PHILIPPI 3:2 - PATHIAN LEKHABU THIANGTHO (BSI)

² Uichate lak ah chingthei un; thil phalo bawlte lak ah chun chingthei un; chuleh taksa zektan phûtte lak inle chingthei un.

PHILIPPI 3:2 ပူးပေါင်းရင်းမြစ်များ

SAM 119:115

Ka Pathian thupiakte chu ka vop phat theina dingin, nanghaw thil phalo bawl zosiate haw, ei nusia sik sek tau in.

SAM 22:16

Uichate’n ei ûm kîmvêl un; thil phalo bawlte’n ei ûm chak ui. Ka khut leh kengte a kilden un;

SAM 22:20

Ka hinna chemjam ah kipat in hukdok inla, ka hinkhua uicha thilhitheina lak ah kipat in humbit ta’n!

THUPILTE 26:11

Ui in a luak a nêk kit gual in, mingol inle a bawlkhial sa a bawl kit sek hi.

MATTHAI 24:10

Ziaphat chuleh, mi tam tak pûk intiu in, kimatsak tua in; hung kimuda tua in au.

MATTHAI 7:15

Jawlnei lêmte lak ah kivêng un; ziate chu belam vun sil in la kiang un a hung sek ui, a sung lam uh bo chu ngei gawlsan tawhbang a hiu.

MATTHAI 7:6

Uicha kiang ah chun thil thiangtho pekiu in; vokpi ma-âng ah le tuikep suang paitha kiu in; a keng un childen bep in tiu in, nang le hun sukliam khawlaw bep in au.

ROMTE 2:28

A kilang mai ah Juda mi hi chu a tak ahi ziang puai; a pawlam ah taksa mai ah zektan chule zektan tak tak ahi puai.

2 KORINTH 11:13

Zia gual mite chu Khrista sawlchâk ah kisiam in, sawlchâk lêm, mi dawha bawl ah nasem ahi zawu hi.

GALATIA 5:13

Nanghaw, suapite haw, suak hilo ding ah ko la hiu a; himaleh, suak la hi’lonau chu taksa â ding ah lemchâng in mang kiu inla, hepina’n na kisep tua piak chiat zaw tau in.

GALATIA 5:15

Himaleh, la kikiat ua, la kinêktua phat ua leh, la kisukgam lona ding un chingthei tau in.

GALATIA 5:6

Khrista Jesu ah chun zektan chu bangma a phachuam pua’n, zektanlo le bangma a phatchuamna a um puai; ginna ah hepina bep chu a phachuam ahi.

PHILIPPI 3:19

Zia mite tawpna ding chu manthaina ahi’n, a pathian uh chu a gilpiu ahi; a kilopisaknau chu a mualphonau ahi; a lungthim un lei thilte a koi ui.

PHILIPPI 3:3

Thagau ah Pathian ho in, Khrista Jesu kisuanpi ah, taksa ah kimuang lote hi zektan dik tak I hizaw ngal un.

1 TIMOTHI 1:19

Ginna leh sia leh pha hetna thiang tak vop zing in. Mi khenkhat in a sia leh pha hetnau chu paitha’n, ginna lam ah chun kuang kek gual in a buaisia tau hi;

TITA 1:16

Pathian he a kitiu in, himaleh a nasep ua chun ama a kihetlosak ui. Ki’dak um tak leh thu awilo tak in, thilpha hi’na ding lam taphot in a ting zo ta puau hi.

2 PETER 2:22

Zia thupil hi a chung un a dik ma ma hi: “Ui a luak lam in a chia kit hi,” ti leh, “Vokpi kisil thiangsa le buanthuak lak ah, kibual dingin a chia kit hi,” ti hi.

JUDA 1:4

Mi kuate a hem a gûk in la lak un a hung lut un, amau chu malai ah kipat thiamlo chang ding ah guatsa, Pathian ngaisak lo mi, I Pathian uh hepina chu hûkna chansakte leh I Hotuu leh I Lalpau, Jesu Khrista kihiatlosakte a hiu hi.

THUPUAN 2:9

La thil hi dante, la genthei dante leh la vaichâk dante (ahi’n la, la hausa nai) ka hun hia’i; Juda mi hilo ah ka hi hung kitite, Setan kikhopna In hizaw te hun gensiatna chule ka hia’i.

THUPUAN 21:8

Himaleh, mi dawilokte, ginglote, ki’dak umte, tualthatte, thanghuaite, dawi mangte, milim ho-te, juautheite zosia chun mei leh kât ah kâng meidil chang ta’n au, zia chu thi ni’na chu ahi,” a tia.

THUPUAN 22:15

A pawlam in uichate, dawithiamte, thânghuaite, tualthatte, milim hote leh juau thu dawi leh juau thugen chîngte um in au.

THUPUAN 3:9

Juda tak hilo pi, juau thu Juda kitite, Setan lawi kikhopna pangsekte kha ka hun pia ahi; amau hun sawl ing ka tin, la kengbul ah kûn sak ing ka, ka hun hepi dan hi a hetna ding un.