PHILIPPI 4:1 - PATHIAN LEKHABU THIANGTHO (BSI)

¹ Ziaziakchun, ka suapi ka doitak leh ngainat, ka kipakna leh ka lallukhukte haw, Lalpa ah chun ding det tau in, ka doitakte haw.

PHILIPPI 4:1 ပူးပေါင်းရင်းမြစ်များ

JOB LEKHABU 31:36

Ka liangko in pu’ng ka tin, chuleh, lallukhuk gual in, ka lujang in khit den ing ka tin;

SAM 125:1

Lalpa muang mite chu Zion tâng, suklîn gual lo, kumtuang ah um zing ding gual chu a hiu in.

SAM 27:14

Lalpa chu ngâk zing in; kisuhat inla, la lungthim chu kihânsak ta hen; ahi, Lalpa chu ngâk zing in!

MATTHAI 10:22

Keima min ziakin mi zosia huat hi’n lau; himaleh, a tawp tiang ah thuak mualsuak tapo chu hukdam in um in au.

JOHAN 8:31

Jesu’n ama gingcha Judate kiang in, “Ka thu la um zing ua leh, ka nungzui dik tak hi’n lau;

NASEPTE 11:23

Ama tun phatin, Pathian hepi dan chu a mu in a kipak ma ma ah, phatchuamngai tak ah Lalpa tuzing dingin a tîlkho tai;

NASEPTE 14:22

“Sukgentheina tam tak thuak in, Pathian gam I lut ding him uh ahi,” ti’n nungzuite lungthim chu a hi’det un, ginna umzing dingin a tîlkho malam pek tau a.

NASEPTE 2:42

Amau haw chu sawlchâkte thuhilnate leh kithua khawmna, vaithum phelna leh pauchapnate’n a kipelut zing tau a.

ROMTE 2:7

Kuale thilpha hi ah, dawthei tak ah umte chun, lopina leh choisânnate, thitheilona leh kumtuang hinna chu chang in au.

1 KORINTH 15:58

Ziaziakchun, ka doitakte haw, suklîng zaw lo ding ah det tak in um unla, Lalpa nasepna chun theitawp sua zing un; la sepgimnau chu Lalpa ah chun a thawn puai, ti la he ngal un.

1 KORINTH 16:13

Kivêng unla, ginna’n ding det in, hangsan tak leh hat tak in um un.

2 KORINTH 1:14

Hiatthiamna tiang la nei tâk dungzui un, I Lalpau Jesu ni phat leh, ka hun kisuanpi gual un nang unle kei uh ei kisuanpi in lau.

GALATIA 5:1

Suak hilo dingin Khrista chun ei thâdok tai; ziaziakchun, ding det unla, suak ngawngkol in tâng kit ta kiu in.

PHILIPPI 1:27

Banghitaleh, la umdan uh chu Khrista chanchinpha tawh kituak sak phot tau in; ka hung ah nang uh hung mu a hem, ahiloleh, ka umlo lai ah le thagau munkhat ah la dindet dan uh leh, lungthim munkhat nei ah chanchinpha ginna la pan dan uh chanchin ka hettheina ding in.

PHILIPPI 1:8

Jesu Khrista lainatna ah la leng ua ka hun ngainat jia mai chu, Pathian in ei hetpi ahi.

PHILIPPI 2:16

hinna thu chu la taklat theina ding un; zia kipakna chu keima’n Khrista ni a hung tun phat leh, a thawn in ka sêm gim pua’n, a thawn in ka tai gim puai, ka ti ngamna ding in.

PHILIPPI 2:26

a damlo thu la la het ziak un a lungkham ma ma ziang ah, nanghaw zosia a hun thangai ma ma ziang hi.

KOLOSSA 4:12

Epaphras, la lak ua mi, Khrista Jesu suak hin chibai a hun bûk hi; Pathian dawi gual taphot ah, piting leh muan um tak ah la dindet theina ding un, pauchapnate’n a pang sek hi.

1 THESSALONITE 3:13

Chuleh, I Lalpa Jesu, a mithiangtho zosia tawh a hung phat leh, I Pathian leh I Pau ma ah thianthona lam ah demna bei ah la umtheina ding un, la lungthimteu hun hi’hat piak ta hen.

2 THESSALONITE 2:15

Chutichun, suapite haw, lekha a hem, kam a hem ah thugosia ka hun genteu kha tudet in ding det un.

2 TIMOTHI 2:1

Chutichun, nang ka cha, Khrista Jesu ah hepina ah chun hat tak in um inla,

HEBRAITE 10:23

Kilîng lo hial in I kinepnau thugin hi tudet zing hitiu, thutiampa chu a ginum ngal a.

HEBRAITE 3:14

A tîl ah kipat I ginnau kingakna kha a tawp tiang ah I tûkdet ua chun, Khrista kikoppite chu I hitau hi.

HEBRAITE 4:14

Ahi’n, van ah a la chia ta, Pathian Chapa Jesu, thiampulianpen, lopi tak chu I nei ziak un, I thugin uh hi tudet zing hitiu.

2 PETER 3:17

Doitakte haw, zia thute chu la het lawk ziak un; chingthei un; achutiloleh, migilote diklona ah pui mang ah um in, a det lai kha pûk kha’n lau.