Belampu lian, I Lalpau Jesu thina kipat kumtuang thuthung thisan jal ah kaithopa chun,

JUDA 1:1

Juda, Jesu Khrista suak leh Jakob suapipa hin, ko ah um, Pa Pathian doitak leh Jesu Khrista vên bit ah umte kiang ah chun,

THUPUAN 1:4

Kei Johan hin, Asia gam ah kochuam pasagite kiang ah chun, a um lai tak leh, a umsa leh a hung um ding ah kipat leh a lalchutpha âng ah um, thagau pasagite ah kipat chun;

THUPUAN 2:17

Thagau in kochuamte kiang ah thu a gen hi, nakhang nei taphot chun he tau hen. Kuale a zo tapo chu manna sêlgûk chu pia’ng ka tin, suang val le pia ding ka hi; zia suang chung ah chun min thak, a chang dingte bep longal in a het lo diu chu a kizik hi, a tii, ti in.