PHILIPPI 4:3 - PATHIAN LEKHABU THIANGTHO (BSI)

³ Ahi, ka ngawngkol bâtpi dik tak, nang le zia numeite kha panpi dingin ka ni la hi; amau chun Klemen leh ka seppi dang, hinna bu ah a min uh chuangte tawh, chanchinpha ah chun ei la seppi ngal ua.

PHILIPPI 4:3 ပူးပေါင်းရင်းမြစ်များ

SAM 69:28

A min uh chu hinna lekhabu kipat in, thaimang in um hen la; midikte lak in a min uh zik lut hi ki’hen.

PAWTDAWNA THU 32:32

ahi’n la, tu’hin a gitlonau la ngaidam thei ding leh–ahi theilo ding leh vang la lekhabu ka min la ziksa kha nuaimang kit zaw mai in,” a tia.

ISAI 4:3

Zion ah nutsia ah a la um nalaite leh Jerusalem ah a la chêng nalaite chu mithiangtho ti hi’ntin uh; Jerusalem ah a damsung um ding ah tepte ah um zosia chu,

EZEKIEL 13:9

Ka khut in jawlnei lêmte zuau thil mu, zuau thu gente hun do ding ka hi; ka mipite vaihawmna lak in pang pua’n tiu in, Israel Inkuante min ziklutna’nle pang pua’n tiu in, Israelte gam inle lût diak pua’n au; chuleh, Lalpa Pathian ka hi’dan hun he ta’n lau.

DANIAL 12:1

Ziaphat chuleh, Mikael, lal thupi tak leh, la mite hukdokpa chu hung kipan ta’n a. Khawvel ah mihing a um lim ah kipat tung kha nailo, buaina hung tung in a. Himaleh, lekhabu ah min kizik a mu taphot uh, la mite zosia chu hukdaw in um ta’n au.

LUKA 10:20

Thithate la thu thuu ah a um ziak un kipak ziang kiu inla, van ah la min uh zik ahi ziakin kipak zaw tau in,” a tia.

ROMTE 12:1

Chutichun, suapite, Pathian jangaina ziakin, kithoina hing leh thiangtho leh, Pathian pomtâk dingin la taksau chu kilân dingin ka don la hiu, zia chu thagau lam ah la biakna dan ding him uh ahi ngal a.

ROMTE 16:12

Triphaina leh Triphosa, Lalpa nasêm gim sekte kha, chibai ei bûkpiak un. Doi tak Persis, Lalpa nasem, gim ma ma kha chibai ei la bûk piak un.

ROMTE 16:9

Khrista ah ka seppiu, Urbana leh ka doitak Stakhis kha chibai ei la bûk piak un.

PHILIPPI 1:12

Suapite haw, ka chung ah thiltung te hi chanchinpha machâlna ding ahi zawi ti la het uh ka nuam hi;

PHILIPPI 1:16

Amau chun, chanchinpha thiamna thu gen ding ah guat ka hi ti hia’n, hepina ziakin a gen sek ui;

PHILIPPI 1:27

Banghitaleh, la umdan uh chu Khrista chanchinpha tawh kituak sak phot tau in; ka hung ah nang uh hung mu a hem, ahiloleh, ka umlo lai ah le thagau munkhat ah la dindet dan uh leh, lungthim munkhat nei ah chanchinpha ginna la pan dan uh chanchin ka hettheina ding in.

PHILIPPI 1:5

Ni masa pen ah kipat tu’tiang ah chanchinpha puanjakna la pan zing ziak un.

PHILIPPI 1:7

Nanghaw zosia lam ah zia gual lungthim put chu kei â dingin a kilawm him ahi, la lunggil un lei hezing ngal ua; ka kolbuna leh, chanchinpha ka panpina leh ka sukdetna ah le, la leng un Pathian lungsiatna chu lei kikoppi ngal un.

PHILIPPI 4:2

Lalpa ah chun lungthim kituak tak ah um dingin, Euodi ka ni ah, Sintuki le ka ni ahi.

KOLOSSA 1:7

Epaphras, I suak chanpiu doitak lak ah la zil gual uh khan, ama chu kei uh thasâng in Khrista nasem ginum tak ahi.

THUPUAN 13:8

Khawvel siamtil ah kipat tha’sa, Belamno hinna Lekhabu min kikhum lo tapo leh, lei chung ah um zosia chunle ama chu hun be ta’n au.

THUPUAN 17:8

Zia sahâng la mu kha a la umsa um lo kit, lei kawkhûk tawp nei lo ah kipat hung pawt kit ding leh manthaina lut kit ding chu ahi. Um zet ta ah, um lo kit sahâng chu a hung pawt kit lei ah mite, khawvel kisiam tîl ah kipat Hinna Lekhabu min kikhumlote chun a hun mu kit tak ua leh mak sa ma ma in au.

THUPUAN 20:12

Mithite, a lian a neu, lalchutpha ma-âng ah hung ding chu ka mu’n; ziaphatchun, Lekhabu chu a phêt un; chuleh, lekhabu dang Hinna Lekhabu kiti chu a phêt kit un; mithite zosia chu a thil hi dan uh Lekhabu kizik dungzui in thu a tan piak tau a.

THUPUAN 20:15

Kuale Hinna Lekhabu a min kizik lo tapo chu meidil in a pai tau hi.

THUPUAN 21:27

Zia tak chun thilbuak hi’te lut pua’n tiu in, thil kidak um hi’te leh juautheite le lût diak pua’n au; Belamno Hinna Lekhabu min kikhumte bep lût in au.

THUPUAN 3:5

A zo te chu puan vâm silsak hi’n tiu in; hinna lekhabu a min uh chu thâimang him him pua’ng ka; Pa ma-âng leh vansawlchâkte ma-âng ah chun a min uh chu panpi zaw’ng ka.