PHILIPPI 2:5 - PATHIAN LEKHABU THIANGTHO (BSI)

⁵ Zia lungthim Jesu Khrista ah um kha, nangmau ah le um ta hen:

PHILIPPI 2:5 ပူးပေါင်းရင်းမြစ်များ

MATTHAI 11:29

Ka ngawngkol hung puau in la, ka kiang in zil un: Lungthim ah nunnem leh kingaitawm ka hi; tichun, la thagau â ding un chawldamna mu’n lau.

LUKA 22:27

Aleh, a an nêk ding bawlpa leh a ne ding ah kichu sekte hi a kua zawk hi a lopi zawu em? A ankuang ah a la kichu sekte hi hilo a hiu em? Himaleh, keima hi nang uh lak ah nêk bawlpen in ka pang sek hi.

NASEPTE 10:38

Pathian in Nazareth Jesu sathau a nu’ a, Thagau Thiangtho leh thil hitheina’n a thuam a; tichun, ama chun na pha tak sêm in, diabol in a engbawl zosia chu a hi’dam sik sek a.

NASEPTE 20:35

Bangkim ka hun nunmu ah, migentheite panpina ding ah la sep gim ding dan uh leh, ama I Lalpau Jesu ngei in, “Lâk sâng in piak in lukhawng a nei zawi,” a ti kha hezing un, a tia.

ROMTE 14:15

Himaleh, la thil nêk ziakin la suapi a sukliam chun, hepina um talo la hi tai. Ama â ding ah Khrista thi ta, mi dang khat chu la thil nêk in manthai sak dâ hen.

ROMTE 15:3

Khrista ngei inle ama kipakna ding mai a hawl pua’n; “Nangma hun hosiate hosiatna chu keima chung ah a chu tai,” ti zik gual ah khan.

ROMTE 15:5

Tu’hin ngilneina leh thok-hatna Pathian chun, Khrista Jesu ah um lungthim gual hun putsak ta hen.

1 KORINTH 10:33

keima’nle bangkim ka hi taphot ah mi zosia ka kipaksak gual leh, keima phatna ding bep hawl lo ah, mi tam tak phatna ding leh hukdam a hi’theina ding uh ka hawl zawk gual ah hin.

EPHESA 5:2

Khrista’n ei hepi ah, ei uh â ding ah gimtui ah Pathian kiang ah thillat ah a kipiak gual khan, hepina nei zing tau in.

PHILIPPI 1:1

Paul leh Timothi, Khrista suakte hin, Philippi khua Khrista Jesu ah mithiangtho um zosia leh, hotute leh nasemte kiang ah chun,

1 PETER 2:21

Khrista’n a hun thok piak ziakin, zia gual hiding ah chun ko la hiu; a kengnung la zui ding ua a hun nutsia piak la hiu hi.

1 PETER 4:1

Chutichun, Khrista chun taksa ah a thok ziakin, nanghaw le zia gual lungthim ah chun kivan un; (taksa’ thuak ta chun gitlo a haisan tangal a.)

1 JOHAN 2:6

Kuale ama ah ka um zing hi ti tapo chu, ama tawidan gual in a tawi ding ahi.