PHILIPPI 2:3 - PATHIAN LEKHABU THIANGTHO (BSI)

³ Kikhenna ding a hem, kilopisakna ziak a hem ah bangma bawl lo in, mi zosia’n kingaitawm tak in, ama sâng ah mi dang phazaw’n guat chiat uh hen.

PHILIPPI 2:3 ပူးပေါင်းရင်းမြစ်များ

THUPILTE 13:10

Kiletsakna chun kinakna a sua sek in; thuhilna pomte kiang ah chun pilna a um sek hi.

LUKA 18:14

Ka hil la hiu, a masa pa sâng in zia pa chu thiamchang ah um in a In lam in a chia suk tai. Ama kichawisâng tapo sukniam hi’n tiu in, kingainiamte chu choisa’n in um in au,” a tia.

ROMTE 12:10

Unau kihepina tak tak chu nei in, nunnem tak in kingaina tua chiat unla; kijatua dan thiam tak in um khawm chiat tau in;

ROMTE 13:13

Sûn ah khawsa gual ah pha tak in um hitiu; zudawn buai leh zukham ah umlo in, hûk leh kidoicha umlo in, kina’ leh kithangsia umlo in;

ROMTE 2:8

Himaleh, amau lungawina ding bep hawl ah, thutak zawm nuam lo ah, diklona dan zawm zaw te chung ah chun a thangtawmna leh a lungnatna chu tung in a.

1 KORINTH 15:9

Kei chu sawlchâk lak ah neupen, Pathian kochuamte ka bawlsiat ziak ah apostol ti tâk le ka hi puai.

1 KORINTH 3:3

Taksa mi la hi nâk lai ziak un, la lak ua ki’îtsikna leh kinaknate a um laisia chu, mihing khawsak ah khawsa la hi nâk lai ziak un, taksa mi hi nalai lo la hiu em?

2 KORINTH 12:20

Ka hung phat leh ka doigual ah ka hun mulo ah, kei le la doigual un ei mu paw kha’n lau ti leh, kinakna, kithangsiatna, lungnatna, kilanna, kigensiatna leh buainate hung um kha’n a, ti ka lau hi.

GALATIA 5:15

Himaleh, la kikiat ua, la kinêktua phat ua leh, la kisukgam lona ding un chingthei tau in.

GALATIA 5:26

Kiphatsak leh kichotua in, kuama ki-êng tua in um puai tiu.

EPHESA 4:2

kingaitawmna tawh, nunnemna tawh, thokzawna tawh, hepina ah kidawtua zo tak ah um ding in,

EPHESA 5:21

Khrista la jana ziak un, nanghaw le kilutcha tua chiat un.

PHILIPPI 2:14

Phunchiak leh kinial lo in bangkim sêm un.

KOLOSSA 3:12

Chutichun, Pathian mi têl, mithiangtho leh doitakte gual in lainatna lungthimte, hepinate, kingaitawmnate, thunuaigolnate leh thok-hatnate chun kivan tau in;

KOLOSSA 3:8

Tu’hin vang, nanghaw’n le zia zosia chu: Lungnatnate, siatsonate, huatnate, gensiatnate, la kam ua zamawte hi tawh koimang un.

1 TIMOTHI 6:4

ama chu mi kisathei, bangma helo, kinial leh kikalna lam ah ngolpi zaw ta ahi. Zia haw ah kipat chun ênna, kipawl khenna, kigen siatna leh kiginlânate a hung pawt sek a,

1 PETER 3:8

A tawp pen in, la leng un lungthim munkhat nei in, kilainattua leh suapite kihepina leh thunuaigolna nei in um un.

1 PETER 5:5

Zia gual ma chun, khangdawng nalaite haw, upate nuai ah kitulut un. Ahi, la leng un na kiseptua piak chiat dingin thunuaigolna’n kivan unla: “Pathian in kiletsakte chu a dodâl in, kingaitawmte vang hepina a pesek hi,” ti ahi ngal a.