PHILIPPI 1:7 - PATHIAN LEKHABU THIANGTHO (BSI)

⁷ Nanghaw zosia lam ah zia gual lungthim put chu kei â dingin a kilawm him ahi, la lunggil un lei hezing ngal ua; ka kolbuna leh, chanchinpha ka panpina leh ka sukdetna ah le, la leng un Pathian lungsiatna chu lei kikoppi ngal un.

PHILIPPI 1:7 ပူးပေါင်းရင်းမြစ်များ

2 KORINTH 7:3

Nanghaw thiamlosakna ding ah ka gen ahi puai; thi leh thi khawm ah, dam leh dam khawm sap dingin ka lunggil un ka vop zing ui ti, tu’ma khan ka hun gensa ahi tai.

PHILIPPI 1:5

Ni masa pen ah kipat tu’tiang ah chanchinpha puanjakna la pan zing ziak un.

2 TIMOTHI 2:9

Zia ding ah chun gimnate ka thuak ah, thilhi’khial gual ah kol busak hial in ka um tai. Himaleh, Pathian thu chu kol busak in a um puai.

KOLOSSA 4:18

Kei Paul in, ka khut ngei in zia chibai bûkna hi ka zik a hi. Ka kol bute hi hezing un. Hepina la kiang un um ta hen. Amen.

PHILIPPI 4:14

Ahi’n, ka haksatnate ah lei thokpiu hi la bawlpha ma mau hi.

EPHESA 6:20

zia chanchinpha palai ding ah, thikkhau but chu ka hi tangal a. Ka gen ding gual tak ah hangsan tak ah ka gen theina dingin, ei pauchap piak un.

EPHESA 3:1

Ziaziakchun, keima Paul, nanghaw Jentelte ziak ah Jesu Khrista ah suangkul lut hin,

NASEPTE 20:23

Thagau Thiangtho in, khawtin in kânna leh sukgentheina’n a hun ngâk zing hi,” ti bep ei hiatsak hi.

1 JOHAN 3:14

I kihepitua ziak ua hin, thina kipat hinna I gâl kâi tau hi ti I hiau hi. Kuale hepina neilo chu thina um zing ahi.

2 PETER 1:13

Chuleh, taksa ah ka um sung ah hin nanghaw hun hetpi dingin ka kisazo zing hi.

1 PETER 4:13

Khrista thokna ah thokpite la hi dungzui un kipak zaw un; chutichun, a lopina a hung kilâk phât leh nang uh le lim tak in kipak thei in lau.

HEBRAITE 3:1

Ziaziakchun, suapi thiangtho, van kona chanpite haw, I thugin ua sawlchâk leh thiampu lianpen Jesu chu ngaitua tiam un.

2 TIMOTHI 1:8

Chutichun, I Lalpau thu hiatsak leh, keima ama min ah suangkul ngâkpa hile ei jachatpi kin la; chanchinpha ziak ah thokgimna hi, Pathian thilhitheina dungzui in ei thokpi zaw’n.

1 THESSALONITE 5:5

Vâk chate leh sun chate la hiu a; jan ah mi leh thim ah mi I hipuau hi.

KOLOSSA 4:3

Chuleh, suangkul ah ka tân lawna pen, Khrista thugûk chu ka taklat ding gual ah kichian tak ah ka taklat theina ding ah,

EPHESA 4:1

Chutichun, keima, Lalpa ah suangkul ngâk hin, a kona tawh kiphutawk ah um ding leh,

GALATIA 5:6

Khrista Jesu ah chun zektan chu bangma a phachuam pua’n, zektanlo le bangma a phatchuamna a um puai; ginna ah hepina bep chu a phachuam ahi.

2 KORINTH 3:2

Nangmau hi ka lekhau chu la hiu; ka lunggil sung ua kizik, mi zosia het leh sim chu la hiu hi.

1 KORINTH 13:7

bangkim a thuak ham ham in, bangkim a gingchan, bangkim a kinem in, bangkim a thuak mual suak sek hi.

1 KORINTH 9:23

Chanchinpha ziakin zia zosia chu ka hisek ah, a maljawlnate ka chan sam theina ding in.

NASEPTE 21:33

Hotu lalpen chun Paul chu a man ah, thikkhau pani bul dingin thu a pia’n, kua ahileh bang bawl a hem ti a dong a.

1 PETER 5:1

Chutichun, la lak ua kochuam upate chu, keima la upatpiu, Khrista thoknate he pa, lopina chang dingpa hin, la lak ua upate chu ka hun tîl ahi.

PHILIPPI 1:12

Suapite haw, ka chung ah thiltung te hi chanchinpha machâlna ding ahi zawi ti la het uh ka nuam hi;

PHILIPPI 1:13

tichun, Lengpa vêng ah pang sepai pawl zosia lak leh, midang zosia kiang ah chun, Khrista ziak ah kolbut ka hi ti a lang suak ta’n;

PHILIPPI 1:14

chuleh, ka kolbunate ziakin unaute lak ah tam tak in, Lalpa muanna nei zaw diak in, Pathian thu gen dingin nasa zaw diak ah suk-hansan leh launa neilo a hung hitau hi.

PHILIPPI 2:22

Himaleh, Timothi lûl zia tak, chapa’n a pa a seppi gual ah chanchinpha nasepna ah keima ei seppi dan la hiau hi.

PHILIPPI 4:3

Ahi, ka ngawngkol bâtpi dik tak, nang le zia numeite kha panpi dingin ka ni la hi; amau chun Klemen leh ka seppi dang, hinna bu ah a min uh chuangte tawh, chanchinpha ah chun ei la seppi ngal ua.

PHILIPPI 4:15

Chuleh, nanghaw Philippi mite haw, chanchinpha tun lim lai ah Makedonia gam ah kipat ka hung pawt lai ah khan, nangmau beplo ngal, kochuam pawl kuama’n thilpiak leh lak thu ah bangma ei bawl piak puau hi ti la hiau hi.

PHILEMON 1:13

Ama hi chanchinpha ziak ah ka koltânna hin, nangma thasâng ah ka na ei sep piak dingin koiden mai chu ka nuam in: