PAWTDAWNA THU 9:27 - PATHIAN LEKHABU THIANGTHO (BSI)

²⁷ Ziaphatchun, Pharaoh in Mosi tawh Aron a ko ah a kiang un, “Tu’chung ah hin thil ka bawl khial tai; Lalpa chu a dik ah, keima leh ka mipite hi ka dik puau hi.

PAWTDAWNA THU 9:27 ပူးပေါင်းရင်းမြစ်များ

2 SAMUEL 12:13

David in Nathan kiang ah chun, “Lalpa chung in ka la gilo ta a hi,” a tia. Nathan chun David kiang in, “Tu’hin la gitlona chu Lalpa‘n a lamang tai; thi lo ding la hi.

2 KHANGTHU 12:6

Ziaphatchun, Israel mipite lak ah hotute leh lengpa chu hung kingainiam in, “Lalpa thilbawl dan chu a dik hi,” a tiu a.

SAM 129:4

Lalpa chu a dik ah, migilote khauhual chu a ât tan tai.

SAM 145:17

Lalpa chu a tawidan zosia’n a dik a, a thilbawl zosia ah mi lungsiat thei tak ahi.

SAM 9:16

Lalpa chu a kiang un a kihiatsak ta hen, vai a hawm tai; mi nunsiate chu amau khutsuak ah chun a awk tau ahi.

PAWTDAWNA THU 10:16

Ziaphatchun, Pharaoh chun Mosi tawh Aron kin tak in a ko ah a kiang un, “Lalpa la Pathian uh leh nangmau chung in thil ka bawl khial tai;

PAWTDAWNA THU 10:17

zia ka thil bawlkhialna ziak hin ei ngaidam nalai unla, zia thi’na ding tizat um tak hi tunsak lo dingin Lalpa la Pathian kiang un ei dot piak nalai un,” ti’n a don tai.

PAWTDAWNA THU 8:25

Ziaphatchun, Pharaoh chun Mosi tawh Aron a ko ah, a kiang un, “Chiau inla, gam sung ah hin la Pathian kiang un vakithawi tau in,” a tia.

PAWTDAWNA THU 8:8

Ziaphatchun, Pharaoh in Mosi tawh Aron a ko ah, a kiang un, “Ukêngte hi keima leh ka mipite lak ah kipat lamang dingin Lalpa chu don un; tichun, mipite hi Lalpa kiang ah kithawi dingin hun pawtsak ing ka,” a tia.

KÂ LATE 1:18

Lalpa vang a dik hi, a thupiak dodâl in ka la hel ta mai un; himaleh, ngai un, ka mipite haw, ka genthei dan hi ngaituau in; ka nungakte leh tangvalte sal in a tâng zo tau.

DANIAL 9:14

Tichun, ka chung ua thil phalo a hung tun masangsia a la entha zing hi. Lalpa ka Pathian uh vang a thilbawl zosia ah dik suak a hisiat tawh; ama aw ka la ngaisak ta paw’ngal un.

KISIMNA LEKHABU 21:7

Mipite Mosi kiang ah hung in, “Lalpa tawh nangma ka gensiat uh hi ka la hi’khial tau; gûl haw hi la mang dingin Lalpa kiang ah ei dot piak in,” a tiu a. Tichun, Mosi chun mipite a dot piak tai.

KISIMNA LEKHABU 22:34

Ziaphatchun, Balaam in Lalpa vansawlchâk kiang in, “Keima ei lamtin ding ah lamlian ah a la ding la hi’lam ka hepua, ka la hi’khial ta ahi. Ziaziakchun, tu’hin la lung a damlo chun, ka In lam ah kile’kit ziang ing ka,” a tia.

MATTHAI 27:4

“Mawna neilo thisan ka matsak ziak ah hin thil ka hikhial tai,” a tia. Amau chun, “Zia chu kei un bang ding ka tiu em? Nang in la law law kilaw ta’n,” a tiu a.

ROMTE 2:5

La lung tâkna leh la gitlo khawk saklona ziakin, Pathian in dik tak ah a vaihawmna chu a hun puandaw phat leh, zia lungnatna ni ding ah lungnatna kikhol khawm mai hizaw ding la hi.

ROMTE 3:19

Kam zosia a thip ah, khawvel zosia hi Pathian ma ah gilo a hung hitheina ding un, dan kigente zosia hi dan nuai ah umte kiang ah gen a hisek hi ti, I hiau hi.

JOSHUA 7:20

Chun, Akan in Joshua a dawnhu ah, “A dik hi; Israelte Lalpa Pathian chung ah thil bawlkhial chu keima ka hi. Thil ka la bawl chu zia hi ahi:

1 SAMUEL 15:24

Samuel kiang ah Saul in, “Mipite ka lau ziak ah a thuu ka la mat tâk ziakin, Lalpa thupiak leh la thugen ka la botsia kha ta’n, ka la gilo ta ahi.

1 SAMUEL 15:30

Ziaphatchun, Saul in, “Ka la gilo tai; himaleh, ka mipite leh upate ma-âng ah hin ja’ngai inla, Lalpa la Pathian ka biak theina dingin ei chiapi kit in,” ti’n a gen a.

1 SAMUEL 26:21

Ziaphatchun Saul in, “Ka chapa David hung kit in, ka la bawlkhial ta ahi; tu’ni hin ka hinkhua nang in lûl tak ah lei koi ziakin, bangma hun law ta pua’ng ka; ka la ngol ziakin, thil ka la bawlkhial nasa ta law ta ahi,” ti’n a hun dawnhu tai.