PHILEMON 1:14 - PATHIAN LEKHABU THIANGTHO (BSI)

¹⁴ Himaleh, la cham lo ah ei panpi hilo in, nangma nopna ngei a hitheina dingin, nang thu lo in bangma ka hi nuam puai.

PHILEMON 1:14 ပူးပေါင်းရင်းမြစ်များ

1 KHANGTHU 29:17

Ka Pathian, nang in lungthim lam la enchian sek in, dikna la kipakpi hi ti ka hia’i. Ka lungthim dik tak ah zia thil zosia hi kiphal takah ka hun piak ahi; chuleh, tu’hin, la mipite hinle kipak tak leh kiphal tak ah a hun piak uh ahi ti ka mui.

SAM 110:3

La tâng thiangtho ah la sepaite ma la hun pui phat leh, la mipite chu nang â ding ah, thanuam tak in hung kipia’n tiu in; jingkal matak ah daichîm gual in, la khanglaite chu la kiang in hung in au.

1 KORINTH 9:17

Zia chu keima thu ah ka hi chun, kipakman ka nei hi; himaleh, keima thu ahiloleh chu sawl ah um hiding ka hi.

1 KORINTH 9:7

Kua’n ama kivâk in gâl a kap ngai em? Kua’n a ga nelo in grep huan a bawl ngai em? Ahiloleh, kua’n gan nawitui nelo in gan-gual a ching ngai em?

2 KORINTH 1:24

La ginnau chung ah thunei gua hilo in, la kipakna ding ua nang uh tawh sem khawm ka hi zawu hi; ginna’n la ding det ta ngal un.

2 KORINTH 8:12

Thâtnopna a um ah, min a neilo gual hilo ah, a nei tawh kiphutawk ah a piak chu kipakpi a um ngal a.

2 KORINTH 9:5

Ziaziakchun, suapite hi la kiang ua hung masa’n, thilpiak la tiamsau kha a la siam khol dingin dot kûl in ka hiai. Pawng lâkpiak gual hilo ah, phal tak ah piak gual in kisa zosa la umna ding un.

2 KORINTH 9:7

Mi zosia’n phal lo sa sa’n pawngchangsan ah piak ding ah ngai ah pia hilo in, lunggil ah a tup gual un pechiat uh hen; kipak tak ah pete chu Pathian in a kipakpi hi.